IND vs WI 2nd T20I: బిగ్ షాకింగ్ భయ్యో.. రాంచీలో గెలుపు ఎవరిదో తేలిపోయిందిగా..!
IND vs WI 2nd T20I: రెండో T20 మ్యాచ్‌లో వెస్టిండీస్‌ను ఎదుర్కొనేందుకు టీం ఇండియా సిద్ధంగా ఉంది. తొలి మ్యాచ్ విజయం తరువాత 1-0 ఆధిక్యంలో ఉన్న భారత్, వరుసగా 10వ T20 విజయాన్ని లక్ష్యంగా పెట్టుకుంది. అద్భుతమైన ఫామ్‌లో ఉన్న శ్రేయస్ అయ్యర్ జట్టుకు ప్రధాన బలంగా మారాడు. రాంచీ పిచ్ స్పిన్నర్లకు అనుకూలంగా మారే అవకాశం ఉంది.
Updated on: Oct 08, 2026 | 6:09 PM
IND vs WI 2nd T20I: రాంచీ వేదికగా రేపు శుక్రవారం జరగనున్న రెండో టి20 మ్యాచ్ లో వెస్ట్ ఇండీస్ తో తలపడేందుకు టీం ఇండియా సిద్ధమైంది. తొలి మ్యాచ్ లో ఘన విజయం సాధించి 1-0 తేడాతో ఆధిక్యంలోకి తీసుకెళ్లిన భారత్, ఈ మ్యాచ్ లోని గెలిచి వరుసగా 10వ టి20 విజయాన్ని నమోదు చేయాలని శ్రేయస్ సేన భావిస్తుంది. కెప్టెన్ శ్రేయస్ అద్భుత ఫామ్ తో ఉండడం జట్టుకు ప్రధాన బలంగా మారింది. ఆసియా క్రీడల్లో స్వర్ణ పతకం సాధించి పెట్టిన శ్రేయస్ అయ్యర్, లక్నో లో జరిగిన తొలి టి20 లో 102 పరుగులు చేసి కెరియర్ బెస్ట్ గా ఐసీసీ ర్యాంకింగ్స్ లో ఏడవ స్థానానికి దూసుకెళ్ళాడు. విండీస్ బౌలర్లు శ్రేయస్ అయ్యర్ ను కట్టడి చేయడంలో పూర్తిగా విఫలమయ్యారు.
లక్నో లో 172 పరుగుల లక్ష్యాన్ని భారత్ కేవలం 32 బంతులు మిగిలి ఉండగానే చేధించింది. టార్గెట్ ఎంతైనా టీం ఇండియా అనూహ్యంగా చేధించగలదని తొలి మ్యాచ్ తో తేలిపోయింది. విండీస్ జట్టు భారత్ ను ఓడించాలంటే కేవలం మోస్తరు స్కోర్ చేస్తే సరిపోదు, భారీ స్కోర్ సాధించాల్సిందే. అయితే భారత బౌలింగ్ దాడిలోని వైవిధ్యాన్ని ఎదుర్కొని అంత పెద్ద స్కోర్ చేయడం విండీస్ కు కఠిన పరీక్షే. దీనిని బట్టి రెండో టి20 లోనూ టీం ఇండియానే విజయం సాధించే అవకాశాలు ఎక్కువగా కనిపిస్తున్నాయి.
రాంచీ మైదానంలోని పిచ్ పరిస్థితులను పరిశీలిస్తే, తొలి మ్యాచ్ జరిగిన లక్నో మాదిరిగానే మ్యాచ్ ముందుకు సాగే కొద్దీ పిచ్ స్పిన్నర్లకు అనుకూలంగా మారుతుంది. మధ్య ఓవర్లలో స్పిన్ బౌలర్లు వేరియేషన్స్ ఉపయోగించి ప్రభావం చూపుతారు. కొత్త బంతితో పేసర్లకు ప్రారంభంలో అనుకూలంగా ఉండనుంది. అలాగే ఈవినింగ్ సమయంలో మంచు కీలక పాత్ర పోషిస్తుంది.
మరిన్ని క్రీడా వార్తల కోసం ఇక్కడ క్లిక్ చేయండి..
