Vidyullekha Raman: ఫిట్నెస్ నిపుణుడుతో పరిచయం, ప్రేమ, పెళ్లి… లేడీ కమెడియన్ మ్యారేజ్ ఫోటోలు వైరల్
ప్రముఖ నటి విద్యుల్లేఖ రామన్ దాంపత్య జీవితంలోకి అడుగుపెట్టారు. సంజయ్ అనే వ్యక్తితో ఆమె మనువాడారు. అందుకు సంబంధించిన ఫొటోలు సోషల్ మీడియాలో వైరల్ అవుతున్నాయి.
ప్రముఖ హాస్యనటి విద్యుల్లేఖ రామన్.. తమిళ సంప్రదాయంలో తన ప్రియుడు సంజయ్ను వివాహమాడింది. సోషల్ వీడియా వేదికగా పలువురు నటీనటులు వీరికి శుభాకాంక్షలు చెబుతున్నారు.
ఆగస్టు 26న వీరి నిశ్చితార్థం జరగ్గా, అప్పుడు సోషల్ మీడియాలో ప్రకటించి అందరికీ షాకిచ్చిందీ భామ. ఇప్పుడు చాలా తక్కువమంది సమక్షంలో పెళ్లి చేసుకుంది.
ఇటీవల శరారకృతిపై దృష్టిపెట్టిన విద్యుల్లేఖకు ఫిట్నెస్ నిపుణుడు సంజయ్తో పరిచయమైంది. ఆ తర్వాత వారి రిలేషన్ ప్రేమగా మారి, పెళ్లి వరకు వచ్చింది.
కాగా ప్రముఖ నటుడు మోహన్ రామన్ కుమార్తె అయిన విద్యుల్లేఖ 2012లో నటిగా ఎంట్రీ ఇచ్చారు. తెలుగు, తమిళం భాషల్లో పలు చిత్రాల్లో నటించి కమెడియన్‌గా మంచి పేరును సాధించుకున్నారు.
తెలుగు, తమిళ చిత్రాలతో పరిచయమైన ఈమె.. తనదైన యాస, డైలాగ్స్తో ఆకట్టుకుంటోంది. పెళ్లి తరువాత విద్యుల్లేఖ సినిమాల్లో కొనసాగనున్నట్లు తెలుస్తోంది.