AC: గంటల తరబడి ఏసీలో ఉంటున్నారా.? ఓసారి ఈ సమ్యలున్నాయో చెక్ చేసుకోండి
ఇక కొందరు ఇష్టంతో ఏసీల్లో గడుపుతుంటే మరి కొందరు ఆఫీసుల్లో అనివార్యంగా గంటల తరబడి ఏసీల్లో గడపాల్సిన పరిస్థితి నెలకొంది. మరి ఎండల నుంచి ఉపశమనం కలిగించే చల్లటి ఏసీ ఎన్నో అనారోగ్య సమస్యలను తీసుకొస్తుందనే విషయం మీకు తెలుసా.? గంటలతరబడి ఏసీలో ఉంటే కచ్చితంగా కొన్ని రకాల అనారోగ్య సమస్యలు ఎదర్కోక తప్పదని చెబుతున్నారు...
ఎండల నుంచి తప్పించుకోవడానికి చాలా మంది ఏసీలను ఏర్పాటు చేసుకుంటున్నారు. అసలు ఏసీలు అలవాటు లేని వారు కూడా ఈ ఎండలకు తట్టుకోలేక ఏసీలను ఏర్పాటు చేసుకుంటున్నారు. ఒకప్పుడు కేవలం కొందరి ఇళ్లకు మాత్రమే పరిమితమైన ఏసీలు ఇప్పుడు ప్రతీ ఒక్కరి ఇంట్లో దర్శనమిస్తున్నాయి.
ఇక కొందరు ఇష్టంతో ఏసీల్లో గడుపుతుంటే మరి కొందరు ఆఫీసుల్లో అనివార్యంగా గంటల తరబడి ఏసీల్లో గడపాల్సిన పరిస్థితి నెలకొంది. మరి ఎండల నుంచి ఉపశమనం కలిగించే చల్లటి ఏసీ ఎన్నో అనారోగ్య సమస్యలను తీసుకొస్తుందనే విషయం మీకు తెలుసా.? గంటలతరబడి ఏసీలో ఉంటే కచ్చితంగా కొన్ని రకాల అనారోగ్య సమస్యలు ఎదర్కోక తప్పదని చెబుతున్నారు. ఇంతకీ ఏసీల్లో గంటల తరబడి ఉండడం వల్ల కలిగే నష్టాలు ఏంటో ఇప్పుడు తెలుసుకుందాం..
* గంటల తరబడి ఏసీల్లో ఉండే వారి కళ్లు పొడిబారుతాయని నిపుణులు చెబుతున్నారు. దీనికి కారణం ఏసీలు గాలిలోని తేమను లాగేయడమే. దీంతో కళ్లు ఎర్రగా మారడం, దురదగా ఉండడం వంటి సమస్యలు వస్తాయి.
* సాధారణంగా సమ్మర్లో డీహైడ్రేషన్ వంటి సమస్య వస్తుందని మనకు తెలిసిందే. అయితే ఏసీలో ఉంటున్నాం మాకు ఇలాంటి సమస్య రాదనే భ్రమలో ఉన్నారా.? ఎందుకంటే ఏసీలో ఉన్నా డీహ్రైడేషన్ సమస్య వేధిస్తుందని నిపుణులు చెబుతున్నారు. ఎక్కువ ఏసీ కారణంగా గాలిలో తేమ పూర్తిగా తగ్గిపోతుంది. ఇది డీహైడ్రేషన్కు దారి తీస్తుందని చెబుతున్నారు.
* ఇక గంటలతరబడి ఏసీల్లో గడిపే వారికి చర్మ సంబంధిత సమస్యలు కూడా వస్తాయని నిపుణులు చెబుతున్నారు. ముఖ్యంగా ఎక్కువ సేపు ఏసీలో ఉండే వెంటనే ఎండలోకి వెళ్తే.. చర్మం పొడిబారుతుంది, దురద వస్తుంది.
* ఏసీలో ఎక్కువ సేపు ఉండే వారికి వచ్చే ప్రధాన సమస్యల్లో శ్వాసకు సంబంధించినవి. చాలా కాలంపాటు ఏసీలో ఉండడం వల్ల చాలా మందిలో ఊపిరితిత్తుల సమస్యలు తలెత్తుతాయని నిపుణులు చెబుతున్నారు. అలర్జీలు, ఆస్తమా వంటి సమస్యలు వచ్చే అవకాశాలు ఉంటాయని అంటున్నారు.
నోట్: పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.
మరిన్ని లైఫ్ స్టైల్ వార్తల కోసం క్లిక్ చేయండి..