సల్మాన్ ఖాన్ని డైరెక్ట్ చేయబోతున్న పూరీ..!
డేరింగ్ అండ్ డ్యాషింగ్ దర్శకుడు పూరీ జగన్నాథ్ ప్రస్తుతం విజయ్ దేవరకొండతో ఓ సినిమాను తెరకెక్కిస్తోన్న విషయం తెలిసిందే. అనన్య పాండే హీరోయిన్గా నటిస్తోన్న ఈ చిత్రాన్ని తెలుగు, హిందీలో ప్రేక్షకుల ముందుకు తీసుకున్నారు. కాగా ఈ మూవీ తరువాత పూరీ జగన్నాథ్ బాలీవుడ్ కండల వీరుడు సల్మాన్ ఖాన్ను డైరెక్ట్ చేసేందుకు సిద్ధంగా ఉన్నట్లు ఫిలింనగర్లో టాక్ నడుస్తోంది. లాక్డౌన్ నేపథ్యంలో ఇంటికే పరిమితమైన పూరీ.. సల్మాన్కు సరిపోయేలా ఓ అద్భుత కథను రాసుకున్నారట. ఇక […]
డేరింగ్ అండ్ డ్యాషింగ్ దర్శకుడు పూరీ జగన్నాథ్ ప్రస్తుతం విజయ్ దేవరకొండతో ఓ సినిమాను తెరకెక్కిస్తోన్న విషయం తెలిసిందే. అనన్య పాండే హీరోయిన్గా నటిస్తోన్న ఈ చిత్రాన్ని తెలుగు, హిందీలో ప్రేక్షకుల ముందుకు తీసుకున్నారు. కాగా ఈ మూవీ తరువాత పూరీ జగన్నాథ్ బాలీవుడ్ కండల వీరుడు సల్మాన్ ఖాన్ను డైరెక్ట్ చేసేందుకు సిద్ధంగా ఉన్నట్లు ఫిలింనగర్లో టాక్ నడుస్తోంది. లాక్డౌన్ నేపథ్యంలో ఇంటికే పరిమితమైన పూరీ.. సల్మాన్కు సరిపోయేలా ఓ అద్భుత కథను రాసుకున్నారట. ఇక దీన్ని త్వరలోనే ఆయనకు వినిపించబోతున్నట్లు సమాచారం.
కాగా బాలీవుడ్ పూరీకి కొత్తేం కాదు. గతంలో అమితాబ్ బచ్చన్తో ‘బుడ్డా హోగా తేరే బాప్’ అనే చిత్రాన్ని పూరీ హిందీలో తెరకెక్కించారు. ఈ సినిమా మంచి విజయాన్ని సాధించినప్పటికీ.. ఆ తరువాత మళ్లీ టాలీవుడ్లోకి తిరిగి వచ్చారు పూరీ. ఇక ఇప్పుడు విజయ్ దేవరకొండ సినిమాను హిందీలో కూడా విడుదల చేస్తున్న క్రమంలో.. తరువాతి సినిమాను కూడా పాన్ ఇండియాగా తీయాలన్న ఆలోచనలో ఈ దర్శకుడు ఉన్నట్లు తెలుస్తోంది. మరి ఇందులో నిజమెంతో తెలియాలంటే కొద్ది రోజులు ఆగాల్సిందే. కాగా సల్మాన్ ఖాన్ ప్రస్తుతం కబీ ఈద్ కబీ దీవాళి, రాధ చిత్రాల్లో నటిస్తోన్న విషయం తెలిసిందే.
Read This Story Also: వలస కార్మికుల సమస్యలపై ఏపీ హైకోర్టు కీలక ఆదేశాలు