Team India: టీమిండియా మాజీ ఆటగాడిపై అరెస్ట్ వారెంట్.. కారణం ఏంటంటే?

Robin Uthappa

Arrest Warrant Issued against Robin Uthappa: టీమిండియా మాజీ ఆటగాడు రాబిన్ ఉతప్పపై అరెస్ట్ వారెంట్ జారీ అయింది. ఉద్యోగులను, ప్రభుత్వాన్ని మోసం చేసిన కేసులో అరెస్ట్ వారెంట్ జారీ చేశారు. రాబిన్ ఉతప్ప సెంచరీస్ లైఫ్ స్టైల్ బ్రాండ్స్ ప్రైవేట్ లిమిటెడ్ అనే ప్రైవేట్ కంపెనీని నడుపుతున్నాడు. ఈ కంపెనీలో పనిచేస్తున్న చాలా మందికి ఎఫ్‌ఐఎఫ్‌ చెల్లించకుండా మోసానికి పాల్పడినట్లు ఫిర్యాదులు వచ్చాయి.

రాబిన్ ఉతప్పకు చెందిన కంపెనీ జీతంలో పీఎఫ్ సొమ్మును కట్ చేసినా.. ఉద్యోగుల ఖాతాల్లో జమ చేయాల్సిన రూ. 23 లక్షలు జమ చేయలేదంట. దీంతో రాబిన్ ఉతప్ప కంపెనీ మోసం చేసిందంటూ ఆరోపించారు. ఈ కేసును సీరియస్‌గా తీసుకున్న పీఎఫ్‌వో ప్రాంతీయ కమిషనర్‌ షడక్షిరి గోపాల రెడ్డి రాబిన్‌ ఉతప్పను అరెస్ట్‌ చేయాలంటూ పులకేశి నగర్‌ పోలీసులకు ఈ నెల నాలుగో తేదీన లేఖ రాశారు.

ఈ నేపథ్యంలో నోటీసు జారీ చేసేందుకు పోలీసులు రాబిన్ ఉతప్ప ఇంటికి వెళ్లారు. కానీ, ప్రస్తుతం అతను ఆ చిరునామాలో నివాసం ఉండడంలేదు. దీంతో ఇప్పుడు రాబిన్ ఉతప్పపై అరెస్ట్ వారెంట్‌ అమలులోకి వచ్చింది.

ప్రస్తుతం రాబిన్ ఉతప్ప ఇండియాను వదిలి దుబాయ్‌లో స్థిరపడ్డాడు. ప్రస్తుతం అతడిపై కేసు నమోదు కావడంతో బెంగళూరు వచ్చే అవకాశం ఉంది.

టీమిండియా తరపున 46 వన్డేల్లో 42 ఇన్నింగ్స్‌లు ఆడిన రాబిన్ ఉతప్ప 6 అర్ధసెంచరీలతో మొత్తం 934 పరుగులు చేశాడు. అలాగే, అతను 13 T20 మ్యాచ్‌లలో భారత జట్టుకు ప్రాతినిధ్యం వహించాడు మరియు 12 ఇన్నింగ్స్‌లలో 249 పరుగులు చేశాడు. 2022లో అన్ని రకాల క్రికెట్‌కు వీడ్కోలు పలికిన ఉతప్ప ఇప్పుడు తన కుటుంబంతో కలిసి దుబాయ్‌లో స్థిరపడ్డాడు.

మరిన్ని క్రీడా వార్తల కోసం ఇక్కడ క్లిక్ చేయండి..