IND vs AFG 2nd T20I: వచ్చేస్తున్నాడ్రోయ్.. కోహ్లీ శత్రువు రీఎంట్రీకి రంగం సిద్ధం..?

AFG Playing XI 2nd T20I: భారత పర్యటనలో భాగంగా జరుగుతున్న మూడు టీ20ల సిరీస్‌లో ఆతిథ్య భారత క్రికెట్ జట్టు (Team India) ఇప్పటికే 1-0 ఆధిక్యంలో నిలిచింది. ఢిల్లీ వేదికగా ముగిసిన మొదటి మ్యాచ్‌లో భారత బౌలర్ల ధాటికి ఆఫ్ఘనిస్తాన్ ఒక దశలో 43 పరుగులకే 5 వికెట్లు కోల్పోయి పీకల్లోతు కష్టాల్లో పడింది. ఆ దశలో అజ్మతుల్లా ఒమర్జాయ్ (Azmatullah Omarzai) అత్యుత్తమ ఇన్నింగ్స్‌తో ఆదుకోగా, అనుభవజ్ఞుడైన మొహమ్మద్ నబీ (Mohammad Nabi) 83 పరుగుల భాగస్వామ్యంతో జట్టుకు 156 పరుగుల గౌరవప్రదమైన స్కోరు అందించారు. అనంతరం అభిషేక్ శర్మ విధ్వంసకర బ్యాటింగ్‌తో టీమిండియా కేవలం 13.4 ఓవర్లలోనే 3 వికెట్లు కోల్పోయి లక్ష్యాన్ని సునాయాసంగా ఛేదించింది. దీంతో మంగళవారం జరగనున్న రెండో టీ20లో ఆఫ్ఘనిస్తాన్ పటిష్ట వ్యూహాలతో బరిలోకి దిగాల్సిన పరిస్థితి ఏర్పడింది.

టాప్ ఆర్డర్‌లో విధ్వంసకర ఓపెనర్ రహ్మానుల్లా గుర్బాజ్ (Rahmanullah Gurbaz) జస్ప్రీత్ బుమ్రా బౌలింగ్‌లో త్వరగానే ఔటయ్యాడు. కెప్టెన్ ఇబ్రహీం జద్రాన్ (Ibrahim Zadran), సెదిఖుల్లా అటల్ (Sediqullah Atal) సైతం భారత పేసర్లను ఎదుర్కొని ఎక్కువ సేపు నిలబడలేకపోయారు. గతంలో ఐర్లాండ్‌పై భారీ స్కోర్లు సాధించిన అటల్ ఈ మ్యాచ్‌లో మరింత బాధ్యతాయుతంగా ఆడాల్సి ఉంది. మిడిలార్డర్‌లో గుల్బదిన్ నైబ్ (Gulbadin Naib), దర్విష్ రసూలీ (Darwish Rasooli) విఫలమైనప్పటికీ టీమ్ మేనేజ్‌మెంట్ వారిపైనే నమ్మకం ఉంచే అవకాశం కనిపిస్తోంది.

బౌలింగ్ విభాగంలో స్టార్ స్పిన్నర్ రషీద్ ఖాన్ (Rashid Khan) టీ20ల్లో 736 వికెట్ల రికార్డు కలిగి ఉన్నప్పటికీ, భారత్‌పై అతడికి ఆశించిన స్థాయిలో గణాంకాలు లేవు. నూర్ అహ్మద్ (Noor Ahmad), ముజీబ్ ఉర్ రెహ్మాన్ (Mujeeb Ur Rahman) స్పిన్ ద్వయం భారత బ్యాటర్లను కట్టడి చేయడంలో విఫలమయ్యారు. ఏకైక పేసర్‌గా బరిలోకి దిగిన ఫజల్హక్ ఫారూఖీ (Fazalhaq Farooqi) ధారాళంగా పరుగులు సమర్పించుకున్నాడు. నవీన్ ఉల్ హక్ కోలుకుంటున్న తరుణంలో ఫారూఖీపై ఒత్తిడి పెరిగింది. 2వ మ్యాచ్‌లో నవీన్ ఉల్ హక్ ఆడే అవకాశం ఉందని వార్తలు వినిపిస్తున్నాయి.

ఆఫ్ఘనిస్తాన్ తుది జట్టు అంచనా:

రహ్మానుల్లా గుర్బాజ్, ఇబ్రహీం జద్రాన్, సెదిఖుల్లా అటల్, గుల్బదిన్ నైబ్, దర్విష్ రసూలీ, అజ్మతుల్లా ఒమర్జాయ్, మొహమ్మద్ నబీ, రషీద్ ఖాన్, నూర్ అహ్మద్, ముజీబ్ ఉర్ రెహ్మాన్, ఫజల్హక్ ఫారూఖీ/ నవీన్ ఉల్ హక్.