కరోనా తగ్గిపోయినా వెంటాడుతుంది.. బీకేర్‌ఫుల్.. ఎఫెక్ట్ మాములుగా ఉండదట.. ICMR రిపోర్ట్
మీరు ప్రతిరోజూ వ్యాయామం చేయకపోతే..ఒకేసారి సడెన్‌గా భారీ వ్యాయామం చేయకూడదు..గార్బా అనేది భారీ వ్యాయామంగా పరిగణించబడుతుంది. 3-4 గంటలు గార్బా ఆడటం అంత సులభం కాదు. ఎప్పుడూ జిమ్‌కి వెళ్లని, డ్యాన్స్ చేయని, పరుగెత్తని, మారథాన్‌లో పాల్గొనని వ్యక్తులు..వైద్యుడిని సంప్రదించకుండా ఈ రకమైన కార్యకలాపాలు చేయకూడదు. కోవిడ్ సెకండ్‌వేవ్‌లో తీవ్రమైన ఇన్ఫెక్షన్ ఉన్న వ్యక్తులు గుండెపోటుకు గురయ్యే ప్రమాదం ఎక్కువగా ఉంటుంది .
గర్బా, పెళ్లిలో డ్యాన్స్ చేస్తున్నప్పుడు, నడుస్తున్నప్పుడు, వివిధ కార్యకలాపాలు చేస్తున్నప్పుడు ప్రజలు గుండెపోటుకు గురవుతున్నారు. కోవిడ్ తర్వాత గుండెపోటు ప్రమాదం కేసులు విపరీతంగా పెరిగిపోయాయనే వాదనలు కూడా వినిపిస్తున్నాయి. ఈ నేపథ్యంలోనే ICMR దీనికి సంబంధించి ఒక అధ్యయనాన్ని ప్రచురించింది. దీనికి సంబంధించి కేంద్ర ఆరోగ్య మంత్రి కరోనా బారినపడి కోలకున్న వ్యక్తులు.. ఒకటి రెండు సంవత్సరాల పాటు ఎక్కువ, భారీ వ్యాయామాలు చేయవద్దని సూచించారు. కోవిడ్ తర్వాత 10 నుండి 20 శాతం గుండెపోటు కేసులు వస్తున్నందున, ఈ వ్యక్తులు గుండెపోటుకు గురయ్యే ప్రమాదం ఎక్కువగా ఉందంటున్నారు. అతిగా డ్యాన్స్, వ్యాయామం, మారథాన్‌ వంటి వాటికి దూరంగా ఉండాలని సూచించారు.
కోవిడ్ రోగులలో గుండెపోటు ప్రమాదంపై ఒక అధ్యయనంలో 10 నుండి 20 శాతం పోస్ట్-కోవిడ్ కేసులలో గుండెపోటు వచ్చే ప్రమాదం ఉందని వెల్లడించింది . కోవిడ్ సమయంలో ఆక్సిజన్ సపోర్ట్‌లో ఉన్న వ్యక్తులు, మితమైన, తీవ్రమైన కేటగిరీలో కరోనా సోకిన వ్యక్తులు గుండెపోటుకు గురయ్యే ప్రమాదం ఎక్కువగా ఉంటుందని అధ్యయనంలో వెల్లడించారు.
సడెన్‌గా ఎక్కువ వ్యాయామం చేయవద్దు..
మీరు ప్రతిరోజూ వ్యాయామం చేయకపోతే..ఒకేసారి సడెన్‌గా భారీ వ్యాయామం చేయకూడదు..గార్బా అనేది భారీ వ్యాయామంగా పరిగణించబడుతుంది. 3-4 గంటలు గార్బా ఆడటం అంత సులభం కాదు. ఎప్పుడూ జిమ్‌కి వెళ్లని, డ్యాన్స్ చేయని, పరుగెత్తని, మారథాన్‌లో పాల్గొనని వ్యక్తులు..వైద్యుడిని సంప్రదించకుండా ఈ రకమైన కార్యకలాపాలు చేయకూడదు. కోవిడ్ సెకండ్‌వేవ్‌లో తీవ్రమైన ఇన్ఫెక్షన్ ఉన్న వ్యక్తులు గుండెపోటుకు గురయ్యే ప్రమాదం ఎక్కువగా ఉంటుంది .
కోవిడ్ కారణంగా చాలా మందిలో Myocarditis..
కోవిడ్ కారణంగా చాలా మంది Myocarditisతో బాధపడుతున్నారు. ఇది వైరస్ ఇన్ఫెక్షన్ వల్ల వస్తుంది. ఇందులో గుండె కండరాలలో వాపు ఉంటుంది. దీని కారణంగా గుండె బలహీనంగా మారుతుంది. గుండె చప్పుడు అదుపులో ఉండదు. అడ్డుపడే ధోరణి పెరుగుతుంది. గుండె దెబ్బతింటుంది. ఇది ఆకస్మిక కార్డియాక్ అరెస్ట్ ప్రమాదానికి దారితీస్తుంది.
ఆక్సిజన్ సపోర్ట్‌లో ఉన్న వ్యక్తుల్లో అధిక ప్రమాదం..
ఆక్సిజన్ సపోర్ట్‌లో ఉన్న వ్యక్తులకు గుండె ఆగిపోయే ప్రమాదం ఎక్కువగా ఉంటుంది. మయోకార్డిటిస్ సంభవించినట్లయితే, అది కొన్ని రోజుల చికిత్స తర్వాత నయం అవుతుంది. కండరాలు కోలుకుంటాయి. కోవిడ్‌తో బాధపడుతున్న వ్యక్తులు మయోకార్డిటిస్ నుండి కోలుకోవడానికి రెండు సంవత్సరాల వరకు పడుతుంది. DJ సౌండ్ కూడా గుండె సమస్యలు ఉన్నవారికి ప్రమాదకరం. నిపుణుల అభిప్రాయం ప్రకారం హృద్రోగులు DJలు, డిస్కోలకు వెళ్లకూడదు.
మరిన్ని జాతీయ వార్తల కోసం క్లిక్ చేయండి..