Breaking News
  • ఢిల్లీ: గడచిన 24 గంటలలో60,963 కరోనా పాజిటివ్ కేస్ లు,834 మంది మృతి. భారత్ లో కరోనా కల్లోలం. 23లక్షల 29 వేల మార్క్ ని దాటినా కరోనా పాజిటివ్ కేస్ లు. దేశవ్యాప్తంగా కరోనా పాజిటివ్ కేసులు : 23,29,639 దేశ వ్యాప్తంగా యాక్టీవ్ కేసులు: 6,43,948. కరోనా నుంచి డిశ్చార్జ్ అయిన బాధితులు: 16,39,600 . దేశం మొత్తం కరోనా తో మృతుల సంఖ్య : 46,091.
  • నిమ్స్ లో లాంఛనంగా ప్రారంభమైన బూస్టర్ డోసేజ్ . క్లినికల్ ట్రయల్స్ లో మొదటి దశ-రెండో దశకు మధ్యలో వాలంటీర్లకు బూస్టర్ డోసేజ్. మొదటి దశ క్లినికల్ ట్రయల్స్ లో భాగంగా వాలంటీర్లకు బూస్టర్ డోస్ ఇచ్చిన వైద్య బృందం. నిన్న 11 మంది వలంటీర్లకు బూస్టర్ డోస్ ఇచ్చిన నిమ్స్ వైద్య బృందం. నేడు మరో పదిమంది వాలంటీర్లకు బూస్టర్ డోస్ ఇవ్వనున్న నిమ్స్ వైద్య బృందం.
  • బులియన్ మార్కెట్: భారీగా తగ్గిన బంగారం, వెండి ధరలు. రూ.1,317 తగ్గిన బంగారం ధర. ఏకంగా రూ. 2,900కు పైగా తగ్గిన వెండి ధర. రూపాయి బలపడటమే కారణమన్న నిపుణులు.
  • హిందీ దృశ్యం సినిమా దర్శకుడు నిషికాంత్ కామత్ పరిస్థితి విషమం . హైదరాబాద్ లోని ఒక ప్రైవేట్ ఆసుపత్రిలో చికిత్స పొందుతున్న నిషి కాంత్. కాలేయ సిరోసిస్‌ వ్యాధి తో భాధ పడుతున్న నిషి కాంత్. అతని పరిస్థితి ప్రస్తుతం విషమంగా వుంది. Icu చికిత్స పొందున్నారు . హిందీ దృశ్యం, మాదారీ, ముంబై మేరీ జాన్ వంటి హిట్ సినిమాలకు దర్శకుడు. సాచి ఆత్ ఘరత్ వంటి కొన్ని మరాఠీ చిత్రాలలో కూడా నటించారు. 2005 లో మరాఠీ చిత్రం డొంబివాలి ఫాస్ట్‌తో ఆయన దర్శకుడిగా మారారు.
  • నెల్లూరు : కరోనాతో ముగ్గురు జర్నలిస్టుల మృతి. కరోనా తో చికిత్స పొందుతూ ఓ ఎలక్ట్రానిక్ మీడియా ప్రతినిధి మృతి. ఇందుకూరుపేట మండలానికి చెందిన ఇద్దరు సీనియర్ జర్నలిస్టులు మృతి.. రెండు రోజుల వ్యవధిలో ముగ్గురు జర్నలిస్టులు మృతి.
  • స‌డ‌క్ 2’ ట్రైల‌ర్ విడుద‌ల‌. గ‌తంలో సంజ‌య్ ద‌త్ న‌టించిన ‘స‌డ‌క్’ చిత్రానికి ఇది సీక్వెల్ . మహేశ్ భట్ డైరెక్ట్ చేసిన చిత్రం. సంజయ్ దత్, పూజా భట్,ఆదిత్య రాయ్ కపూర్, ఆలియా భట్ కీలక పాత్రధారులు. ఆగస్ట్ 28న డిజిటల్ మాధ్యమంలో విడుదల కానున్న ‘స‌డ‌క్ 2’.
  • తెలంగాణ కరోనా కేసుల అప్డేట్స్: తెలంగాణ లో కరోనా టెస్టింగ్స్ : 6,65,847. ఈ ఒక్కరోజే టెస్టింగ్స్: 22,972. రాష్ట్రంలో ఈరోజు పాజిటివ్ కేసులు : 1897. తెలంగాణ రాష్ట్రంలో మొత్తం కరోనా కేసులు : 84,544. జిహెచ్ఎంసి లో ఈరోజు కేసులు: 479. జిహెచ్ఎంసి లో మొత్తం కరోనా కేసులు సంఖ్య : 43,858. కరోనా తో ఈరోజు మరణాలు : 09. ఇప్పటి వరకూ మరణాలు మొత్తం : 654. చికిత్స పొందుతున్న కేసులు : 22,596. ఈరోజు ఆసుపత్రి నుంచి డిశ్చార్చి అయిన వారు: 1920. ఇప్పటి వరకూ డిశ్చార్జి అయిన సంఖ్య: 61294.

SIT on Chandrababu regime: బాబు జమానాపై సిట్… ఏపీలో రాజకీయ దుమారం

చంద్రబాబు జమానాలో అమలైన విధానాలు, జరిగిన పనులపై దర్యాప్తు కోసం ప్రత్యేక బృందం (సిట్) ఏర్పాటుపై ఏపీలో రాజకీయ దుమారం చెలరేగుతోంది. టీడీపీ, వైసీపీ నేతల మధ్య మాటల యుద్దం మొదలైంది. ఇది అసెంబ్లీ బడ్జెట్ సమావేశాలపై ప్రభావం చూపే పరిస్థితి కనిపిస్తోంది.
political uproar on sit investigation, SIT on Chandrababu regime: బాబు జమానాపై సిట్… ఏపీలో రాజకీయ దుమారం

SIT controversy rocks AP: గత అయిదేళ్ళలో చంద్రబాబు హయాంలో జరిగిన అవకతవకలపై జగన్ ప్రభుత్వం ప్రారంభించిన సిట్ దర్యాప్తు ఏపీవ్యాప్తంగా రాజకీయ దుమారాన్ని రేపుతోంది. ఇంటిలిజెన్స్ డీఐజీ రఘురామ్ రెడ్డి ఆధ్వర్యంలో జగన్ ప్రభుత్వం సిట్ ఏర్పాటు చేసిన నేపథ్యంలో వైసీపీ, టీడీపీల మధ్య మాటల యుద్దం మొదలు కాగా.. సందేట్లో సడేమియాలాగా బీజేపీ, కాంగ్రెస్ పార్టీలు సైతం తమ వంతు వాదనను వినిపిస్తూ రాజకీయ దుమారాన్ని మరింత రాజేస్తున్నాయి.

డిఐజీ రఘురామ్ రెడ్డి నేతృత్వంలో పనిచేయనున్న ప్రత్యేక దర్యాప్తు బృందం (సిట్) బృందం కోసం ‌ముగ్గురు ఐపీఎస్ అధికారులతోపాటు అదనపు ఎస్పీ, ముగ్గురు డిఎస్పీలు, ముగ్గురు ఇన్‌స్పెక్టర్లను ప్రభుత్వం కేటాయించింది. రాష్ట్ర విభజన తర్వాత 2014 నుంచి అమలు చేసిన కీలక విధానాలు, ప్రాజెక్టులు అభివృద్ధి కార్యక్రమాలపై రఘురామ్ రెడ్డి సారథ్యంలోని సిట్ దృష్టి సారించనున్నది. సీఆర్డీఏ పరిధిలో జరిగిన భూముల లావాదేవీలపై సిట్ బృందం కూపీ లాగనున్నది. మొత్తానికి యాభై ప్రభుత్వ శాఖల్లో జరిగిన అన్ని పరిణామాలను పరిశీలించి, ప్రభుత్వానికి నివేదిక ఇవ్వనున్నది సిట్.

శుక్రవారం సాయంత్రం సిట్ ఏర్పాటు విషయం వెల్లడైన వెంటనే ఏపీలో రాజకీయ రచ్చ మొదలైంది. ఒకవైపు ఈఎస్ఐ, ఇంకోపక్క సిట్ ఏర్పాటులతో జగన్ ప్రభుత్వం కక్షసాధింపు విధానాలకు పాల్పడుతోందని తెలుగుదేశం పార్టీ నేతలు విరుచుకుపడుతున్నారు. తెలుగుదేశం నేతలు చినరాజప్ప, బుద్దా వెంకన్న, పితాని సత్యనారాయణ, బొండా ఉమ, నక్కా ఆనంద్‌బాబు, కాల్వ శ్రీనివాసులు ప్రభుత్వం కక్ష సాధింపు చర్యలకు పాల్పడుతుందని రచ్చ మొదలు పెట్టారు. ఏదో ఒక అంశంపై సిట్ దర్యాప్తునకు ఆదేశించడం తెలుసని.. కానీ ఇలా మొత్తం అయిదేళ్ళపాలనపై సిట్ వేయడమేంటని ప్రశ్నిస్తున్నారు టీడీపీ నేతలు. పోలీసు అధికారులతో ఏర్పాటు చేసిన సిట్‌లో విధానపరమైన అంశాలను ఎలా తేలుస్తారని అడుగుతున్నారు వారు. సీఎస్ స్థాయి అధికారి నిర్ణయాలపై, ఆదేశాలపై ఓ ఐపీఎస్ అధికారి ఎలా విచారణ జరుపుతారని నిలదీస్తున్నారు దేశం నేతలు. నారాలోకేశ్ తన ట్విట్టర్ హ్యాండిల్ వేదికగా సిట్ ఏర్పాటును తప్పుపట్టారు.

కేవలం పోలీసు అధికారులతో ఏర్పాటైన సిట్ ప్రభుత్వ విధానాలపై విచారణ జరపలేదన్న టీడీపీ వాదనలో బీజేపీ నేత విష్ణు కుమార్ రాజు కూడా ఏకీభవిస్తున్నారు. తనను కూడా సిట్‌లో వినియోగించుకోవాలని, రాజకీయాలకు అతీతంగా సిట్‌కు తాను స్వచ్ఛందంగా సహకరిస్తానని అంటున్నారు. అయితే.. చంద్రబాబు ప్రభుత్వ హయాంలో జరిగిన పనులపై సిట్ ఏర్పాటును బీజేపీ నేతలు స్వాగతిస్తుండగా.. ఏపీ కాంగ్రెస్ నేతలు టీడీపీకి అండగా నిలుస్తున్నారు. ఏపీసీసీ వర్కింగ్ ప్రెసిడెంట్ తులసిరెడ్డి సిట్ ఏర్పాటును తప్పుపట్టారు. టీడీపీ నేతలను వేధింపులకు గురి చేసేందుకు జగన్ ప్రయత్నిస్తున్నారని తులసిరెడ్డి ఆరోపించారు.

మరోవైపు అధికార పార్టీకి చెందిన మంత్రులు అనిల్ కుమార్ యాదవ్, అవంతి శ్రీనివాస్‌లతో పాటు మల్లాదివిష్ణు, పార్థసారథి వంటి నేతలు సిట్ ఏర్పాటును సమర్థించుకుంటున్నారు. అయిదేళ్ళ కాలంలో జరిగిన అవినీతి, అక్రమాలను వెలికి తీసేందుకు సిట్ ఏర్పాటు అనివార్యమైందని అంటున్నారు. ఏ తప్పు చేయకపోతే టీడీపీ నేతలు ఎందుకు ఉలిక్కి పడుతున్నారని ప్రశ్నిస్తున్నారు వైసీపీ నేతలు.

మొత్తమ్మీద సిట్ ఏర్పాటు ఏపీలో పెద్ద రాజకీయ దుమారాన్నే రేపుతోంది. దర్యాప్తు బృందం ఏం తేల్చక ముందే, అసలింకా దర్యాప్తు ప్రారంభించక ముందే ఏపీలోని రాజకీయ పార్టీల మధ్య మాటల యుద్దం తీవ్రమవడం విశేషం. త్వరలో జరగనున్న శాసనసభ బడ్జెట్ సమావేశాలపై సిట్ ఏర్పాటు ప్రభావం తీవ్రంగా వుండే పరిస్థితి కనిపిస్తోంది.

Related Tags