IND vs SA: సెంచూరియన్ కీలక ఇన్నింగ్స్‌కు ఆయనే కారణం.. బ్యాటింగ్ రహస్యాలపై భారత ఓపెనర్ కీలక వ్యాఖ్యలు..!

IND vs SA: దక్షిణాఫ్రికాతో జరుగుతున్న తొలి టెస్టు తొలిరోజు టీమిండియా పటిష్ట స్థితికి చేరుకుంది. దీంతో టీమిండియా నిర్ణీత 90 ఓవర్లలో 3 వికెట్ల నష్టానికి 272 పరుగులు చేసింది. కేఎల్ రాహుల్ అద్భుత సెంచరీ చేయగా, మయాంక్ అగర్వాల్ 60 పరుగులు చేశాడు. క్లిష్ట పరిస్థితుల్లో భారత్ అద్భుతంగా బ్యాటింగ్ చేసింది. ఈ రహస్యాన్ని మయాంక్ అగర్వాల్ మొదటి రోజు ఆట తర్వాత వెల్లడించాడు. హెడ్ కోచ్ రాహుల్ ద్రవిడ్ శిక్షణ బ్యాట్స్‌మెన్‌లను ఎక్కువ పరుగులు చేయడానికి ఎలా సిద్ధం చేసిందో మయాంక్ అగర్వాల్ పేర్కొన్నాడు. తమ జట్టు బ్యాట్స్‌మెన్ సరైన రీతిలో మైదానంలో ప్లాన్ చేశారని, అందుకే టీమ్ ఇండియా పటిష్ట స్థితికి చేరుకుందని మయాంక్ అగర్వాల్ వెల్లడించాడు.

తొలిరోజు ఆట ముగిసిన తర్వాత విలేకరుల సమావేశంలో అగర్వాల్ మాట్లాడుతూ, ‘అంతా క్రమశిక్షణతో ఉన్నాం. స్టంప్‌లకు దగ్గరగా వచ్చే బంతులను మాత్రమే ఆడాలని, దూరంగా వెళ్లే బంతులను వెంటాడొద్దనే ప్రణాళికను రూపొందించారు. మేం దీన్ని చేయగలిగాం. ‘ మూడు వికెట్లకు 272 పరుగులు చేసిన ఘనత మా బ్యాటింగ్ యూనిట్‌కు చెందుతుంది. మేం మంచి ఆట ఆడాం. ఎవరైతే క్రీజులో స్థిరపడతారో వారు ఆడుతూనే ఉంటాలని రాహుల్ భాయ్ ప్లాన్ చేశారని’ తెలిపాడు.

బలమైన భాగస్వామ్యాలు.. రాహుల్ సెంచరీతో పాటు పలు కీలక భాగస్వామ్యాలతో టీమిండియా ఆధిపత్యం కొనసాగింది. రాహుల్ సెంచరీ చాలా ముఖ్యమైనది. మేం మంచి భాగస్వామ్యాలు ఆడాం. అవి చాలా ముఖ్యమైనవి. కేఎల్ రాహుల్ మొదట నాతో కీలక భాగస్వామ్యం ఏర్పరిచాడు. ఆ తరువాత విరాట్ భాయ్, రహానేతో కలిసి మంచి భాగస్వామ్యాలు నెలకొల్పారు. ఇలాంటి భాగస్వామ్యాలే మరిన్ని ఏర్పరచాలని కోరుకుంటున్నాం. మ్యాచ్‌కు ముందు భారత జట్టు మైదానంలో మిడిల్ వికెట్ వద్ద పరిస్థితులను అర్థం చేసుకోవడానికి చాలా ప్రాక్టీస్ సెషన్‌లు ఆడామని’ మయాంక్ తెలిపాడు.

రెండో రోజు టీమ్ ఇండియా టార్గెట్ ఏంటి? రెండో రోజు వ్యూహంపై కూడా మయాంక్ అగర్వాల్ మాట్లాడాడు. మయాంక్ మాట్లాడుతూ, ‘మేం వీలైనన్ని ఎక్కువ పరుగులు సాధించాలనుకుంటున్నాం. తద్వారా మమ్మల్ని మంచి స్థితిలో ఉంచగలం. రేపు తొలి గంట చాలా కీలకంగా మారనుంది. మేం రాణిస్తే దక్షిణాఫ్రికాపై ఒత్తిడి పెంచవచ్చు. ప్రారంభంలో కొంత తేమ ఉంది. దీని కారణంగా కొన్ని బంతులు జారిపోతున్నాయి, కానీ రోజు గడిచేకొద్దీ, అది మెరుగుపడుతుంది’ అని మయాంక్ తెలిపాడు.

Also Read: IND vs SA: భారత క్రికెట్ చరిత్రలో కేఎల్ రాహుల్ అద్భుత ఫీట్.. ఎవ్వరికీ సాధ్యం కాలే.. అదేంటంటే?

IND VS SA: సెంచూరియన్ టెస్టులో కేఎల్ రాహుల్ సెంచరీ.. 14 ఏళ్ల కరువును తీర్చిన భారత ఓపెనర్..!