Video: నాడు హ్యాట్రిక్‌ వికెట్లతో హల్‌చల్.. కట్‌చేస్తే.. నేడు 5 బంతుల్లో 5 సిక్సర్లకు బలయ్యాడు.. ఎవరంటే?

Karim Janat

జిమ్ ఆఫ్రో T10 లీగ్‌లో ప్రతిరోజూ ఒకటి కంటే ఎక్కువ ఉత్కంఠ మ్యాచ్‌లు జరుగుతున్నాయి. మంగళవారం హరారేలో జరిగిన మ్యాచ్‌లో ఉత్కంఠ పీక్స్‌కు చేరుకుంది. హరారే హరికేన్స్ వర్సెస్ కేప్ టౌన్ సాంప్ ఆర్మీ మధ్య జరిగిన మ్యాచ్ టైగా ముగిసింది. ఆపై సూపర్ ఓవర్ లోనూ భిన్నమైన ఉత్కంఠ కనిపించింది. ఇలాంటి ఉత్కంఠ మ్యాచ్‌లో హరారే హరికేన్స్ గెలిచింది. కేప్ టౌన్ జట్టు వారి పేలవమైన బౌలింగ్, సూపర్ ఓవర్‌లో పేలవమైన బ్యాటింగ్ కారణంగా ఓడిపోయింది. ముఖ్యంగా కేప్ టౌన్ ఆల్ రౌండర్ కరీం జనత్ ప్రదర్శన చాలా నిరాశపరిచింది. దీని వల్ల అతని జట్టు ఓటమి పాలైంది.

కరీం జనత్ తన రెండు ఓవర్లలో 40 పరుగులు బాదేశాడు. ఒకే ఓవర్లో ఐదు సిక్సర్లు కొట్టాడు. జనత్ వేసిన ఓవర్లో డోనోవన్ ఫెరీరా వరుసగా ఐదు సిక్సర్లు బాదాడు. ఈ దక్షిణాఫ్రికా ఆటగాడు హరారే హరికేన్స్ ఇన్నింగ్స్ చివరి ఓవర్‌లో వరుసగా ఐదు సిక్సర్లు కొట్టి మ్యాచ్ మొత్తాన్ని తారుమారు చేశాడు.

జనత్‌ను చితక్కొట్టిన ఫెరీరా..

హరికేన్స్ 9 ఓవర్లకు 85 పరుగులు మాత్రమే చేసింది. కేప్ టౌన్ జట్టు చివరి ఓవర్‌ను కరీం జనత్‌కు అప్పగించింది. ఆ తర్వాత బహుశా ఎవరూ ఊహించనిది జరిగింది. మొదటి బంతిని ఫెరీరా ముందు వేసిన జనత్.. ఆ తర్వాత ఐదు వరుస బంతుల్లో ఐదు సిక్సర్లు ఇచ్చాడు. జనత్ వేసిన ఈ ఖరీదైన ఓవర్ కారణంగా హరికేన్స్ జట్టు స్కోరు 85 నుంచి 115కి చేరుకుంది. బంగ్లాదేశ్‌తో జరిగిన టీ20 మ్యాచ్‌లో హ్యాట్రిక్ సాధించడం ద్వారా జనత్ ఇటీవల వార్తల్లో నిలిచాడు. కానీ, ఇప్పుడు జింబాబ్వేలో జరుగుతున్న టీ10 లీగ్‌లో ఓటమి పాలయ్యాడు.

ఫెరీరా శివతాండవం..

హరారే తరపున డోనోవన్ ఫెరీరా అద్భుతంగా బ్యాటింగ్ చేసి 33 బంతుల్లో అజేయంగా 87 పరుగులు చేశాడు. అతని బ్యాట్ నుంచి మొత్తం 8 సిక్సర్లు, 6 ఫోర్లు వచ్చాయి. అయితే ఫెరీరా అద్భుతమైన ఇన్నింగ్స్‌లు ఆడినప్పటికీ హరారే జట్టుకు అంత తేలికైన విజయం దక్కలేదు. కేప్ టౌన్ కూడా రహ్మానుల్లా గుర్బాజ్ అర్ధ సెంచరీ ఆధారంగా 10 ఓవర్లలో 115 పరుగులు చేసి మ్యాచ్‌ను టై చేసింది. దీంతో ఈ మ్యాచ్‌ సూపర్‌ ఓవర్‌కు వెళ్లింది.

సూపర్‌ఓవర్‌లో ఓటమికి కారణమైన జనత్..

కరీం జనత్ బౌలింగ్‌లో జట్టు తీవ్రంగా నిరాశపడింది. కానీ ఆ తర్వాత అతను తన బ్యాటింగ్‌తో కూడా జట్టును ఓడిపోయేలా చేశాడు. సూపర్ ఓవర్‌లో బ్యాటింగ్‌కు దిగిన కేప్‌టౌన్ జట్టు 7 పరుగులు మాత్రమే చేసింది. గుర్బాజ్ తన మొదటి బంతికే అవుట్ కాగా, జనత్ నాలుగు బంతుల్లో ఐదు పరుగులు మాత్రమే చేశాడు. సూపర్ ఓవర్‌లో 6 బంతుల్లో 4 బంతుల్లో జనత్ ఒక్క బౌండరీ కూడా కొట్టలేకపోయాడు. ఫలితంగా హరారే మ్యాచ్‌ను గెలుచుకుంది. సూపర్ ఓవర్ ఐదో బంతికి హరారే విజయం సాధించింది.

మరిన్ని క్రీడా వార్తల కోసం ఇక్కడ క్లిక్ చేయండి..