Medaram Jatara: తెలంగాణ కుంభమేళా.. నేటి నుంచి మేడారం మినీ జాతర షురూ.. విశేషం ఏంటంటే..

Mini Medaram Jatara

రెండేళ్లకోసారి మేడారం మహా జాతర నిర్వహించడం ఆనవాయితీ… కానీ క్రమక్రమంగా మినీ జాతర కూడా భక్తుల తాకిడి పెరుగుతూ వస్తుంది.. ఈ నేపథ్యంలోనే మినీ జాతర కూడా ప్రాశస్త్యంలోకి వచ్చింది.. ఫిబ్రవరి 12, 13, 14, 15 తేదీలలో నాలుగు రోజుల పాటు మినీ జాతర నిర్వహిస్తున్నారు.. ఆదివాసీల ఆచార సాంప్రదాయాల ప్రకారం పూజలు నిర్వహించి జాతర ప్రారంభించారు.. బుధవారం మేడారంతో పాటు, అనుబంధ గ్రామాలు, ఆలయాలలో ఊరుకట్టు నిర్వహిస్తారు.. ఆలయాలు శుద్ధిచేసి ఆదివాసి ఆచార సాంప్రదాయ పూజలు నిర్వహిస్తారు..

మేడారం గ్రామంలోని సమ్మక్క ఆలయంలో పూజలు నిర్వహించిన అనంతరం ఆదివాసీల వ్యవసాయ ఉత్పత్తులు, అటవీ ఉత్పత్తులు, వివిధ రకాల ధాన్యం తీసుకొచ్చి వనదేవతలకు సమర్పిస్తారు.. నిర్వహించారు..అనంతరం ఆదివాసి ఆచార సాంప్రదాయాల ప్రకారం పూజలు నిర్వహిస్తారు. అదే సమయంలో కన్నేపల్లిలోని సారలమ్మ ఆలయంలోనీ పూజారులు గద్దెల ప్రాంగణానికి చేరుకొని సాంప్రదాయ పూజలు, మొక్కులు చెల్లిస్తారు.. కొండాయిలోని గోవిందరాజు ఆలయంలో, పూనుగొండ్లని పగిడిద్దరాజు ఆలయంలో కూడా అదే సమయంలో ప్రత్యేక పూజా కార్యక్రమాలు నిర్వహిస్తారు.

అదేవిధంగా బయ్యక్కపేట లో సమ్మక్క పూజారులు ఆదివాసి ఆచార సాంప్రదాయ పూజ నిర్వహిస్తారు. మరోవైపు నాయకపోడు పూజారులుకూడా ఘట్టమ్మ గుట్ట ఆనవాయితీ ప్రకారం పూజలు నిర్వహిస్తారు… అదే సమయంలో పొలిమేర దేవతలకు కూడా ప్రత్యేక పూజా కార్యక్రమాలు నిర్వహిస్తారు.

అయితే రెండేళ్లకోసారి జరిగే మహా జాతరకు ఏమాత్రం తీసుకోకుండా మినీ జాతరకు కూడా భక్తులు దారపడుతున్నారు.. నాలుగు రోజులపాటు జరిగే ఈ వేడుకకు 25 లక్షల మంది భక్తులు హాజరవుతారని అంచనాలు వేసిన అధికారి అంతరంగం అందుకు తగిన ఏర్పాటు చేశారు.. ప్రత్యేక బస్సు సౌకర్యం కూడా మినీ జాతర కల్పిస్తున్నారు.. విఐపి లు, వివిఐపీలు కూడా మినీ జాతరకు పోటెత్తే అవకాశాలు ఉన్న నేపద్యంలో కట్టుదిట్టమైన పోలీస్ భద్రత ఏర్పాట్లు చేశారు..

మరిన్ని తెలంగాణ న్యూస్ కోసం క్లిక్ చేయండి