IPL 2024: 3 మ్యాచ్‌ల్లో 115 పరుగులు.. కట్‌చేస్తే.. బెంగళూరు ప్లేయింగ్ 11 నుంచి ఔట్.. ఎవరంటే?

Rcb Vs Lsg Playing 11

RCB Predicted Playing 11 vs LSG: ఇండియన్ ప్రీమియర్ లీగ్ (ఐపీఎల్ 2024)లో రాయల్ ఛాలెంజర్స్ బెంగళూరు జట్టు మూడు మ్యాచ్‌ల్లో ఓటమి మరియు విజయాన్ని చవిచూసింది. తొలి మ్యాచ్‌లో సీఎస్‌కేపై ఓడిన ఆర్సీబీ.. రెండో మ్యాచ్‌లో పంజాబ్ కింగ్స్‌పై విజయం సాధించింది. కానీ మూడో మ్యాచ్‌లో కేకేఆర్‌పై తడబడింది. ఇప్పుడు ఐపీఎల్ 2024లో 15వ మ్యాచ్‌లో లక్నో సూపర్ జెయింట్‌తో తలపడేందుకు సిద్ధంగా ఉంది. కాగా, ఇండియన్ ప్రీమియర్ లీగ్ (IPL 2024) 15వ మ్యాచ్‌లో రాయల్ ఛాలెంజర్స్ బెంగళూరు (RCB) వర్సెస్ లక్నో సూపర్ జెయింట్స్ (LSG) మ్యాచ్‌లో కీలక మార్పులతో బెంగళూరు బరిలోకి దిగనుంది. బెంగళూరులోని చిన్నస్వామి స్టేడియంలో జరిగే ఈ మ్యాచ్‌లో ఆర్‌సీబీ తమ ప్లేయింగ్ ఎలెవన్‌లో మార్పు చేయడం దాదాపు ఖాయమని తెలుస్తోంది. ఈ మేరకు ఇప్పటికే జట్టులో మార్పులు చేసినట్లు తెలుస్తోంది.

ఎందుకంటే గత మూడు మ్యాచ్ ల్లో ఆడిన అల్జారీ జోసెఫ్ ఆశించిన విధంగా రాణించలేకపోతున్నాడు. చెన్నై సూపర్ కింగ్స్‌తో జరిగిన మ్యాచ్‌లో 3.4 ఓవర్లలో 38 పరుగులు ఇచ్చిన అల్జారీ.. ఆ తర్వాత పంజాబ్ కింగ్స్‌తో జరిగిన మ్యాచ్‌లో 4 ఓవర్లలో 43 పరుగులు సమర్పించుకున్నాడు. కేకేఆర్‌పై 2 ఓవర్లలో 34 పరుగులు ఇచ్చి, తీవ్రంగా నిరాశపరిచాడు.

దీంతో లక్నో సూపర్ జెయింట్‌తో జరిగే మ్యాచ్‌లో అల్జారీ జోసెఫ్‌కు దూరమయ్యే అవకాశాలు ఎక్కువగా ఉన్నాయి. అలాగే రీస్ టోప్లీ లేదా లాకీ ఫెర్గూసన్‌కు కూడా అవకాశం ఇవ్వవచ్చు. వినిపిస్తు్న్న వార్తల ప్రకారం, ఎల్‌ఎస్‌జీతో మ్యాచ్‌కు ఆర్‌సీబీ ప్లేయింగ్ 11లో ఎలా ఉంటుందో ఓసారి చూద్దాం..

ఫాఫ్ డుప్లెసిస్: ఎల్‌ఎస్‌జీతో జరిగే మ్యాచ్‌లో ఫాఫ్ డుప్లెసిస్ ఓపెనర్‌గా కూడా వ్యవహరిస్తాడు.

విరాట్ కోహ్లీ: కెప్టెన్ ఫాఫ్ డుప్లెసిస్‌తో పాటు ఈ మ్యాచ్‌లోనూ విరాట్ కోహ్లీ ఓపెనర్‌గా కొనసాగనున్నాడు.

కెమరూన్ గ్రీన్: ఫాస్ట్ బౌలింగ్ ఆల్ రౌండర్ కెమరూన్ గ్రీన్ 3వ ఆర్డర్‌లో ఫీల్డింగ్ చేయనుండడంతో ఈ మ్యాచ్‌లోనూ అవకాశం లభించనుంది.

రజత్ పటీదార్: గత మ్యాచ్‌ల్లో విఫలమైన రజత్ పాటిదార్‌కు మరో అవకాశం దక్కే అవకాశం ఉంది. తద్వారా ఎల్‌ఎస్‌జీతో జరిగే మ్యాచ్‌లో పాటిదార్ నాలుగో స్థానంలో కనిపించనున్నాడు.

గ్లెన్ మాక్స్‌వెల్: లక్నో సూపర్‌జెయింట్‌తో జరిగే మ్యాచ్‌లో ఆర్‌సీబీ తరపున మ్యాక్స్‌వెల్ 5వ స్థానంలో నిలవడం ఖాయం.

అనుజ్ రావత్: తొలి రెండు మ్యాచ్‌ల్లో మంచి ప్రదర్శన కనబరిచిన లెఫ్టార్మ్ బ్యాట్స్‌మెన్ అనుజ్ రావత్ వికెట్ కీపర్ బ్యాట్స్‌మెన్‌గా మారనున్నాడు.

దినేష్ కార్తీక్: RCB ఫినిషర్ పాత్రలో దినేష్ కార్తీక్ కనిపించడం ఖాయం. అయితే, అతను వికెట్ల వెనకాల కనిపించే అవకాశం లేదు. ఎందుకంటే గత మ్యాచ్‌లో రావత్ వికెట్ కీపింగ్ చేశాడు.

మయాంక్ డాగర్: మయాంక్ డాగర్‌కు RCB జట్టులో స్పిన్ ఆల్ రౌండర్‌గా మరో అవకాశం లభించే అవకాశం ఉంది.

రీస్ టోప్లీ: లెఫ్ట్ ఆర్మ్ పేసర్ రీస్ టోప్లీ LSGకి వ్యతిరేకంగా బరిలోకి దిగవచ్చు. ఎందుకంటే సిరాజ్, గ్రీన్ RCBకి రైట్ ఆర్మ్ పేసర్లుగా కనిపిస్తారు. RCB అట్టా యశ్ దయాల్‌తో పాటు టాప్‌లీని లెఫ్ట్ ఆర్మ్ పేసర్‌గా ఉపయోగించుకోవచ్చు.

మహ్మద్ సిరాజ్: లక్నో సూపర్‌జెయింట్‌తో జరిగిన మ్యాచ్‌లో మంచి రికార్డు ఉన్న మహ్మద్ సిరాజ్ ఈ మ్యాచ్‌లో కూడా ఆడటం ఖాయమే.

యశ్ దయాల్: తొలి రెండు మ్యాచ్‌ల్లో అద్భుతమైన బౌలింగ్ ప్రదర్శన ఇచ్చిన యశ్ దయాల్ ఈ మ్యాచ్‌లోనూ కనిపించనున్నాడు.

రాయల్ ఛాలెంజర్స్ బెంగళూరు ప్రాబబుల్ ప్లేయింగ్ 11: ఫాఫ్ డుప్లెసిస్, విరాట్ కోహ్లీ, కెమరూన్ గ్రీన్, రజత్ పటీదార్, గ్లెన్ మాక్స్‌వెల్, అనుజ్ రావత్, దినేష్ కార్తీక్, మయాంక్ డాగర్, రీస్ టోప్లీ, మహ్మద్ సిరాజ్, యశ్ దయాల్.

రాయల్ ఛాలెంజర్స్ బెంగళూరు జట్టు: ఫాఫ్ డు ప్లెసిస్, గ్లెన్ మాక్స్‌వెల్, విరాట్ కోహ్లి, రజత్ పటీదార్, అనుజ్ రావత్, దినేష్ కార్తీక్, సుయాష్ ప్రభుదేశాయ్, విల్ జాక్స్, మహిపాల్ లొమ్రోర్, కర్ణ్ శర్మ, మనోజ్ భాండాగే, మయాంక్ దాగర్, విజయ్‌కుమార్ వైషాక్, ఆకాశ్ దీప్, మోహమ్ దీప్ , మహ్మద్ సిరాజ్, రీస్ టోప్లీ, హిమాన్షు శర్మ, రాజన్ కుమార్, కామెరాన్ గ్రీన్, అల్జారీ జోసెఫ్, యష్ దయాల్, టామ్ కరణ్, లక్కీ ఫెర్గూసన్, స్వప్నిల్ సింగ్, సౌరవ్ చౌహాన్.

మరిన్ని క్రీడా వార్తల కోసం ఇక్కడ క్లిక్ చేయండి..