Air Conditioner: ఆన్‌లైన్‌లో ఏసీ కొంటున్నారా? ఈ 10 విషయాలు తప్పక చెక్ చేయండి.. లేకుంటే నష్టపోవడం ఖాయం!

Air Conditioner: మంచి వారంటీ ఉంటే భవిష్యత్తులో రిపేర్ ఖర్చుల టెన్షన్ ఉండదు. కంప్రెషర్‌పై 5 నుండి 10 ఏళ్లు, ప్రొడక్ట్‌పై కనీసం 1 ఏడాది వారంటీ ఇచ్చే బ్రాండ్‌ను ఎంచుకోండి. సరైన ప్లానింగ్‌తో ఏసీని కొనుగోలు చేస్తే ఈ వేసవిని మీరు హాయిగా..

Air Conditioner

Subhash Goud |
Updated on: Mar 28, 2026 | 9:42 AM

Air Conditioner:భారతదేశంలో వేసవి తాపం రోజురోజుకూ పెరుగుతోంది. ఇప్పుడు ఏసీ (Air Conditioner) అనేది విలాసం కాదు, ఒక అవసరంగా మారింది. అయితే ఏసీ అనేది ఒక దీర్ఘకాలిక పెట్టుబడి. అందుకే ఆన్‌లైన్‌లో ఏసీని కొనుగోలు చేసే ముందు సరైన నిర్ణయం తీసుకోవడం చాలా ముఖ్యం. తక్కువ కరెంటు బిల్లుతో, అద్భుతమైన కూలింగ్ ఇచ్చే ఏసీని ఎలా ఎంచుకోవాలో ఈ 10 సూత్రాలు తెలుసుకోండి.

ఇది కూడా చదవండి: Gold Price Today: మళ్లీ పుంజుకుంటున్న బంగారం ధర.. వెండి మాత్రం తగ్గింది!

1. స్ప్లిట్ ఏసీ కావాలా? విండో ఏసీనా?

మీ గది రకాన్ని బట్టి ఏసీని ఎంచుకోవాలి:

స్ప్లిట్ ఏసీ (Split AC): మధ్యస్థ, పెద్ద గదులకు (120-200 చ.అడుగులు) ఇది సరైనది. ఇది తక్కువ శబ్దం చేస్తుంది. చూడటానికి అందంగా ఉంటుంది.
విండో ఏసీ (Window AC): చిన్న గదులకు, తక్కువ బడ్జెట్ ఉన్నవారికి ఇది ఉత్తమం.

2. గది పరిమాణాన్ని బట్టి కెపాసిటీ (Tonnage): గది పరిమాణానికి తగ్గట్టుగా టన్నును ఎంచుకోకపోతే కూలింగ్ సరిగ్గా ఉండదు. పైగా కరెంటు బిల్లు పెరుగుతుంది.

ఇవి కూడా చదవండి

120 చ.అడుగుల వరకు: 1 టన్
120 – 180 చ.అడుగులు: 1.5 టన్
180 చ.అడుగుల పైన: 2 టన్

3. ఇన్వర్టర్ vs నాన్-ఇన్వర్టర్: ఏది బెటర్?

ఇన్వర్టర్ ఏసీ: కరెంటు తక్కువగా వాడుకుంటుంది. శబ్దం తక్కువ. ఎక్కువ సేపు ఏసీ వాడేవారికి ఇది బెస్ట్.
నాన్-ఇన్వర్టర్ ఏసీ: ప్రారంభ ధర తక్కువగా ఉంటుంది కానీ కరెంటు బిల్లు ఎక్కువగా వచ్చే అవకాశం ఉంది.

4. స్టార్ రేటింగ్ (Energy Star Ratings)

స్టార్ రేటింగ్ ఎంత ఎక్కువగా ఉంటే, కరెంటు అంత తక్కువగా కాలుతుంది:

3-స్టార్ ఏసీ: ధర, పనితీరు సమపాళ్లలో ఉంటాయి.
5-స్టార్ ఏసీ: కొనేటప్పుడు ధర కొంచెం ఎక్కువైనా, దీర్ఘకాలంలో కరెంటు బిల్లుల రూపంలో మీకు చాలా డబ్బు ఆదా అవుతుంది.

5. ఉపయోగకరమైన ఫీచర్లు ఉన్నాయా?

నేటి ఏసీలలో టర్బో కూలింగ్, ఆటో రీస్టార్ట్, స్లీప్ మోడ్, డీహ్యూమిడిఫైయర్ (తేమను తగ్గించేది) వంటి ఫీచర్లు ఉంటున్నాయి. మన దేశంలో ఉండే ఉక్కపోతకు ఇవి చాలా అవసరం.

6. కాపర్ కాయిల్ (Copper Coil) తప్పనిసరి:

ఏసీ కొనేటప్పుడు అందులో ‘కాపర్ కండెన్సర్ కాయిల్’ ఉందో లేదో చూడండి. అల్యూమినియం కంటే కాపర్ కాయిల్ వల్ల కూలింగ్ వేగంగా వస్తుంది. ఇది ఎక్కువ కాలం రావడమే కాకుండా రిపేర్లు వచ్చినా ఖర్చు తక్కువగా ఉంటుంది.

7. స్మార్ట్ ఫీచర్లు (Smart Features)

వై-ఫై కనెక్టివిటీ, యాప్ కంట్రోల్, అలెక్సా లేదా గూగుల్ అసిస్టెంట్ సపోర్ట్ ఉన్న ఏసీలు ఇప్పుడు ట్రెండింగ్‌లో ఉన్నాయి. ఆఫీసు నుండి ఇంటికి వచ్చే ముందే మీ ఫోన్ ద్వారా ఏసీ ఆన్ చేసే సదుపాయం ఇవి కల్పిస్తాయి.

8. కస్టమర్ రివ్యూలు చదవండి

అమెజాన్ లేదా ఫ్లిప్‌కార్ట్ వంటి సైట్లలో కొనే ముందు వినియోగదారుల రివ్యూలు తప్పక చూడండి. స్టార్ రేటింగ్ మాత్రమే కాకుండా, ప్రజలు ఎదుర్కొంటున్న సమస్యల గురించి అక్కడ అసలు విషయం తెలుస్తుంది.

9. ఇన్స్టాలేషన్, అదనపు ఖర్చులు

ఆన్‌లైన్‌లో ఏసీ ధర తక్కువగా కనిపించినా, కొన్ని అదనపు ఖర్చులు ఉంటాయి:

ఇన్స్టాలేషన్ చార్జీలు: సాధారణంగా ₹1,200 నుండి ₹2,000 వరకు ఉండొచ్చు.
అదనపు పైపులు, అవుట్‌డోర్ యూనిట్ స్టాండ్: వీటికి విడిగా చెల్లించాల్సి ఉంటుంది.

10. వారంటీ (Warranty) ముఖ్యం

మంచి వారంటీ ఉంటే భవిష్యత్తులో రిపేర్ ఖర్చుల టెన్షన్ ఉండదు. కంప్రెషర్‌పై 5 నుండి 10 ఏళ్లు, ప్రొడక్ట్‌పై కనీసం 1 ఏడాది వారంటీ ఇచ్చే బ్రాండ్‌ను ఎంచుకోండి. సరైన ప్లానింగ్‌తో ఏసీని కొనుగోలు చేస్తే ఈ వేసవిని మీరు హాయిగా గడపవచ్చు. పైన చెప్పిన విషయాలను బేరీజు వేసుకుని, మీ బడ్జెట్‌కు సరిపోయే బెస్ట్ ఏసీని ఎంచుకోండి.

LPG Booking: దేశంలో గ్యాస్‌ బుకింగ్‌ నిబంధనలు మారాయని మీకు తెలుసా? ఇలా చేస్తే సిలిండర్‌ అందదు!