Video: వైడ్ ఇచ్చిన అంపైర్కు దిమ్మతిరిగే షాకిచ్చిన చైనామన్.. ఒకే ఓవర్లో ఇచ్చిపడేశాడుగా..!
Kuldeep Yadav: వెస్టిండీస్తో తొలి వన్డేలో కుల్దీప్ యాదవ్ అసహనానికి గురైన ఘటన ఆసక్తికరంగా మారింది. తన బౌలింగ్లో వేసిన ఓ బంతిని అంపైర్ వైడ్గా ప్రకటించడంతో స్పిన్నర్ నిర్ణయాన్ని ప్రశ్నించాడు. కొద్దిసేపటికే అదే స్పెల్లో జాన్ క్యాంప్బెల్ను ఔట్ చేసి భారత్కు కీలక బ్రేక్థ్రూ అందించాడు.
Kuldeep Yadav: భారత క్రికెట్ జట్టు (Team India), వెస్టిండీస్ (West Indies) మధ్య తొలి వన్డేలో కుల్దీప్ యాదవ్ (Kuldeep Yadav) అంపైర్ నిర్ణయంపై అసంతృప్తి వ్యక్తం చేసిన ఘటన చర్చనీయాంశమైంది. తిరువనంతపురంలో జరుగుతున్న ఈ మ్యాచ్లో భారత్ తొలుత బౌలింగ్ ఎంచుకుంది. వెస్టిండీస్ ఓపెనర్లు జాన్ క్యాంప్బెల్ (John Campbell), జస్టిన్ గ్రీవ్స్ (Justin Greaves) భారత బౌలర్లపై దూకుడుగా ఆడుతూ జట్టుకు బలమైన ఆరంభం ఇచ్చారు. పవర్ప్లే ముగిసేసరికి వికెట్ నష్టపోకుండా 85 పరుగులు సాధించారు. భాగస్వామ్యం 100 పరుగుల మార్క్ను దాటిన తరువాత భారత్కు వికెట్ అవసరం మరింత పెరిగింది. ఈ క్రమంలో బంతిని కుల్దీప్ చేతికి అందించాడు టీమిండియా కెప్టెన్ గిల్. 18వ ఓవర్లో క్యాంప్బెల్ ఆడేందుకు ప్రయత్నించిన ఓ బంతిని అంపైర్ వైడ్గా ప్రకటించడంతో కుల్దీప్ వెంటనే స్పందించాడు. నిర్ణయంపై తన అభిప్రాయాన్ని అంపైర్కు చెప్పాడు. తీర్పు మారకపోవడంతో అతడి అసంతృప్తి స్పష్టంగా కనిపించింది.
18వ ఓవర్ ఐదో బంతి సమయంలో ఈ ఘటన చోటుచేసుకుంది. ఆఫ్స్టంప్కు వెలుపలగా కుల్దీప్ బంతిని సంధించగా, క్యాంప్బెల్ దాన్ని అందుకునేందుకు ప్రయత్నించాడు. బంతి స్పిన్తో మరింత బయటకు వెళ్లింది. అంపైర్ వైడ్ సిగ్నల్ ఇవ్వడంతో కుల్దీప్ వెంటనే తన అభ్యంతరాన్ని వ్యక్తం చేశాడు.
అప్పటికే క్యాంప్బెల్, గ్రీవ్స్ జోడీ భారత బౌలింగ్పై ఒత్తిడి పెంచింది. కుల్దీప్ ఓవర్ మొదటి బంతినే క్యాంప్బెల్ సిక్సర్గా మలిచాడు. ఆ తరువాత వైడ్ నిర్ణయం రావడంతో స్పిన్నర్లో అసంతృప్తి మరింత పెరిగింది.
— crictalk (@crictalk7) September 27, 2026
ఈ ఘటనతో కుల్దీప్ బౌలింగ్పై ప్రభావం పడుతుందేమో అనిపించినా, అతడు తరువాతి ఓవర్లోనే సమాధానం ఇచ్చాడు. మరింత నేరుగా బంతిని విసిరి క్యాంప్బెల్ను షాట్కు ప్రేరేపించాడు. బ్యాటర్ ప్రయత్నించిన షాట్కు టాప్ ఎడ్జ్ రావడంతో క్యాచ్గా మారింది.
క్యాంప్బెల్ వికెట్తో వెస్టిండీస్ ఓపెనింగ్ భాగస్వామ్యానికి తెరపడింది. అప్పటివరకు కొనసాగిన 135 పరుగుల భాగస్వామ్యాన్ని కుల్దీప్ ముగించాడు. భారత్కు అవసరమైన సమయంలో తొలి వికెట్ అందించిన ఘనత అతడి ఖాతాలో చేరింది. ఆ తర్వాత 36వ ఓవర్లో కుల్దీప్ యాదవ్ వరుస బంతుల్లో రెండు వికెట్లు తీసి భారత్ను పటిష్టమైన స్థితిలో నిలబెట్టాడు. కుల్దీప్ ఇప్పటి వరకు నాలుగు వికెట్లు పడగొట్టాడు. మరోవైపు, సెంచరీ చేసిన జస్టిన్ గ్రీవ్స్ 108 బంతుల్లో 101 పరుగులు చేసి అవుటయ్యాడు. 36 ఓవర్ల తర్వాత వెస్టిండీస్ స్కోరు 198/5గా నిలిచింది.
అంపైర్ వైడ్ నిర్ణయంపై కాసేపు అసంతృప్తి వ్యక్తం చేసిన కుల్దీప్, ఆ ఘటనను పక్కనపెట్టి తన బౌలింగ్పై దృష్టి పెట్టాడు. తదుపరి ఓవర్లోనే వికెట్ సాధించడంతో భారత్కు కీలక ఊరట లభించింది.
మరిన్ని క్రీడా వార్తల కోసం ఇక్కడ క్లిక్ చేయండి..!