Jyotish Tips: జ్యోతిష్యం ప్రకారం చక్కెర ఎక్కడ ఉపయోగిస్తారో తెలుసా..?

Jyotish Tips: జీవితంలో ప్రతి ఒక్కరు విజయం సాధించడానికి చాలా కష్టపడుతారు. కానీ వారి పోరాటం రోజులతరబడి కొనసాగుతూనే ఉంటుంది.

Sugar

uppula Raju |

Updated on: Jan 18, 2022 | 7:20 PM

Jyotish Tips: జీవితంలో ప్రతి ఒక్కరు విజయం సాధించడానికి చాలా కష్టపడుతారు. కానీ వారి పోరాటం రోజులతరబడి కొనసాగుతూనే ఉంటుంది. ఎంత కష్టపడినా ఫలితం ఉండదు. చాలా ఇబ్బందులు ఎదుర్కోవాల్సి వస్తుంది. అయితే దీని వెనుక చాలా కారణాలు ఉండవచ్చు.. జ్యోతిష్య శాస్త్ర ప్రకారం మాత్రం దీనికి కారణాలు వేరే ఉంటాయి. వాటిని తెలుసుకొని పరిష్కరించడం వల్ల కెరీర్‌లో ఎదగవచ్చనే నమ్మకం కొంతమందిలో ఉంటుంది. ఇప్పుడు చక్కెరకి సంబంధించిన కొన్ని జ్యోతిష్య పరిహారాలను తెలుసుకుందాం. వంటగదిలో నిత్యం ఉండే చక్కెర అనేక రకాల దుఃఖాల నుంచి ఉపశమనం కలిగిస్తుంది.

జాతకంలో సూర్యుడిని బలోపేతం చేయండి

జ్యోతిష్య శాస్త్రం ప్రకారం.. పంచదారకు గ్రహాలతో సంబంధం ఉంటుంది. ప్రత్యేక సందర్భాలలో తీపిని చేర్చడం శుభప్రదంగా భావిస్తారు. ఒకరి జాతకంలో సూర్యుడు బలహీనంగా ఉంటే అతను దానికి సంబంధించిన చర్యలు చేయవలసి ఉంటుంది. రాగి పాత్రలో పంచదార కలిపిన నీటిని తాగడం వల్ల సూర్యుని స్థానం బలపడుతుంది.

విజయం కోసం

మీరు ఇంటి నుంచి బయటకు వెళ్లేటప్పుడు కెరీర్‌కు సంబంధించి కానీ ఏదైనా శుభకార్యాల కోసం వెళుతున్నట్లయితే, చక్కెర నివారణను తీసుకోవడం మర్చిపోవద్దు. రాగి పాత్రలో పంచదార, నీళ్లు తీసుకుని కరిగించి కొద్దిగా తాగాలి. ఇది మీరు విజయాన్ని పొందడంలో సహాయకారిగా ఉంటుంది.

రాహు గ్రహం

రాహు గ్రహం నివారణకు రాత్రి పడుకునేటప్పుడు చక్కెరను ఎర్రటి గుడ్డలో కట్టి తలకింద పెట్టుకోవాలి. ఇది జాతకంలో నడుస్తున్న రాహువు సమస్యను తొలగించడంలో సహాయపడుతుందని జ్యోతిష్యలు చెబుతారు.

పితృత్వం నుంచి స్వేచ్ఛ

ఈ పరిహారం చేయడానికి పిండితో రోటీని తయారు చేసి, అందులో పంచదార కలపాలి. దానిని కాకులకు తినిపించాలి. ఇలా చేస్తే పూర్వీకులు సంతోషపడుతారని నమ్మకం. కష్టాలు కూడా తొలగిపోతాయని చెబుతారు.

గమనిక: ఇక్కడ ఇచ్చిన సమాచారం జ్యోతిష్య శాస్త్రం, మత విశ్వాసాలపై ఆధారపడి ఉంటుంది. సాధారణ పాఠకుల ఆసక్తిని దృష్టిలో ఉంచుకుని రాయడం జరిగింది.