మహారాష్ట్రకు మరిన్ని పద్మా అవార్డులు ఇవ్వాల్సింది, కేంద్ర వైఖరిపై శివసేన నేత సంజయ్ రౌత్

పద్మా అవార్డుల ప్రదానంలో మహారాష్ట్రకు అన్యాయం జరిగిందని శివసేన నేత సంజయ్ రౌత్ తీవ్ర అసంతృప్తిని వ్యక్తం చేశారు. ఈ రాష్ట్రం నుంచి కనీసం 10 నుంచి 12 మందికి పద్మా అవార్డులు దక్కాల్సి ఉందని ఆయన అన్నారు. కేవలం ఆరుగురికి మాత్రమే ఈ పురస్కారాలను ఇఛ్చారని ఆయన పేర్కొన్నారు. పద్మ విభూషణ్, పద్మ భూషణ్, పద్మశ్రీ కేటగిరీలో వీటిని ప్రదానం చేయాల్సి  ఉండిందని సంజయ్ అన్నారు.. కళలు, విద్య, సైన్స్, సామాజిక సేవ వంటి వివిధ రంగాల్లో నిష్ణాతులైనవారు ఈ రాష్ట్రంలో ఉన్నారని ఆయన చెప్పారు. రాష్ట్రపతి రామ్ నాథ్ కోవింద్ నిన్న 119 పద్మ అవార్డులను ప్రకటించిన సంగతి తెలిసిందే. వీటిలో 7 పద్మ విభూషణ్, 10 పద్మ భూషణ్, 102 పద్మశ్రీ పురస్కారాలు ఉన్నాయి.

మహారాష్ట్ర నుంచి రజనీ కాంత్ ష్రాఫ్, సింధు తాయ్ సప్తాల్, గిరీష్ ప్రభాసీ, నామ్ దేవ్ కాంబ్లీ, పరశురామ్ గంగావాన్, జస్వంతి బెన్ పోపట్ లకు ఈ ఏడాది పద్మ అవార్డులు దక్కాయి. అయితే తమ రాష్ట్రం చాలా పెద్దదని, 10 నుంచి 12 మందికి ఈ పురస్కారాలు ఇవ్వాల్సిందని సంజయ్  రౌత్ అన్నారు. జపాన్ మాజీ ప్రధాని షింజో అబేకి పద్మ అవార్డు ఇవ్వడంపై స్పందించిన ఆయన.. ఇండియాకు బుల్లెట్ ట్రెయిన్ ప్రాజెక్టును ఇఛ్చినందుకు బహుశా ఈ అవార్డు ఇఛ్చి ఉంటారు అని వ్యాఖ్యానించారు. కానీ ఆ ప్రాజెక్టును మహారాష్ట్ర ప్రభుత్వం తిరస్కరించిందన్నారు.

Read More :మీ వ్యవహారం హుందాగా లేదు, శివసేన నేత సంజయ్ రౌత్ కు బాంబేహైకోర్టు చురకలు, అటు కంగనాపైనా .. Read More :8 నెలల తర్వాత రిటర్న్ టు కామెంట్రీ బాక్స్…ఇంట్లో వాళ్లంతా మస్త్ ఖుష్ ..ఈ సారి నో కాంట్రవర్సీ.