Viral Video: నీటిలో మునిగిపోతున్న జింక పిల్ల ప్రాణాన్ని కాపాడి.. ప్రజల హృదయాన్ని గెలుచుకున్న సైనికుడు.. వీడియో వైరల్..
Viral Video: సైనికుల ధైర్య, సాహసాల గురించి ప్రత్యేకంగా చర్చించాల్సిన అవసరం లేదు. ఏ దేశ సైనికులు అయినా రక్షణే వారి బాధ్యత....
Viral Video: సైనికుల ధైర్య, సాహసాల గురించి ప్రత్యేకంగా చర్చించాల్సిన అవసరం లేదు. ఏ దేశ సైనికులు అయినా రక్షణే వారి బాధ్యత. తన కర్తవ్య నిర్వహణలో ప్రాణాలను సైతం లెక్క చేయరు. ఈ క్రమంలోనే ఒక్కొక్కసారి మానవత్వాన్ని కూడా చాటుకుంటారు సైనికులు. తాజాగా ఓ సైనికుడు చేసిన పనికి సర్వత్రా ప్రశంసలు వస్తు్న్నాయి. తన శ్రమ, కృషితో ఓ నిండు ప్రాణాన్ని కాపాడి ప్రజల హృదయాన్ని గెలుచుకున్నాడు. దానికి సంబంధించిన వీడియో కూడా సోషల్ మీడియాలో తెగ రచ్చ చేస్తోంది.
ఇంతకీ ఏం జరిగిందంటే.. ఈ వీడియోలో ఓ జింక పిల్ల నీటిలో పడిపోయి ఉంది. అది గమనించిన ఓ సైనికుడు జింక పిల్ల పడిపోయిన స్థానంలో ఉన్న చెట్టు మొద్దు ఆధారంగా చేసుకుని ఆ జింక పిల్లను సురక్షితంగా కాపాడుతాడు. నీటిలో మునుగుతున్న జింకను బయటకు తీసుకువస్తాడు. దీనిని అక్కడే ఉన్న సహచర సైనికులు వీడియో తీశారు. కాగా, ఈ వీడియోను సోషల్ మీడియాలో షేర్ చేశారు. ఆ వీడియోకు ‘నేను మెరైన్ సోల్జర్’ అని క్యాప్షన్ కూడా పెట్టారు. కాగా, సైనికులు షేర్ చేసిన ఈ వీడియో ఇప్పుడు నెట్టింట్లో హల్‌చల్ చేస్తోంది.
కాగా, జింక పిల్లను కాపాడిన సైనికుడిపై నెటిజన్లు ప్రశంసలు కురిపిస్తున్నారు. సైనికులు.. మనుషులను రక్షణగా ఉన్నట్లుగానే.. మూగ జీవాలకూ ఉంటున్నారని కితాబిచ్చాడు ఓ నెటిజన్. అయితే, నాణేనికి బొమ్మ బొరుసు ఉన్నట్లుగానే.. కొందరు ఆ వీడియోపై నెగెటివ్ కామెంట్స్ కూడా చేస్తున్నారు. ఆ జింక పిల్లను వండుకుని తినేసి ఉంటారంటూ ఓ నెటిజన్ కామెంట్ పెట్టాడు. ఇదిలాఉంటే.. జూన్ 11వ తేదీన ఈ వీడియోను సోషల్ మీడియాలో పోస్ట్ చేయగా.. ఇప్పటి వరకు 60 వేలకు పైగా వ్యూస్ వచ్చాయి.
Viral Video:
Soldier rushes to rescue a baby fawn from drowning..
Thank you.. ? pic.twitter.com/mKpxZsfXDd
— Buitengebieden (@buitengebieden_) June 11, 2021
Also read: