Rakesh Jhunjhunwala: దోసె అంటే ఇష్టం.. కోట్లు విలువ చేసే బంగ్లాలు, కార్లు.. బిగ్‌బుల్‌ గురించి ఇంట్రెస్టింగ్‌ ఫ్యాక్ట్స్
Rakesh Jhunjhunwala: స్టాక్ మార్కెట్‌లో బిగ్ బుల్‌గా పేరొందిన రాకేష్ జున్‌జున్‌వాలా తుదిశ్వాస విడిచారు. గత కొన్ని రోజులుగా అనారోగ్య సమస్యలతో బాధపడుతోన్న ఆయన నేటి ఉదయం కన్నుమూశారు. కేవలం రూ.5వేలతో స్టాక్ మార్కెట్‌ వ్యాపారం ప్రారంభించిన ఆయన
స్టాక్ మార్కెట్‌లో బిగ్ బుల్‌గా పేరొందిన రాకేష్ జున్‌జున్‌వాలా తుదిశ్వాస విడిచారు. గత కొన్ని రోజులుగా అనారోగ్య సమస్యలతో బాధపడుతోన్న ఆయన నేటి ఉదయం కన్నుమూశారు. కేవలం రూ.5వేలతో స్టాక్ మార్కెట్‌ వ్యాపారం ప్రారంభించిన ఆయన భారతీయ సంపన్న వ్యక్తుల్లో ఒకరిగా నిలిచారు. మరి ఈ బిగ్‌బిల్ లైఫ్‌స్టైల్‌ గురించి కొన్ని ఆసక్తికర విషయాలు తెలుసుకుందాం రండి. 2. రాకేష్ ఝున్‌జున్‌వాలా మంచి ఆహార ప్రియులు. తనకు దోసె అంటే చాలా ఇష్టమని ఆయనే చాలా సందర్భాల్లో తెలిపారు. అంతే కాకుండా చైనీస్ ఫుడ్ అంటే కూడా చాలా ఇష్టమని ఓ ఇంటర్వ్యూలో తెలిపారు.
రాకేష్ ఝున్‌జున్‌వాలా మంచి ఆహార ప్రియులు. తనకు దోసె అంటే చాలా ఇష్టమని ఆయనే చాలా సందర్భాల్లో తెలిపారు. అంతే కాకుండా చైనీస్ ఫుడ్ అంటే కూడా చాలా ఇష్టమని ఓ ఇంటర్వ్యూలో తెలిపారు.
ఇక తనకుపావ్ భాజీ అంటే చాలా ఇష్టమట. అయితే బయట దొరికే పావ్‌ భాజీలు పెద్దగా నచ్చలేదట. అందుకే తరచూ తన భార్యతో అడిగి మరీ పావ్‌ భాజీని తయారుచేయించుకునేవారట.
దాదాపు 19 కంపెనీలకు యజమాని అయిన రాకేష్ ఝున్‌జున్‌వాలా 1960లో హైదరాబాద్‌లో జన్మించారు. ముంబైలో ఆయనకు చాలా ఇళ్లు ఉన్నాయని చెబుతున్నారు. మలబార్ హిల్స్‌లో రూ.176 కోట్ల విలువైన 6 ఫ్లాట్లను తీసుకున్నట్లు ఓ నివేదిక పేర్కొంది. ఇది కాకుండా రాకేష్‌కు లోనావాలాలో ఖరీదైన బంగ్లా కూడా ఉంది. ఆస్తులను అమ్మడం, కొనడం చేసే ఈ బిగ్‌బుల్‌కు బీఎమ్‌డబ్ల్యూ, మెర్సిడెస్ వంటి లగ్జరీ వాహనాలు ఉన్నాయి.
స్టాక్ మార్కెట్‌లో ఫేమస్ అయిన రాకేష్ జున్‌జున్‌వాలా ఎంతో సింపుల్‌గా ఉంటారు. ఇస్త్రీ కూడా చేయని చొక్కాతో ప్రధాని మోదీని కలిసిన ఆయన ఫొటోనే ఇందుకు నిదర్శనం. ఈ ఫొటోను చూసి చాలామంది ఆయనను ట్రోల్‌ చేశారు. అయితే వాటిని అంతే సింపుల్‌గా కొట్టిపారేశారాయన.