మట్టితో కుండలుగా ఇళ్లు నిర్మించుకుంటున్న జనం.. ఖరీదైన దేశంలో ఇలాంటి పరిస్థితి ఎందుకు వచ్చిందో తెలుసా..
ఖరీదైన దేశం.. ఎన్నో అంతస్తుల భవనాలు.. టెక్నాలజీ పరంగా ఎంతో అభివృద్ధి చెందింది. కానీ ఇప్పుడు మట్టితో కుండ ఆకారంలో చిన్న చిన్న ఇళ్లను నిర్మించుకుంటున్నారు అక్కడి ప్రజలు. ఇలాంటి పరిస్థితి ఇటలీలో ఎందుకు వచ్చిందో తెలుసుకుందామా.
ఇటలీలోని రవెన్నా నగరంలో కుండల మాదిరిగా ఇళ్లను నిర్మించుకుంటున్నారు. అవి మట్టితో చేసిన 3డీ ప్రింటెడ్ ఇళ్లు. ఇవి ఇక్కడ దశాబ్ధాల నాటి నాగరికతను చూపిస్తున్నాయి. ఈ ఇళ్లను టెల్కా హౌస్ అంటారు.. 3డీ ప్రింటింగ్ టెక్నాలజీతో కేవలం 200 గంటల్లోనే ఈ ఇళ్లను రెడీ చేస్తారు. లివింగ్ రూమ్, బాత్ రూమ్, బెడ్ రూమ్తో కూడిన ఈ డోమ్ హౌస్లలో అనేక సౌకర్యాలు ఉన్నాయి.
ఈ ఇళ్లను నిర్మించాలనే ఆలోచన ప్రముఖ ఆర్కిటెక్ట్ మారియో కుసినెల్లాకు వచ్చింది. కొత్త టెక్నాలజీకి మట్టిని చేర్చి ఈ ఇళ్లను నిర్మించారు. పురాతన కాలంలో మట్టితో ఇళ్లు ఉండేవని..ఇప్పుడు సాంకేతికతకు అనుగుణంగా ఈ త్రీడీ ప్రింటింగ్ సాయంతో ఇళ్లను నిర్మించినట్టు మారియో చెప్పారు.
వీటిని నిరాశ్రయులైన లేదా ప్రకృతి వైపరీత్యాలను ఎదుర్కోంటున్నవారు.. లేదా ఇళ్లు లేనివారికి ఇవ్వనున్నారు. అలాంటి వారి కోసం డోమ్ హౌస్ ఉపయోగపడుతుందని.. రాబోయే కాలంలో తక్కువ ఖర్చుతో ఈ ఇంటిని నిర్మించనున్నట్లు తెలిపారు. ఇది ప్రపంచంలోనే మొట్టమొదటి ఎకో హౌస్.
అలాగే ఆర్కిటెక్ట్ మారియో మాట్లాడుతూ.. 645 చదరపు అడుగుల విస్తీర్ణంలో ఇల్లు సిద్ధం చేయబడింది. ఇది రెండు పొరలతో తయారు చేయబడింది. ఇందులో ఇంటికి అవసరమైన అన్ని సౌకర్యాలు ఉంటాయి. అలాగే ప్రకృతి విపత్తుల ఈ ఇళ్లు కూలిపోతే వాటిని 3డీ ప్రింటింగ్ ద్వారా తిరిగి నిర్మించవచ్చని మారియో తెలిపారు.
విపత్తు సంభవించే ప్రాంతాలకు ఇటువంటి ఇళ్లు మంచి ఎంపిక అని మారియో తెలిపారు. బయట ఉష్ణోగ్రత ఎక్కువగా ఉంటే.. అప్పుడు గోడల పొరను మరింత పెంచవచ్చని.. జీరో కార్బన్ నిర్మాణం ఆవిష్కరణ కోసం ఈ ప్రాజెక్ట్ ఎంపిక చేయబడినట్లుగా చెప్పారు. భవిష్యత్తులో ఈ ఇళ్లు మంచివని.. ఈ ప్రాజెక్ట్ వాతావరణ మార్పుల సదస్సులో కూడా ప్రదర్శించబడినట్లు చెప్పారు.