Breaking News
  • నల్గొండ: ధర్మారెడ్డిపల్లి కాల్వను పూర్తిచేసి రైతులకు నీరు ఇవ్వాలి. రైతుల ఆత్మహత్యలలో దేశంలో తెలంగాణ మూడో స్థానంలో ఉంది. మిగులు బడ్జెట్‌ ఉన్న తెలంగాణను అప్పుల తెలంగాణగా మార్చారు. అన్ని ప్రాంతాలను సమానంగా చూస్తేనే సీఎం అని అనిపించుకుంటారు. రైతు బంధు నిధులను వెంటనే విడుదల చేయాలి-కోమటిరెడ్డి వెంకట్‌రెడ్డి.
  • కరీంనగర్‌: అల్గునూర్‌ బ్రిడ్జి పైనుంచి పడ్డ కారు. కారులో ప్రయాణిస్తున్న భర్త మృతి, భార్యకు గాయాలు. కాపాడేందుకు వెళ్లిన కానిస్టేబుల్‌ చంద్రశేఖర్‌కు గాయాలు. మృతుడు కరీంనగర్‌కు చెందిన శ్రీనివాస్‌గా గుర్తింపు. కొమురవెళ్లి జాతరకు వెళ్తుండగా ఘటన.
  • సిద్దిపేట: జగదేవపూర్‌లో ఉద్రిక్తత. చైర్మన్‌ పదవి కోసం రెండువర్గాలుగా చీలిన టీఆర్‌ఎస్. ఇంద్రసేనారెడ్డి, శ్రీనివాస్‌రెడ్డి వర్గాల మధ్య ఘర్షణ. శ్రీనివాస్‌రెడ్డి వర్గానికి చెందిన వ్యక్తి ఆత్మహత్యాయత్నం. అడ్డుకున్న పోలీసులు.
  • చెన్నై: విల్లుపురం జిల్లా సెంజిలో అగ్రవర్ణాల దాష్టీకం. పొలాల్లో మల విసర్జన చేశాడని యువకుడిని కొట్టిన అగ్రవర్ణాల పెద్దలు. యువకుడికి తీవ్రగాయాలు, పోలీసులకు సమాచారం ఇచ్చిన స్థానికులు. గాయాలతో ఉన్న యువకుడిని ఇంటికి పంపిన పోలీసులు. ఇంటికి వెళ్లిన కొద్దిసేపటికే యువకుడు మృతి. కుటుంబ సభ్యులు, దళిత సంఘాల ఆందోళన. దాడి చేసినవారిని కఠినంగా శిక్షించాలని డిమాండ్‌.
  • బాబు మాజీ పీఎస్‌ శ్రీనివాస్‌ ఇంట్లో ఐటీ దాడులపై రాజకీయ రచ్చ. వైసీపీ, టీడీపీ పరస్పర విమర్శలు. ట్విట్టర్‌లో చంద్రబాబుపై విజయసాయి ధ్వజం. కౌంటర్‌ ఎటాక్‌ చేసిన టీడీపీ నేతలు. శ్రీనివాస్‌ కమిట్‌మెంట్‌ను మెచ్చుకోవాలి. యజమాని ప్రతి లావాదేవీని డైరీలో రాసుకున్నాడు. దోచుకున్నవి, దొంగ లెక్కలను పర్‌ఫెక్ట్‌గా రికార్డ్‌ చేశాడు-విజయసాయి. దోపిడీదారులు నిప్పుకణికల్లా బిల్డప్‌ ఇస్తుంటారు-విజయసాయి. టీడీపీపై దుష్ప్రచారం చేస్తే చట్టపర చర్యలు-యనమల. ఐటీ దాడులను భూతద్దంలో చూపించారు-యనమల. రూ.2 వేల కోట్ల నగద అని ప్రచారం చేశారు. చంద్రబాబుకు వైసీపీ నేతలు క్షమాపణ చెప్పాలి-యనమల. శ్రీనివాస్‌ ఇంట్లో వేల కోట్లు ఉన్నాయని తప్పుడు ప్రచారం చేశారు-బుచ్చయ్య. వైవీ సుబ్బారెడ్డి మైనింగ్‌లపై విచారణ చేయాలి-బుచ్చయ్య.

RRR: ఫస్ట్‌లుక్‌లకు డేట్లు ఫిక్స్ చేసిన జక్కన్న..?

RRR movie update, RRR: ఫస్ట్‌లుక్‌లకు డేట్లు ఫిక్స్ చేసిన జక్కన్న..?

RRR movie update: దర్శకధీరుడు రాజమౌళి తెరకెక్కిస్తోన్న క్రేజీ ప్రాజెక్ట్ ‘ఆర్ఆర్ఆర్’. టాలీవుడ్ స్టార్ హీరోలైన ఎన్టీఆర్, రామ్ చరణ్ ఈ మూవీలో మొదటిసారిగా కలిసి నటిస్తున్నారు. ఈ మూవీ షూటింగ్ ప్రస్తుతం శరవేగంగా జరుగుతుండగా.. వచ్చే ఏడాది జనవరికి ప్రేక్షకుల ముందుకు రానుంది. ఈ నేపథ్యంలో ఈ మూవీకి సంబంధించిన ఓ వార్త టాలీవుడ్‌లో హల్‌చల్ చేస్తోంది. అదేంటంటే.. చెర్రీ, ఎన్టీఆర్‌ ఫస్ట్‌లుక్‌ విడుదలకు సంబంధించి జక్కన్న రెండు డేట్లను ఫిక్స్ చేసుకున్నారట.

అవేంటంటే మార్చి 27, మే 20. మార్చి 27న చెర్రీ, మే 20న ఎన్టీఆర్ పుట్టినరోజులు ఉండగా.. ఆ రోజుల్లో ఆయా హీరోలకు సంబంధించిన ఫస్ట్‌లుక్‌లను విడుదల చేయాలని జక్కన్న భావిస్తున్నారట. కాగా ఇందులో ఎన్టీఆర్ కొమరం భీమ్‌, రామ్ చరణ్ అల్లూరి సీతారామరాజు పాత్రల్లో కనిపిస్తుండగా.. వారి లుక్‌ల కోసం అభిమానులు ఎప్పటినుంచో ఆసక్తిగా ఎదురుచూస్తున్నారు. ఇక ఈ విషయంలో ఫ్యాన్స్‌ను ఇప్పటికే చాలా ఊరిస్తూ వస్తోన్న రాజమౌళి.. ఈసారి మాత్రం హీరోల బర్త్‌డేలకు అదిరిపోయే గిఫ్ట్ ఇవ్వాలని భావిస్తున్నారట. మరి ఇందులో నిజమెంతో తెలియాలంటే కొద్ది రోజులు ఆగాల్సిందే.

అయితే భారీ బడ్జెట్‌తో ‘ఆర్ఆర్ఆర్‌’ను డీవీవీ దానయ్య తెరకెక్కిస్తున్నారు. ఇందులో అజయ్ దేవగన్, అలియా భట్, ఒలివియా మారిస్, సముద్ర ఖని తదితరులు కీలక పాత్రలలో కనిపించనున్నారు. కీరవాణి సంగీతం అందిస్తున్న ఈ మూవీపై తెలుగులో పాటు మిగిలిన భాషల్లోనూ భారీ అంచనాలు ఉన్నాయి. వాటికి ఏ మాత్రం తగ్గకుండా రాజమౌళి ఈ క్రేజీ ప్రాజెక్ట్‌ను తెరకెక్కిస్తున్నారు.