GT vs MI: అదరగొట్టిన గిల్‌.. మిల్లర్‌, అభినవ్‌ల మెరుపులు.. ముంబై ముందు గుజరాత్ భారీ టార్గెట్‌

Gujarat Titans

శుభమన్‌ గిల్‌ మళ్లీ అదరగొట్టాడు. అహ్మదాబాద్‌లోని నరేంద్ర మోడీ స్టేడియం వేదికగా ముంబై ఇండియన్స్‌తో జరుగుతున్న మ్యాచ్‌లో గిల్ అద్భుతమైన అర్ధ సెంచరీని సాధించాడు. కేవలం 34 బంతుల్లోనే 56 పరుగులు సాధించాడు. ఇందులో 7 ఫోర్లు, ఒక సిక్సర్‌ ఉన్నాయి. అతనికి తోడు అభినవ్‌ మనోహర్‌ (21 బంతుల్లో 42, 3 ఫోర్లు, 3 సిక్సర్లు), డేవిడ్‌ మిల్లర్‌ (22 బంతుల్లో 46, 2 ఫోర్లు 4 సిక్స్‌లు), రాహుల్‌ తెవాతియా ( 5 బంతుల్లో 20 3 సిక్స్‌లు) రాణించడంతో నిర్ణీత 20 ఓవర్లలో 6 వికెట్లు కోల్పోయి 207 పరుగులు చేసింది రాజస్థాన్‌. ముంబయి బౌలర్లలో పీయూష్‌ చావ్లా 2 వికెట్లు తీయగా.. అర్జున్‌ తెందూల్కర్‌, రైలీ, కుమార్‌ కార్తికేయ, జేసన్‌ తలో వికెట్‌ తీశారు. టాస్‌ ఓడి బ్యాటింగ్‌కు దిగిన గుజరాత్‌కు గిల్‌ శుభారంభం అందించాడు. మరో ఓపెనర్ సాహా ఔటైనా దూకుడు కొనసాగించాడు. ఈ సీజన్‌లో గిల్‌కి ఇది మూడో అర్ధ సెంచరీ. అంతకుముందు అతను చెన్నై సూపర్ కింగ్స్, పంజాబ్ కింగ్స్‌లపై హాఫ్ సెంచరీలు సాధించాడు. చెన్నైపై 63 పరుగుల ఇన్నింగ్స్ ఆడాడు. పంజాబ్‌పై 67 రన్స్‌ చేశాడు. ఓవరాల్‌ గా ఐపీఎల్‌లో అతనికిది 17వ అర్ధశతకం.

ముంబై ఇండియన్స్

రోహిత్ శర్మ (c), ఇషాన్ కిషన్ (WK), కామెరూన్ గ్రీన్, సూర్యకుమార్ యాదవ్, టిమ్ డేవిడ్, నెహాల్ వధేరా, కుమార్ కార్తికేయ, అర్జున్ టెండూల్కర్, రిలే మెరెడిత్, పీయూష్ చావ్లా, జాసన్ బెహ్రెండోర్ఫ్

ఇంపాక్ట్ ప్లేయర్స్

రమణదీప్ సింగ్, తిలక్ వర్మ, షామ్స్ ములానీ, విష్ణు వినోద్, సందీప్ వారియర్.

గుజరాత్ టైటాన్స్

హార్దిక్ పాండ్యా (కెప్టెన్), వృద్ధిమాన్ సాహా, శుభమాన్ గిల్, విజయ్ శంకర్, డేవిడ్ మిల్లర్, అభినవ్ మనోహర్, రాహుల్ తెవాటియా, రషీద్ ఖాన్, మహ్మద్ షమీ, నూర్ అహ్మద్, మోహిత్ శర్మ.

ఇంపాక్ట్ ప్లేయర్స్

లిటిల్, డాసున్ శనక, శివమ్ మావి, సాయి కిషోర్, శ్రీకర్ భరత్.

మరిన్ని క్రికెట్ వార్తల కోసం క్లిక్ చేయండి..