Redmi A3: రెడ్‌మీ నుంచి బడ్జెట్‌ స్మార్ట్ ఫోన్‌.. వాలెంటైన్స్ డే రోజు లాంచింగ్‌.
మార్కెట్లో ప్రస్తుతం బడ్జెట్‌ స్మార్ట్ ఫోన్‌ల హవా కొనసాగుతోంది. తక్కువ ధరలో మంచి ఫీచర్లతో కూడిన ఫోన్‌లను లాంచ్‌ చేస్తున్నారు. ఈ నేపథ్యంలోనే చైనాకు చెందిన ప్రముఖ స్మార్ట్ ఫోన్‌ దిగ్గజం రెడ్‌మీ మార్కెట్లోకి కొత్త ఫోన్‌ను తీసుకోస్తోంది. ప్రేమికుల దినోత్సవం సందర్భంగా ఈ ఫోన్‌ను లాంచ్‌ చేయనున్నారు...
చైనాకు చెందిన ప్రముఖ స్మార్ట్ ఫోన్‌ దిగ్గజ కంపెనీ రెడ్‌మీ భారత మార్కెట్లోకి కొత్త ఫోన్‌ను లాంచ్‌ చేస్తోంది. రెడ్‌మీఏ3 పేరుతో తీసుకొస్తున్న ఈ ఫోన్‌ను ప్రేమికుల దినోత్సవం సందర్భంగా ఫిబ్రవరి 14వ తేదీన లాంచ్‌ చేయనున్నారు.
రెడ్‌మీ ఏ3 స్మార్ట్ ఫోన్‌ ఫీచర్ల విషయానికొస్తే ఇందులో 6.71 ఇంచెస్‌తో కూడిన ఐపీఎస్‌ ఎల్‌సీడీ డిస్‌ప్లేను అందించారు. 1600X720 పిక్సెల్స్‌ రిజల్యూషన్‌ ఈ స్క్రీన్‌ సొంతం. 90 హెచ్‌జెడ్‌ రిఫ్రెష్‌ రేట్‌, కార్నింగ్ గొరిల్లా గ్లాస్‌ ప్రొటెక్షన్‌ ఈ స్మార్ట్ ఫోన్‌ ప్రత్యేకతగా చెప్పొచ్చు.
ఇక ఈ స్మార్ట్ ఫోన్‌ 2.2 జీహెచ్‌జెడ్‌ ఆక్టా కోర్‌ మీడియాటెక్‌ హీలియో జీ36 చిప్‌సెట్‌ ప్రాసెసర్‌తో పనిచేస్తుంది. 12ఎన్‌ఎమ్‌ ప్రాసెస్‌ టెక్నాలజీని ఇందులో అందించారు. ఇక ఈ ఫోన్‌ 4జీ నెట్‌ వర్క్‌కు సపోర్ట్ చేస్తుంది.
ఆండ్రాయిడ్‌ 13 ఆపరేటింగ్ సిస్టమ్‌తో పనిచేసే ఈ స్మార్ట్ ఫోన్‌ను 4జీబీ, 6జీ ర్యామ్‌, 128 జీబీ ఇంటర్నల్ స్టోరేజ్‌ వేరియంట్‌లో తీసుకొచ్చారు. ఎస్‌డీ కార్డు ద్వారా 1టీబీ వరకు ఇంటర్నల్ మెమోరీని పెంచుకోవచ్చు.
కెమెరా విషయానికొస్తే ఇందులో 13 మెగాపిక్సెల్స్‌తో కూడిన రెయిర్‌ కెమెరాను ఇచ్చారు. అలాగే సెల్ఫీలు, వీడియో కాల్స్‌ కోసం 8 మెగాపిక్సెల్స్‌తో కూడిన ఫ్రంట్‌ కెమెరాను అందించారు. బ్లూటూత్‌ 5.0, ఎఫ్‌ఎమ్‌రేడియో వంటి కనెక్టివిటీ ఫీచర్స్‌ అందించారు. ఈ స్మార్ట్ ఫోన్‌ ధర రూ. 10 వేలలోపు ఉండొచ్చని అంచనా వేస్తున్నారు.