IPL 2024: రూ. 20 కోట్లైనా తగ్గేదేలే.. ఈ 5గురి ప్లేయర్సే ఫ్రాంచైజీల టార్గెట్.. కాసుల వర్షం పక్కా.!
ఐపీఎల్ 2024 మినీ వేలానికి వేళాయే. డిసెంబర్ 19న దుబాయ్ వేదికగా ఈ వేలం జరగనుంది. ఈసారి 1,166 మంది ప్లేయర్స్ రిజిస్టర్ చేసుకోగా.. వీరిలో 830 మంది భారత క్రికెటర్లు ఉన్నారు. ఇక ఈ లిస్టులో 212 మంది క్యాప్ద్ ఆటగాళ్లు, 909 మంది అన్‌క్యాప్ద్ ప్లేయర్స్ ఉన్నారు.
ఐపీఎల్ 2024 మినీ వేలానికి వేళాయే. డిసెంబర్ 19న దుబాయ్ వేదికగా ఈ వేలం జరగనుంది. ఈసారి 1,166 మంది ప్లేయర్స్ రిజిస్టర్ చేసుకోగా.. వీరిలో 830 మంది భారత క్రికెటర్లు ఉన్నారు. ఇక ఈ లిస్టులో 212 మంది క్యాప్ద్ ఆటగాళ్లు, 909 మంది అన్‌క్యాప్ద్ ప్లేయర్స్ ఉన్నారు.
ప్రస్తుతం అన్ని ఫ్రాంచైజీలు దగ్గర మొత్తంగా రూ. 262.95 కోట్లు ఉన్నాయి. ఈ డబ్బంతటిని 87 ఆటగాళ్ల కోసం ఖర్చు చేయనున్నారు. ఇదిలా ఉండగా.. ఐపీఎల్ 2023 మినీ వేలంలో ఇంగ్లాండ్ ప్లేయర్ సామ్ కర్రన్ రికార్డు స్థాయిలో రూ. 18.50 కోట్లకు అమ్ముడుపోగా.. ఇప్పుడు ఆ రికార్డు బద్దలు కొట్టేందుకు ఐదుగురు ప్లేయర్స్ సిద్దమవుతున్నారు.
ఆ 5గురు ఆటగాళ్లు వరల్డ్‌కప్ హీరోస్ కాగా.. అన్ని ఫ్రాంచైజీలు కూడా వారినే టార్గెట్‌గా పెట్టుకున్నాయి. ఎంత ఖర్చైనా పర్లేదు.. తగ్గేదేలే అంటూ వ్యూహాలు రచిస్తున్నాయి. మరి ఆ ఐదుగురు ప్లేయర్స్ ఎవరో ఇప్పుడు చూసేద్దాం..
ఈ ఐదుగురు ప్లేయర్స్ లిస్టులో వన్డే వరల్డ్‌కప్ 2023 ఫైనల్ హీరో ట్రావిస్ హెడ్ ముందున్నాడు. ఫైనల్‌లో భారీ సెంచరీతో ట్రోఫీని టీమిండియా నుంచి లాక్కున్న హెడ్.. ఫార్మాట్ ఏదైనా కూడా పరుగుల వరద పారిస్తాడు. ఇక అతడి దూకుడైన ఆటతీరే.. ఫ్రాంచైజీలను ఆకట్టుకుంది. ఇతడి కోసం సన్‌రైజర్స్ హైదరాబాద్, పంజాబ్ కింగ్స్, కోల్‌కతా నైట్‌రైడర్స్ మధ్య పెద్ద వార్ జరగొచ్చు.
లిస్టులో ఉన్న మరో ప్లేయర్.. రచిన్ రవీంద్ర. అటు బ్యాటింగ్.. ఇటు బౌలింగ్‌తో వరల్డ్‌కప్‌లో అద్భుతంగా రాణించాడు. మెగాటోర్నీలో 578 పరుగులు సాధించి.. ఐపీఎల్ ఫ్రాంచైజీల దృష్టిలో పడ్డాడు. ఆల్‌రౌండర్ కోసం వెతుకుతున్న ఫ్రాంచైజీలు ఇతడిపై కాసుల వర్షం కురిపించడం ఖాయం.
18 మంది ఆటగాళ్లు తప్పనిసరి: ఐపీఎల్‌లో ఒక జట్టులో 18 మంది ఆటగాళ్లు ఉండటం తప్పనిసరి. అంటే, వేలం తర్వాత ఏ ఐపీఎల్ జట్టు 18 మంది కంటే తక్కువ ఆటగాళ్లను కలిగి ఉండకూడదు. అయితే, ఇక్కడ గరిష్ఠంగా 25 మంది ఆటగాళ్లు ఉండడం తప్పనిసరి కాదు. అంటే 18 నుంచి 25 మధ్య మీకు కావలసినంత మంది ఆటగాళ్లు ఉండవచ్చు.
వీళ్లిద్దరే కాదు.. దాదాపు 8 ఏళ్ల తర్వాత ఎంట్రీ ఇస్తోన్న ఆస్ట్రేలియా పేసర్ మిచెల్ స్టార్క్.. న్యూజిలాండ్ మిడిలార్డర్ బ్యాటర్ డారెల్ మిచెల్, దక్షిణాఫ్రికా పేసర్ గెరాల్డ్ కోయెట్జీ కోసం కూడా ఐపీఎల్ ఫ్రాంచైజీలు పోటీ పడుతున్నాయ్. ఆర్సీబీ, కేకేఆర్, పంజాబ్, ముంబై జట్లు వీరి కోసం కాసుల వర్షం కురిపించే ఛాన్స్ ఉంది.