Nayanthara: జిమ్ కాదు.. రోజూ ఆ ఒక్క పనిచేయడమే అందం రహస్యం.. 41 ఏళ్ల వయసులో నయనతార ఫిట్నెస్ సీక్రెట్ ఇదేనట..
లేడీ సూపర్ స్టార్ నయనతార ఈసారి కన్నడ సూపర్ స్టార్ యశ్తో కలిసి వెండితెరపై సందడి చేసింది. చాలా కాలం తర్వాత అటు గ్లామరస్ లుక్స్.. ఇటు పవర్ ఫుల్ లుక్ లో కనిపించింది. గీతూ మోహన్దాస్ దర్శకత్వం వహించిన 'టాక్సిక్: ఎ ఫెయిరీ టేల్ ఫర్ గ్రోన్-అప్స్' గ్యాంగ్స్టర్ డ్రామాలో గంగ పాత్రలో కనిపించి మెప్పించింది.
దాదాపు రెండు దశాబ్దాలకు పైగా సినీ పరిశ్రమలో ఉన్న నయనతార ఇప్పటికీ ఏమాత్రం తరగని అందంతోపాటు అభినయంతో మైమరపిస్తుంది. సౌత్ ఇండస్ట్రీలో లేడీ సూపర్ స్టార్ గా కొనసాగుతున్న ఈ అమ్మడు తాజాగా తన ఫిట్నెస్, బ్యూటీ సీక్రెట్ పంచుకుంది. మె కఠినమైన ఆహార నియమాలను గానీ, మితిమీరిన వ్యాయామాలను గానీ నమ్మదు. దానికి బదులుగా, తన బిజీ షెడ్యూల్లో కూడా ఎలాంటి అంతరాయాలు లేకుండా పాటించగలిగే ఆరోగ్యకరమైన అలవాట్లను ఆమె అలవర్చుకుంది.
నయనతార తన శరీరాకృతిని కాపాడుకోవడానికి తన వ్యాయామ దినచర్యలో వెయిట్ ట్రైనింగ్కు అధిక ప్రాధాన్యత ఇస్తుంది. దీనితో పాటు, యోగా కూడా ఆమె దినచర్యలో భాగమే. కేవలం కొత్త సినిమాల కోసమే ఫిట్నెస్పై దృష్టి పెట్టకుండా వ్యాయామాన్ని తన రోజువారీ జీవనశైలిలో ఒక భాగంగా చేసుకోవడానికి ఇష్టపడుతుంది. సుదీర్ఘమైన షూటింగ్ రోజుల తర్వాత, యోగా ఆమె శరీరానికి విశ్రాంతినిచ్చి, తిరిగి ఎనర్జీని పొందడానికి సహాయపడుతుంది.
ఆహారం విషయంలో నయనతార ఫిట్నెస్ ఆలోచనా విధానం చాలావరకు మార్చుకుందట. గతంలో తన డైట్ను చాలా కఠినమైన నియంత్రణగా భావించేది. అది తనకు అస్సలు ఇష్టం లేని ఆహారాలను తినేలా బలవంతం చేసేదని ఆమె అనుకునేదట. కానీ తర్వాత ఆ ఆలోచన మారింది. శరీరానికి అవసరమైన రకరకాల మంచి ఆహారాలను సరైన మోతాదులో తినడమే ఇప్పుడు ఆమె కొత్త పద్ధతిగా మార్చుకుంది.
ప్రయాణాలలో, షూటింగ్ సెట్లలో ఎలాంటి ఆహారం అందుబాటులో ఉన్నప్పటికీ, నయనతార ఎల్లప్పుడూ ఇంట్లో వండిన సాదా భోజనాన్నే ఇష్టపడుతుంది. షూటింగ్కు వెళ్లేటప్పుడు ఇంటి నుండి ఆహారాన్ని తీసుకువెళ్లడం జంక్ ఫుడ్ తినాలనే కోరికలను తగ్గించడంలో సహాయపడుతుందని అన్నారు. అంతేకాకుండా ఇంట్లో చేసిన భోజనం ఆమె ఆరోగ్యాన్ని కాపాడుతుంది. ఆహారంలో పండ్లు, కూరగాయలు, గుడ్లు , మాంసంతో కూడిన సమతుల్య ఆహారం తీసుకుంటుంది.
నయనతార తన శరీరంలో సరైన నీటి శాతాన్ని (హైడ్రేట్)గా కాపాడుకోవడంపై కూడా చాలా శ్రద్ధ పెడుతుంది. ఇందుకోసం ఆమె తన ఆహారంలో గ్రీన్ టీ, తాజా జ్యూస్లు, సూప్లను తీసుకుంటుందట. కఠినమైన వ్యాయామాలు, బిజీ జీవనశైలి నుండి తన శరీరానికి పూర్తి విశ్రాంతి అవసరం కాబట్టి, ఈ నటి సరైన నిద్రకు కూడా ప్రాధాన్యత ఇస్తుంది. దాదాపు కచ్చితంగా 8 గంటలకు పైగానే నిద్రపోతుందట. అలాగే నీరు ఎక్కువగా తాగుతుందట.