Breaking News : సింహాల మాయంలో మరో ట్విస్ట్..

వెండి రథం సింహాల మాయంపై కీలక విషయాలు వెలుగులోకి వస్తున్నాయి. లాక్‌డౌన్‌ సమయంలోనే చోరీ జరిగనట్టు గుర్తించారు పోలీసులు. ఉగాది ఉత్సవాల సందర్భంగా రథాన్ని సిద్ధం చేయాలంటూ ఈవో సురేష్‌ బాబు మార్చి 11న సర్కిలర్‌(RC.NO.F1/358 సర్కిలర్) జారీ చేశారు. రథంకు మరమ్మతులతోపాటు పాలిష్‌ చేయాలని ఇంజినీరింగ్‌ విభాగానికి ఆదేశాలు జారీ చేశారు.

సర్కిలర్ లో స్పష్టంగా మార్చి 25న వెండి రథం ఊరేగింపు ప్రస్తావన కూడా ఉంది. మార్చి 25 సాయంత్రం 5 గంటలకి వెండి రథం ఊరేగింపు ఉంటుంది కాబట్టి రథం మరమ్మత్తులు, పాలిష్ చేయాలని ఇంజినీరింగ్ విభాగానికి ఆదేశాలు ఇచ్చారు. దీంతో వారు రథంకు పాలిష్ పెట్టారు. మెరుపులు అద్దారు. అయితే ఆ సమయంలో రథంలో నాలుగు సింహాలు ఉన్నట్లుగా పోలీసులకు తెలిపారు. మరిన్ని వివరాలను ఇంజినీరింగ్ విభాగం, స్తపతి, పాలిష్ పెట్టె వారు, అప్రిజర్ నుంచి వివరాలను సేకరిస్తున్నారు.