Team India: వెస్టిండీస్‌పై సిరీస్ గెలిచాం.. ఆసక్తి రేపుతోన్న గంభీర్ పోస్ట్..!
India vs West Indies ODI: వెస్టిండీస్‌పై మూడు మ్యాచ్‌ల వన్డే సిరీస్‌ను భారత్ 2-1తో గెలుచుకుంది. చివరి మ్యాచ్‌లో ఓడినా సిరీస్‌ను సొంతం చేసుకున్న టీమిండియాపై గౌతమ్ గంభీర్ (Gautam Gambhir) సోషల్ మీడియాలో స్పందించాడు. పిచ్‌లపై గతంలో చేసిన వ్యాఖ్యలకు భిన్నంగా ఈసారి తన పోస్ట్‌లో ఆటగాళ్ల కష్టాన్ని ప్రశంసిస్తూ వెస్టిండీస్ జట్టుకు ప్రత్యేక గౌరవం తెలిపాడు.
Updated on: Oct 04, 2026 | 1:58 PM
India vs West Indies ODI: వెస్టిండీస్‌తో వన్డే సిరీస్ ముగిసిన తర్వాత భారత ప్రధాన కోచ్ గౌతమ్ గంభీర్ సోషల్ మీడియాలో చేసిన పోస్ట్ ఇప్పుడు చర్చగా మారింది. భారత్ 2-1తో సిరీస్ కైవసం చేసుకుంది. తొలి రెండు మ్యాచ్‌ల్లో గెలిచిన టీమిండియా, చివరి వన్డేలో వెస్టిండీస్ చేతిలో ఓటమి ఎదుర్కొంది. ఆ మ్యాచ్‌లో షై హోప్ (Shai Hope) కీలక ఇన్నింగ్స్ ఆడి వెస్టిండీస్‌కు విజయాన్ని అందించాడు.
సిరీస్ ముగిసిన సందర్భంగా గంభీర్ తన జట్టు ప్రదర్శనపై స్పందించాడు. భారత ఆటగాళ్లు నమ్మకంతో, కష్టపడి సిరీస్‌ను గెలిచారని ప్రశంసించాడు. అదే సమయంలో పర్యాటక వెస్టిండీస్ జట్టును కూడా అభినందించాడు. చివరి మ్యాచ్‌లో భారత్‌ను ఓడించేందుకు వారు పోరాడాల్సి వచ్చిందని గంభీర్ పేర్కొన్నాడు.
ఎక్కువమంది చదివినది: 351 పరుగులు చేసినా ఓటమి.. ఆ నిర్ణయమే టీమిండియా కొంపముంచిదా..?
ఈ సిరీస్‌లో పిచ్‌ల విషయంలో గంభీర్ చేసిన వ్యాఖ్యలు కూడా ప్రత్యేకంగా నిలిచాయి. రెండో వన్డే ముగిసిన తర్వాత భారీ స్కోర్లు నమోదైన మ్యాచ్‌పై అతడు తీవ్రంగా స్పందించాడు. రెండు జట్ల స్కోర్లు కలిపి 800కు పైగా పరుగులు వచ్చిన ఆ మ్యాచ్‌ను ‘నో క్రికెట్’గా అభివర్ణించాడు.
మూడో వన్డే కూడా పరుగుల వర్షం కురిసిన మ్యాచ్‌గానే సాగింది. భారత్ 351 పరుగులు చేసింది. ఆ లక్ష్యాన్ని వెస్టిండీస్ ఛేదించింది. కెప్టెన్ శై హోప్ 162 పరుగులతో నాటౌట్‌గా నిలిచి జట్టును విజయతీరాలకు చేర్చాడు. ఈ గెలుపుతో వెస్టిండీస్‌కు భారత్‌పై 2023 తర్వాత తొలి వన్డే విజయం దక్కింది. అదే సమయంలో వారి వన్డే చరిత్రలో అత్యధిక విజయవంతమైన ఛేజింగ్‌గా ఇది నిలిచింది.
మ్యాచ్ అనంతరం శుభ్‌మన్ గిల్ (Shubman Gill) కూడా కొన్ని అంశాలను ప్రస్తావించాడు. భారత జట్టు బౌలింగ్‌లో చివరి ఓవర్ల ప్రణాళికపై మరింత స్పష్టత అవసరమని చెప్పాడు. ముఖ్యంగా డెత్ ఓవర్లలో దాడి చేయాలా, రక్షణాత్మకంగా బౌలింగ్ చేయాలా అనే విషయంలో జట్టు మరింత మెరుగుపడాల్సి ఉందని వివరించాడు.
సిరీస్ విజయం భారత్‌కు దక్కినా చివరి మ్యాచ్ ఇచ్చిన పాఠాలు స్పష్టంగానే కనిపించాయి. గంభీర్ తాజా పోస్ట్‌లో మాత్రం భారత ఆటగాళ్ల శ్రమను ప్రత్యేకంగా ప్రస్తావించడంతో పాటు, వెస్టిండీస్ పోరాటాన్ని గౌరవించడం విశేషంగా నిలిచింది.
మరిన్ని క్రీడా వార్తల కోసం ఇక్కడ క్లిక్ చేయండి..
