IPL 2023, MI vs CSK: ‘ఎల్‌ క్లాసికో మ్యాచ్‌’కి ఇంగ్లాండ్ ఆటగాళ్లు దూరం.. కారణం ఏమిటంటే..?
IPL 2023: ముంబై ఇండియన్స్, చెన్నై సూపర్ కింగ్స్ మధ్య శనివారం రాత్రి జరిగిన మ్యాచ్‌లో తొలుత బ్యాటింగ్ చేసిన ముంబై 8 వికెట్ల నష్టానికి 158 పరుగులు చేసింది. అనంతరం బ్యాటింగ్‌కి వచ్చిన చెన్నై 7 వికెట్ల తేడాతో ముంబైని ఓడించింది. అయితే ఐపీఎల్‌లో ఎల్‌ క్లాసికో మ్యాచ్‌ అని చెప్పుకునే ఈ టీ20కి ఇంగ్లాండ్ ఆటగాళ్లు ముగ్గురు దూరంగా ఉన్నారు.
IPL 2023: శనివారం రాత్రి జరిగిన రెండో మ్యాచ్‌లో ముంబై ఇండియన్స్, చెన్నై సూపర్ కింగ్స్ జట్లు తలపడ్డాయి. ఈ మ్యాచ్‌లో తొలుత బ్యాటింగ్ చేసిన ముంబై 8 వికెట్ల నష్టానికి 158 పరుగులు చేసింది.
అనంతరం బ్యాటింగ్‌కి వచ్చిన చెన్నై 7 వికెట్ల తేడాతో ముంబైని ఓడించింది. అయితే ఐపీఎల్‌లో ఎల్‌ క్లాసికో మ్యాచ్‌ అని చెప్పుకునే ఈ టీ20కి ఇంగ్లాండ్ ఆటగాళ్లు ముగ్గురు దూరంగా ఉన్నారు. అందుకు కారణాలేమిటో ఇప్పుడు చూద్దాం..
బెన్ స్టోక్స్: చెన్నై సూపర్ కింగ్స్ జట్టులోని ఇంగ్లండ్ ఆల్ రౌండర్ బెన్ స్టోక్స్ మోకాలి నొప్పి కారణంగా ఈ మ్యాచ్‌కు దూరమయ్యాడు. కాబట్టి అతనికి బదులుగా డ్వేన్ ప్రిటోరియస్ ప్లేయింగ్ ఎలెవెన్‌లో కనిపించాడు.
జోఫ్రా ఆర్చర్: అలాగే ముంబై ఇండియన్స్ జట్టులో ఇంగ్లండ్ ఫాస్ట్ బౌలర్ జోఫ్రా ఆర్చర్ కూడా గాయం సమస్యతో బాధపడుతున్నాడు. ముందుజాగ్రత్తగా అతనికి విశ్రాంతినిచ్చామని కెప్టెన్ రోహిత్ శర్మ తెలిపాడు. అలాగే, ఆర్చర్ స్థానంలో జాసన్ బెహ్రెన్‌డార్ఫ్ రంగంలోకి దిగాడు.
మొయిన్ అలీ: చెన్నై సూపర్ కింగ్స్ స్టార్ ఆల్ రౌండర్ మొయిన్ అలీ కూడా ఈ మ్యాచ్‌కు అందుబాటులో లేడు. మోకాలి నొప్పి సమస్య కారణంగా ఆలీకి ఈ మ్యాచ్‌ నుంచి విశ్రాంతినిచ్చారు. దీంతో అతని స్థానంలో సిసంద మగల టీమ్‌లో చేరాడు.
ముంబై ఇండియన్స్ జట్టు: రోహిత్ శర్మ(కెప్టెన్), ఇషాన్ కిషన్(కీపర్), కామెరూన్ గ్రీన్, సూర్యకుమార్ యాదవ్, తిలక్ వర్మ, టిమ్ డేవిడ్, ట్రిస్టన్ స్టబ్స్, అర్షద్ ఖాన్, హృతిక్ షోకీన్, పీయూష్ చావ్లా, జాసన్ బెహ్రెన్ డార్ఫ్.
చెన్నై సూపర్ కింగ్స్ జట్టు: డెవాన్ కాన్వే, రుతురాజ్ గైక్వాడ్, అజింక్యా రహానే, రవీంద్ర జడేజా, ఎంఎస్ ధోని(కీపర్/కెప్టెన్), శివమ్ దూబే, డ్వైన్ ప్రిటోరియస్, దీపక్ చాహర్, మిచెల్ సాంట్నర్, సిసంద మగల, తుషార్ దేశ్‌పాండే.