Health: మెట్లు ఎక్కుతున్నారా.. లిఫ్ట్ లు ఎక్కుతున్నారా.. ఒక్కసారి ఈ విషయాలు తెలుసుకోండి..
టెక్నాలజీ పెరిగిపోతోంది. సకల సౌకర్యాలు అందుబాటులోకి వచ్చేశాయి. ఒళ్లు వంచి పని చేసే అవసరం లేకుండా పోయింది. ముఖ్యంగా ఎస్కలేటర్లు, లిఫ్టులు అందుబాటులోకి వచ్చిన తర్వాత ఈ పరిస్థితి మరింతగా మారింది. ఒక్క ఫ్లోర్ ఎక్కేందుకూ లిఫ్ట్ లను ఆశ్రయిస్తున్నారు. దీంతో అనేక ఆరోగ్య సమస్యలకు గురవుతున్నారు. ...
శరీరారోగ్యం కోసం కనీస ప్రయత్నాలు కూడా చేయకుండా టెక్నాలజీ మాయలో పడి అనేక రకాల సమస్యలతో కొట్టుమిట్టాడుతున్నాడు. అటువంటి జీవిన విధానం వల్లనే మానవుడు అనునిత్యం బాధపడుతున్నాడు. అయితే ఆరోగ్యం మీద అవగాహన పెంచుకుని, తగిన జాగ్రత్తలు తీసుకుంటే ఆరోగ్యాన్ని కాపాడుకోవచ్చు.
మెట్లు ఎక్కడం అనేది అన్ని రకాల వ్యాయామాల కంటే అత్యంత ప్రభావవంతమైన వ్యాయామం. తాజా అధ్యయనాల ప్రకారం క్యాలరీలను కరిగించాలనుకునేవారు మెట్లు ఎక్కితే సరిపోతుందని తాజా ఆధ్యయనాలు చెబుతున్నాయి. జాగింగ్, స్విమ్మింగ్, సైక్లింగ్, టెన్నీస్ వంటి వ్యాయామాల కంటే మెట్లు ఎక్కడం వల్లనే ఎక్కువ ప్రయోజనాలు కలుగుతాయి.
మెట్లు ఎక్కడం వల్ల వివిధ రకాల ఆరోగ్య ప్రయోజనాలు చేకూరుతాయి. గుండె, ఊపిరితిత్తులను ఆరోగ్యంగా ఉంచుకోవడానికి ఇది ఒక సురక్షితమైన మార్గం, వ్యాయామం. ఊరిపితిత్తులు ఆక్సిజన్‌ను మరింత వేగవంతంగా తీసుకోవడానికి, గుండె ఆరోగ్యంగా ఉండడానికి మెట్లు ఎక్కితే సరి.
అంతేకాక ఇలా చేయడం వల్ల శరీర రక్తప్రసరణ వేగవంతమై ఉత్సాహాంగా, ఫీల్ బెటర్‌గా ఉంటాం. మెట్లను ఎక్కి వెళ్లడం ద్వారా మీ ఆయుర్దాయాన్ని కూడా పెంచుకోవచ్చు. ఇంకా బరువు తగ్గడంలో, కాలరీలను కరిగించడంలో ఇది సహాయపడుతుంది. శారీరక దారుఢ్యం కోసం ఎటువంటి ఖర్చు లేకుండా, ఫీజులు చెల్లించే అవసరం లేకుండానే మెట్లు ఎక్కితే సరిపోతుంది.
మెట్లను ఎక్కడం వల్ల మీ శరీర కండరాలకు తగినంత శక్తి లభించి అవి బలోపేతం అవుతాయి. ఇంకా మీ మానసిక ఒత్తిడిని తగ్గించి, మంచి నిద్ర పట్టేలా చేస్తుంది.