Numerology: ఈ తేదీల్లో పుట్టిన వ్యక్తులపై లక్ష్మీదేవి అనుగ్రహం.. వీరు ఎక్కడ అడుగు పెట్టినా డబ్బుకి లోటు అన్న మాటే ఉండదు..
జ్యోతిష్య శాస్త్రం వలెనే సంఖ్యాశాస్త్రం లేదా న్యూమరాలజీ జీవితాలను చాలా బాగా ప్రభావితం చేస్తుంది. మనిషి మంచి చెడుల గురించి మనిషి నడవడిక, వ్యక్తిత్వం లక్షణాలను గురించి తెలియజేస్తుంది. ముఖ్యంగా పుట్టిన తేదీ ఆధారంగా మనిషి భవిష్యత్తును తెలుసుకోవచ్చు. ఈ రోజు న్యూమరాలజీ ప్రకారం కొన్ని తేదీల్లో పుట్టిన వారు అదృష్ట వంతులు. వీరిపై లక్ష్మీదేవి అనుగ్రహం ఉంటుంది. చేతిలో డబ్బులు లేవు అన్న మాటే ఉండదు.. ఈ రోజు ఏ తేదీల్లో పుట్టిన వ్యక్తులపై లక్ష్మీదేవి అనుగ్రహం ఉంటుందో తెలుసుకుందాం..
Updated on: Jul 25, 2025 | 11:20 AM
న్యూమరాలజీ ప్రకారం పుట్టిన తేదీ బట్టి వ్యక్తిత్వ లక్షణాలను కలిగి ఉంటారని.. 1 నుంచి 9 వరకూ ఉన్న సంఖ్యలకు నవ గ్రహాలు అధిదేవతలని నమ్ముతారు. మూల సంఖ్య 3ని విస్తరణ, జ్ఞానం, అదృష్టంతో ముడిపడి ఉన్న బృహస్పతి గ్రహంచే పాలించబడుతుంది. ఈ నేపధ్యంలో ఏ నెలలోనైనా 3, 12, 21, లేదా 30 తేదీలలో జన్మించిన వ్యక్తుల మూల సంఖ్య 3 అవుతుంది. ఈ నేపధ్యంలో ఈ తేదీల్లో జన్మించినవారు అదృష్టవంతులుగా భావిస్తారు.
3వ తేదీలో జన్మించినవారు: న్యూమరాలజీ ప్రకారం 3 వ తేదీన పుట్టిన వ్యక్తులు చాలా ప్రశాంతంగా, సౌమ్యంగా ఉంటారు. ఈ తేదీలో పుట్టిన వారంటే తండ్రికి చాలా ఇష్టం. పుడుతూనే తండ్రికి అదృష్టాన్ని కలిగిస్తారు. ఎప్పుడూ ఇంట్లో లక్ష్మీదేవి అనుగ్రహం ఉంటుంది. ముఖ్యంగా ఈ తేదీలో పుట్టిన ఆడపిల్ల ఇటు పుట్టింటికి, అటు అత్తారింటికి లక్ష్మీదేవి.. ఈ స్త్రీ అడుగు పెట్టిన చోట అదృష్టం ఉంటుంది. ధనానికి లోటు ఉండదు. సుఖ సంతోషాలతో జీవిస్తారు.
12వ తేదీలో జన్మించినవారు: ఈ తేదీన పుట్టిన వారు కూడా లక్ష్మీదేవికి ఇష్టమైన వ్యక్తులు. తల్లిదండ్రులకు అదృష్టాన్ని తీసుకొస్తారు. ఈ తేదీలో జన్మించిన వారు వ్యాపార రంగంలో అడుగు పెడితే లభిస్తారు. సమాజంలో కీర్తి ప్రతిష్టలు పొందుతారు. ఎప్పుడూ వీరికి డబ్బు ఇబ్బంది కలుగదు. ఒకవేళ చేతిలో ఉన్న ఈ డబ్బులే చివరివి అని అనుకుంటే.. వెంటనే ఆ సమస్య తీరిపోతుంది. ఈ తేదీన పుట్టిన ఆడపిల్లలు ఇంట్లో డబ్బుకు అన్నానికి లోటు అన్న మాట వినిపించదు.
21తేదీలో జన్మించినవారు: ఈ తేదీలో పుట్టిన వారు కూడా చాలా అదృష్టవంతులు. తల్లిదండ్రులకు మంచి పేరుని తెస్తారు. చాలా తెలివైన వారు. ఏదైనా పని మొదలు పెట్టాలంటే.. ప్రణాళికలను వేసుకుంటారు. తమ కలలను నిజం చేసుకునేందుకు ఎంత కష్టాన్ని అయినా ఇష్టంగా పడతారు. ఈ తేదీన పుట్టిన ఆడపిల్ల అత్తారింటికి లక్ష్మీదేవి. అడుగు పెట్టిన వెంటనే సిరి సంపదలు లభిస్తాయి.
30తేదీలో జన్మించినవారు: ఏ నెలలోనైనా 30వ తేదీన పుట్టిన వ్యక్తులు ఆ ఇంటికి సుఖ శాంతులను తీసుకొస్తారు. వీరు శ్రమ జీవులు. ఎటువంటి సమస్య వచ్చినా నిరాస పడకుండా ధైర్యంగా ఎదుర్కొంటారు. ఈ తేదీన పుట్టినవారు చాలా అందంగా ఉంటారు. శాంతంగా ఉంటారు. ఈ తేదీన జన్మించిన వారిని పెళ్లి చేసుకున్న భాగస్వామికి అదృష్టం కలుగుతుంది. లక్ష్మీదేవి అనుగ్రహం ఉంటుంది.
మూల సంఖ్య 3 కోసం ఇతర చిట్కాలు:
రంగులు: పసుపు, నారింజ, గులాబీ రంగులను అదృష్ట రంగులుగా పరిగణిస్తారు.
కెరీర్ మార్గాలు: తగిన కెరీర్.. రాయడం, మాట్లాడటం, కౌన్సెలింగ్ లేదా సృజనాత్మకత, వ్యాపార రంగం బెస్ట్ ఎంపిక.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు.
