OTT: పోగాకు హెచ్చరికల నింబంధనపై స్పందించిన పలు ఓటీటీ కంపెనీలు.. ఏమన్నాయంటే
ఇటీవల కేంద్ర ఆరోగ్య మంత్రిత్వ శాఖ థియేటర్ల తరహాలోనే ఓటీటీల్లోను పొగాకు వ్యతిరేక హెచ్చరికలు తప్పనిసరిగా వేయాలని ఆదేశించిన విషయం తెలిసిందే. వెబ్ సిరీస్లు, సినిమాలు, ఇతర వినోద కార్యక్రమాల్లో ఈ నిబంధనలు అమలుచేయలాని సూచించింది.
Updated on: Jun 03, 2023 | 6:50 PM
ఇటీవల కేంద్ర ఆరోగ్య మంత్రిత్వ శాఖ థియేటర్ల తరహాలోనే ఓటీటీల్లోను పొగాకు వ్యతిరేక హెచ్చరికలు తప్పనిసరిగా వేయాలని ఆదేశించిన విషయం తెలిసిందే. వెబ్ సిరీస్లు, సినిమాలు, ఇతర వినోద కార్యక్రమాల్లో ఈ నిబంధనలు అమలుచేయలాని సూచించింది. ప్రపంచ పొగాకు వ్యతిరేక దినోత్సవం సందర్భంగా ఈ నిబంధనను తెచ్చిన కేంద్రం.. ఓటీటీల్లో కార్యక్రమం ప్రారంభానికి ముందు, మధ్యలో కనీసం 30 సెకన్ల పాటు పొగాకు పొగాకు దుష్రభావాన్ని వివరించేలా ప్రకటన ఉండాలని ఓటీటీలకు సూచించింది. అలాగే వాటి వాడకాన్ని చూపే దృశ్యాలు వచ్చినప్పుడు కూడా డిస్క్లెయిమర్ను చూపించాలని పేర్కొంది. ఈ హెచ్చరికలు కూడా ఆ కంటెంట్ ప్రసారమయ్యే భాషలోనే ఉండాలని చెప్పింది.
అయితే ఈ నిబంధనలపై పలు ఓటీటీ కంపెనీలు స్పందించాయి. దీని అమలుపై అభ్యంతరాలు కూడా వ్యక్తం చేస్తున్నాయి. ఇప్పటికే లక్షలాది గంటల కంటెంట్ ఉందని.. ఈ హెచ్చరికలను జోడించడం కోసం ఎడిట్ చేయడాన్ని భారంగా భావిస్తున్నాయి. ఇప్పటికే నెట్ఫ్లిక్స్, అమెజాన్, డిస్నీ, జియో సినిమాకు చెందిన ప్రతినిధులు సమావేశమైనట్లు తెలుస్తోంది. ఈ విషయంలో న్యాయపరంగా ఎలా వెళ్లాలనేదానిపై చర్చించారని సమాచారం. ముఖ్యంగా ఐటీ, సమాచార ప్రసారాల మంత్రిత్వ శాఖ కాకుండా ఆరోగ్య మంత్రిత్వశాఖ ఈ నిబంధనను ఆదేశించని నేపథ్యంలో దీనిపై సవాలు చేయాలని నిర్ణయించనట్లు తెలుస్తోంది.
మరిన్ని జాతీయ వార్తల కోసం ఇక్కడ క్లిక్ చేయండి
