NZ vs SA Playing XI: టాస్ గెలిచిన న్యూజిలాండ్.. 24 ఏళ్ల ప్రతీకారానికి సిద్ధమైన సౌతాఫ్రికా.. ఇరుజట్ల ప్లేయింగ్ 11 ఇదే..
New Zealand vs South Africa Playing XI: నాలుగేళ్ల తర్వాత ఇరు జట్లు వన్డేల్లో తలపడనున్నాయి. చివరిసారిగా ఇరుజట్లు 2019 ప్రపంచకప్లో తలపడ్డారు. టోర్నీలో 25వ మ్యాచ్ బర్మింగ్హామ్లో జరిగింది. ఇందులో న్యూజిలాండ్ చివరి ఓవర్లో నాలుగు వికెట్ల తేడాతో విజయం సాధించింది. ఈ మ్యాచ్లో ఆ జట్టు రెగ్యులర్ కెప్టెన్ కేన్ విలియమ్సన్ సెంచరీ సాధించి జట్టును విజయతీరాలకు చేర్చాడు.
ICC Men’s ODI world cup New Zealand vs South Africa Playing XI: వన్డే ప్రపంచకప్ 2023లో 32వ మ్యాచ్లో ప్రస్తుత రన్నరప్ న్యూజిలాండ్ నేడు దక్షిణాఫ్రికాతో తలపడుతోంది. పుణెలోని మహారాష్ట్ర క్రికెట్ అసోసియేషన్ స్టేడియం (ఎంసీఏ)లో ఈ మ్యాచ్ జరుగుతోంది. టాస్ గెలిచిన న్యూజిలాండ్ ముందుగా బౌలింగ్ ఎంచుకుంది. ఈరోజు జరిగే మ్యాచ్లో గెలుపొందిన జట్టు సెమీఫైనల్కు సులువుగా అర్హత సాధిస్తుంది. న్యూజిలాండ్ 6 మ్యాచ్ల్లో 4 విజయాలు సాధించి 8 పాయింట్లతో పట్టికలో మూడో స్థానంలో ఉంది. దక్షిణాఫ్రికా 6 మ్యాచ్ల్లో 5 గెలిచి 10 పాయింట్లతో రెండో స్థానంలో ఉంది.
రెండు జట్లకు సంబంధించిన ముఖ్యమైన విషయం ఓసారి గమనిస్తే.. 1999 నుంచి ప్రపంచ కప్లో ఇరుజట్ల మధ్య 5 మ్యాచ్లు జరిగాయి. మొత్తం ఐదు మ్యాచ్లలో న్యూజిలాండ్ గెలిచింది. వీటిలో 2011, 2015 ప్రపంచకప్లో 2 నాకౌట్ మ్యాచ్లు కూడా ఉన్నాయి.
ఇరు జట్ల మధ్య ఇప్పటి వరకు మొత్తం 71 వన్డేలు జరిగాయి. న్యూజిలాండ్ 25 మ్యాచ్లు గెలవగా, దక్షిణాఫ్రికా 41 మ్యాచ్లు గెలిచింది. 5 మ్యాచ్ల్లో ఫలితం తేలలేదు.
అయితే, ప్రపంచకప్లో న్యూజిలాండ్ దక్షిణాఫ్రికాను ఓడించింది. ఇరు జట్లు ఇప్పటి వరకు 8 సార్లు తలపడగా, న్యూజిలాండ్ 6, దక్షిణాఫ్రికా 2 మాత్రమే గెలిచాయి.
నాలుగేళ్ల తర్వాత ఇరు జట్లు తలపడనుండగా..
నాలుగేళ్ల తర్వాత ఇరు జట్లు వన్డేల్లో తలపడనున్నాయి. చివరిసారిగా ఇరుజట్లు 2019 ప్రపంచకప్లో తలపడ్డారు. టోర్నీలో 25వ మ్యాచ్ బర్మింగ్హామ్లో జరిగింది. ఇందులో న్యూజిలాండ్ చివరి ఓవర్లో నాలుగు వికెట్ల తేడాతో విజయం సాధించింది. ఈ మ్యాచ్లో ఆ జట్టు రెగ్యులర్ కెప్టెన్ కేన్ విలియమ్సన్ సెంచరీ సాధించి జట్టును విజయతీరాలకు చేర్చాడు.
ఇరు జట్లు:
దక్షిణాఫ్రికా (ప్లేయింగ్ XI): క్వింటన్ డి కాక్ (కీపర్), టెంబా బావుమా (కెప్టెన్), రాస్సీ వాన్ డెర్ డస్సెన్, ఐడెన్ మార్క్రామ్, హెన్రిచ్ క్లాసెన్, డేవిడ్ మిల్లర్, మార్కో జాన్సెన్, గెరాల్డ్ కోయెట్జీ, కేశవ్ మహరాజ్, కగిసో రబాడ, లుంగి ఎన్గిడి.
న్యూజిలాండ్ (ప్లేయింగ్ XI): డెవాన్ కాన్వే, విల్ యంగ్, రచిన్ రవీంద్ర, డారిల్ మిచెల్, టామ్ లాథమ్(కీపర్/కెప్టెన్), గ్లెన్ ఫిలిప్స్, జేమ్స్ నీషమ్, మిచెల్ సాంట్నర్, మాట్ హెన్రీ, టిమ్ సౌతీ, ట్రెంట్ బౌల్ట్.
మరిన్ని క్రీడా వార్తల కోసం ఇక్కడ క్లిక్ చేయండి..