Throwback Movie : 1996లో బాక్సాఫీస్ను షేక్ చేసిన సినిమా.. కోటి రూపాయాలతో తీస్తే 11 కోట్ల కలెక్షన్స్..
సాధారణంగా కొన్ని సినిమాలు టాక్తో పని లేకుండా పాజిటివ్ క్రేజ్తోనే మంచి వసూళ్లు తీసుకొస్తుంటాయి. ఎలాంటి అంచనాలు లేకుండా విడుదలై బాక్సాఫీస్ వద్ద సూపర్ హిట్ అవుతాయి. అయితే ఇప్పుడు పలు చిత్రాలు వందల కోట్లకు పైగా వసూళ్లు రాబడుతున్నాయి. కానీ మీకు తెలుసా.. 1996లో విడుదలైన ఓ మూవీ అప్పట్లోనే రూ.11 కోట్లు రాబట్టింది. అంటే ఇప్పటి లెక్కల్లో ఆ మూవీ వందల కోట్లకు పైగా రాబట్టిందని అర్థం.
ప్రముఖ నిర్మాత అశ్విని దత్ ఇటీవల ఓ ఇంటర్వ్యూలో తన సినీ నిర్మాణ ప్రస్థానం, విజయాలు, పరిశ్రమలోని సహకారాల గురించి ఆసక్తికర విషయాలను పంచుకున్నారు. కల్కి 2898 AD వంటి తన ప్రస్తుత భారీ ప్రాజెక్ట్లతో పాటు, గతంలో నిర్మించిన విజయవంతమైన చిత్రాల గురించి ఆయన వెల్లడించారు.
కల్కి 2898 AD సినిమా బడ్జెట్, దాని భారీ స్థాయిని గురించి మాట్లాడుతూ, అది "లెక్కకి అందుకోలేని సినిమా" అని అశ్విని దత్ అని అనన్నారు. ఈ బృహత్తర ప్రాజెక్టుకు సంబంధించిన ఆర్థిక వ్యవహారాలను తన కుమార్తె స్వప్న, అల్లుడు చూసుకున్నారని, తాను వాటిలో ఎప్పుడూ జోక్యం చేసుకోనని తెలిపారు.
K. రాఘవేంద్ర రావు, అల్లు అరవింద్ వంటి దిగ్గజాలతో తనకున్న సన్నిహిత సంబంధాలను వెల్లడించారు. పెళ్లి సందడి వంటి చిన్న సినిమాను నిర్మించే ఆలోచన K. రాఘవేంద్ర రావు, అల్లు అరవింద్లతో కలిసి వచ్చిందని గుర్తుచేసుకున్నారు. ఈ చిత్రం ప్రారంభంలో కేవలం రూ.1.20 కోట్లతో నిర్మించబడిందని, ఇందులో K. రాఘవేంద్ర రావు గారి రెమ్యూనరేషన్ కూడా చేరి ఉందని తెలిపారు.
శ్రీకాంత్ ప్రధాన పాత్రలో నటించిన ఈ చిత్రం అంచనాలకు మించి రూ.11.30 కోట్లు వసూలు చేసి బాక్సాఫీస్ వద్ద అద్భుత విజయాన్ని సాధించిందని ఆయన పేర్కొన్నారు. పెళ్లి సందడి తర్వాత పరదేశి వంటి మరికొన్ని చిత్రాలు నిర్మించినట్లు తెలిపారు. K. రాఘవేంద్ర రావుతో కలిసి నిర్మించిన స్టూడెంట్ నెం.1 చిత్రం ఒక సంచలన విజయం సాధించిందని దత్ గుర్తుచేసుకున్నారు.
ఈ చిత్రం ఒక "అంతర్జాతీయ పునాది"కి శ్రీకారం చుట్టిందని, తన, K. రాఘవేంద్ర రావు సినీ ప్రస్థానంలో ఒక మైలురాయిగా నిలిచిందని అన్నారు. అదేవిధంగా, విజయలక్ష్మి ఆర్ట్ పిక్చర్స్ పతాకంపై తిరువిక్రమ్ రావు, D.V.V. ప్రసాద్తో కలిసి సమరసింహా రెడ్డి వంటి విజయవంతమైన చిత్రాన్ని నిర్మించినట్లు అశ్విని దత్ వివరించారు.