Horoscope Today: ఆ రాశి నిరుద్యోగులకు అనుకోకుండా మంచి ఆఫర్.. 12 రాశుల వారికి రాశిఫలాలు

దిన ఫలాలు (ఆగస్టు 6, 2025): మేష రాశికి చెందిన నిరుద్యోగుల ప్రయత్నాలకు ఆశించిన స్పందన లభించే అవకాశముంది. వ‌ృషభ రాశికి చెందిన ఉద్యోగులకు హోదా పెరిగే అవకాశం ఉంది. మిథున రాశి వారి ఆర్థిక లావాదేవీలు ఆశించిన ప్రయోజనాలిచ్చే అవకాశముంది. మేష రాశి మొదలు మీన రాశి వరకు 12 రాశుల వారికి బుధవారంనాటి రాశిఫలాలు ఎలా ఉన్నాయంటే..?

మేషం (అశ్విని, భరణి, కృత్తిక 1)

ఉద్యోగంలో ఆదారాభిమానాలు పెరుగుతాయి. అధికారులకు బాగా నమ్మకం ఏర్పడి ప్రత్యేక బాధ్యతల్ని అప్పగించడం జరుగుతుంది. వృత్తి, వ్యాపారాల్లో సొంత ఆలోచనల వల్ల ఫలితం ఉంటుంది. నిరుద్యోగుల ప్రయత్నాలకు ఆశించిన స్పందన లభిస్తుంది. ఉద్యోగం మారడానికి సమయం అనుకూలంగా ఉంది. ఆదాయం కొద్దిగా వృద్ధి చెందుతుంది. మంచి పెళ్లి సంబంధం కుదురుతుంది. ఆరోగ్యం బాగానే ఉంటుంది. పిల్లల నుంచి శుభవార్త వింటారు. కుటుంబ జీవితం సాఫీగా సాగిపోతుంది.

వృషభం (కృత్తిక 2,3,4, రోహిణి, మృగశిర 1,2)

ఉద్యోగ జీవితం సాఫీగా సాగిపోతుంది. హోదా పెరిగే అవకాశం ఉంది. వృత్తి జీవితం బాగా బిజీ అవుతుంది. వ్యాపారాల్లో కొద్దిగా లాభాలు పెరుగుతాయి. పెండింగ్ పనులన్నిటినీ పూర్తి చేస్తారు. పెళ్లి, ఉద్యోగ ప్రయత్నాల్లో ఒకటి రెండు శుభ వార్తలు వినడం జరుగుతుంది. విదేశాల నుంచి ఆశించిన సమాచారం అందుతుంది. ఆరోగ్యం బాగా మెరుగ్గా ఉంటుంది. ఆర్థిక పరిస్థితి అనుకూలంగా ఉంటుంది. ప్రయాణాల్లో జాగ్రత్తగా ఉండడం అవసరం. ఆదాయం వృద్ధి చెందే అవకాశం ఉంది.

మిథునం (మృగశిర 3,4, ఆర్ద్ర, పునర్వసు 1,2,3)

ఇంటా బయటా అనుకూలతలు పెరుగుతాయి. ఆదాయ ప్రయత్నాలు సఫలం అవుతాయి. ఆర్థిక లావాదేవీలు ఆశించిన ప్రయోజనాలనిస్తాయి. వృత్తి, ఉద్యోగాలు సానుకూలంగా సాగిపోతాయి. వ్యాపారాల్లో లాభాలకు లోటుండదు. అనవసర ఖర్చులతో ఇబ్బంది పడతారు. స్నేహితుల సహాయంతో ముఖ్యమైన వ్యవహారాలను పూర్తి చేస్తారు. కొత్త కార్యక్రమాలు, కొత్త ప్రయత్నాలకు సమయం అనుకూలంగా ఉంది. పిల్లల బాగోగులు తెలుస్తాయి. మిత్రులకు అండగా నిలబడతారు.

కర్కాటకం (పునర్వసు 4, పుష్యమి, ఆశ్లేష)

వృత్తి, ఉద్యోగాలు సానుకూలంగా సాగిపోతాయి. ఉద్యోగ ప్రయత్నాలు చాలావరకు సత్ఫలితాలనిస్తాయి. ఉద్యోగంలో అవకాశాలు పెరుగుతాయి. పెండింగ్ పనుల్ని పట్టుదలగా పూర్తి చేస్తారు. రావలసిన డబ్బు చేతికి అందుతుంది. ఇంటా బయటా మీ మాటకు విలువ పెరుగుతుంది. నష్ట దాయక వ్యవహారాలకు దూరంగా ఉండడం మంచిది. ఆర్థిక సంబంధమైన బాధ్యతలను ఎవరికీ అప్పగించ వద్దు. సొంత పనుల మీద శ్రద్ధ పెట్టాల్సిన అవసరం ఉంది. ఆరోగ్యం బాగానే ఉంటుంది.

సింహం (మఖ, పుబ్బ, ఉత్తర 1)

ఉద్యోగంలో పని భారం ఎక్కువగా ఉంటుంది. భారీ లక్ష్యాలతో కొద్దిగా ఇబ్బంది పడతారు. వృత్తి, వ్యాపారాల్లో యాక్టివిటీ పెరుగుతుంది. రావలసిన డబ్బు చేతికి అందుతుంది. పెళ్లి ప్రయత్నాల్లో విదేశీ సంబంధం ఖాయమయ్యే అవకాశం ఉంది. ఆదాయం కొద్దిగా వృద్ధి చెందుతుంది. అదనపు ఆదాయ ప్రయత్నాలు నిలకడగా సాగిపోతాయి. నిరుద్యోగులకు అనుకోకుండా మంచి ఆఫర్ అందుతుంది. ప్రయాణాల్లో జాగ్రత్తగా ఉండడం మంచిది. ఆరోగ్యం బాగా అనుకూలంగా ఉంటుంది.

కన్య (ఉత్తర 2,3,4, హస్త, చిత్త 1,2)

ఉద్యోగంలో అధికారులతో బాధ్యతలు పంచుకుంటారు. ఊహించని విధంగా ప్రోత్సాహకాలు అందు కుంటారు. వృత్తి, వ్యాపారాలు లాభసాటిగా సాగిపోతాయి. ఉద్యోగం మారడానికి అవకాశం ఉంది. నిరుద్యోగులకు దూర ప్రాంతంలో ఉద్యోగం లభించే అవకాశం ఉంది. ఆస్తి, ఆర్థిక వ్యవహారాలను చక్కబెడతారు. ముఖ్యమైన వ్యక్తిగత సమస్య ఒకటి పరిష్కారం అవుతుంది. కుటుంబ జీవితం ఉత్సాహంగా, ఉల్లాసంగా సాగిపోతుంది. రావలసిన డబ్బు, బాకీలు, బకాయిలు చేతికి అందుతాయి.

తుల (చిత్త 3,4, స్వాతి, విశాఖ 1,2,3)

ఆర్థిక పరిస్థితి సంతృప్తికరంగా ఉంటుంది. ఆదాయం బాగా వృద్ధి చెందుతుంది. కుటుంబ జీవితం సాఫీగా సాగిపోతుంది. ఆదాయానికి లోటుండకపోవచ్చు. వృత్తి, ఉద్యోగాల్లో మీ ప్రాధాన్యం, ప్రాభవం మరింత పెరుగుతాయి. ఏ పని తలపెట్టినా విజయవంతం అవుతుంది. వ్యాపారాలు లాభాల పంట పండిస్తాయి. కుటుంబ ఖర్చులు బాగా పెరుగుతాయి. రాదని వదిలేసుకున్న డబ్బు కూడా చేతికి అందుతుంది. బాకీలు, బకాయిలు వసూలవుతాయి. ఆరోగ్యం బాగానే ఉంటుంది.

వృశ్చికం (విశాఖ 4, అనూరాధ, జ్యేష్ట)

ఉద్యోగంలో పని ఒత్తిడి ఎక్కువగా ఉంటుంది. వృత్తి జీవితం బిజీగా సాగిపోతుంది. వ్యాపారాల్లో లాభాలు కొద్దిగా పెరుగుతాయి. అదనపు ఆదాయ ప్రయత్నాలు చాలావరకు సఫలం అవుతాయి. ప్రస్తుతానికి ఆర్థిక లావాదేవీల జోలికి పోవద్దు. డబ్బు ఇవ్వడం, తీసుకోవడం పెట్టుకోవద్దు. ఖర్చులు తగ్గించుకోవాల్సిన అవసరం ఉంది. ముఖ్యమైన వ్యవహారాలు, పెండింగ్ పనులు పూర్తవుతాయి. ఉద్యోగ, పెళ్లి ప్రయత్నాలకు ఆశించిన స్పందన లభిస్తుంది. ఆరోగ్యం బాగానే ఉంటుంది.

ధనుస్సు (మూల, పూర్వాషాఢ, ఉత్తరాషాఢ 1)

వృత్తి, ఉద్యోగాల్లో ఒత్తిడి బాగా తగ్గుతుంది. వ్యాపారాలు లాభాల బాట పడతాయి. నిరుద్యోగులకు మంచి ఆఫర్ అందే అవకాశం ఉంది. పెళ్లి ప్రయత్నాలు చాలావరకు ఫలిస్తాయి. ఆలయాల సందర్శనకు బాగా ఖర్చు చేస్తారు. ముఖ్యమైన వ్యవహారాల్లో సొంత నిర్ణయాల మీద ఆధారపడడం మంచిది. ఆరోగ్యం అనుకూలంగా ఉంటుంది. ప్రయాణాల్లో జాగ్రత్తలు పాటించాలి. కొందరు మిత్రుల వల్ల ఆర్థికంగా నష్టపోయే అవకాశం ఉంది. ఎవరినీ గుడ్డిగా నమ్మవద్దు. పిల్లలు వృద్ధిలోకి వస్తారు.

మకరం (ఉత్తరాషాఢ 2,3,4, శ్రవణం, ధనిష్ట 1,2)

కుటుంబంలో కొద్దిపాటి సమస్యలున్నా అధిగమిస్తారు. ఒకటి రెండు వ్యక్తిగత సమస్యలను పరిష్కరించుకుంటారు. ఆదాయ మార్గాలు పెరిగే అవకాశం ఉంది. ఆర్థిక బలం పెరుగుతుంది. వృత్తి, వ్యాపారాల్లో రాబడి కొద్దిగా పెరుగుతుంది. ఉద్యోగ జీవితంలో పనిభారం ఎక్కువగా ఉన్నప్పటికీ, ప్రోత్సాహకాలు, ప్రతిఫలం అందుతాయి. ఆరోగ్యానికి లోటుండదు. పిల్లల నుంచి శుభవార్తలు వింటారు. ముఖ్యమైన వ్యవహారాలను పట్టుదలగా పూర్తి చేస్తారు. ప్రయాణాలు బాగా లాభిస్తాయి.

కుంభం (ధనిష్ట 3,4, శతభిషం, పూర్వాభాద్ర 1,2,3)

ఉద్యోగంలో పని భారం పెరిగినా ఫలితం ఉంటుంది. అనుకున్న పనులు అనుకున్నట్టు పూర్తవుతాయి. వృత్తి, వ్యాపారాల్లో సొంత నిర్ణయాలు కలిసి వస్తాయి. నిరుద్యోగులకు ఆశించిన ఆఫర్ అందే అవకాశం ఉంది. పెళ్లి ప్రయత్నాలకు సానుకూల స్పందన లభిస్తుంది. ప్రతి పనిలోనూ కొద్దిపాటి వ్యయ ప్రయాసలు తప్పకపోవచ్చు. కుటుంబ జీవితం ప్రశాంతంగా సాగిపోతుంది. ఒకటి రెండు వ్యక్తిగత సమస్యలు పరిష్కారం అవుతాయి. ఆరోగ్యం మీద కొద్దిగా శ్రద్ద పెట్టడం మంచిది.

మీనం (పూర్వాభాద్ర 4, ఉత్తరాభాద్ర, రేవతి)

కుటుంబ జీవితం ఉత్సాహంగా, ఉల్లాసంగా గడిచిపోతుంది. ఒకటి రెండు శుభ పరిణామాలు చోటు చేసుకుంటాయి. పెండింగ్ పనులన్నీ చాలావరకు పూర్తవుతాయి. వృత్తి, ఉద్యోగాల్లో మీ సమర్థత మరింతగా వెలుగులోకి వస్తుంది. అధికారులకు మీ మీద నమ్మకం పెరుగుతుంది. వ్యాపారాల్లో లాభాలు నిలకడగా ముందుకు సాగుతాయి. పిల్లలు వృద్ధిలోకి వస్తారు. ఉద్యోగ, పెళ్లి ప్రయత్నాల్లో సానుకూల వార్తలు వింటారు. ఆదాయం వృద్ధి చెందుతుంది. ఆర్థిక సమస్యలు తగ్గుముఖం పడతాయి.