Life Style: ఉదయం లేవగానే ముఖం ఉబ్బినట్లు కనిపిస్తోందా.? ఇదే కారణం..
ముఖం ఉబ్బడానికి చాలా కారణాలు ఉంటాయి. వీటిలో ప్రధానమైనవి రాత్రుళ్లు నిద్రలేకపోవడం, ఎక్కువ స్మార్ట్ ఫోన్లతో కుస్తీలు పడడం వంటివి దీనికి కారణంగా చెప్పొచ్చు. వీటితో పాటు రాత్రిపూట స్వీట్స్ ఎక్కువగా తినడం, ఉప్పు ఎక్కువగా తీసుకోవడం కూడా ముఖం ఉబ్బడానికి కారణమని నిపుణులు చెబుతున్నారు. ఈ సమస్య నుంచి బయటపడాలంటే...
ఉదయం నిద్రలేవగానే ముఖం వాచినట్లు కపించడం సాధారణం. మనలో చాలా మంది ఏదో ఒక సమయంలో ఈ సమస్యను ఎదుర్కొనే ఉంటారు. అయితే చాలా మంది ఈ సమస్యను పెద్దగా పట్టించుకోరు. ఇంతకీ ఉదయం లేవగానే ముఖం ఉబ్బినట్లు కనిపించడానికి అసలు కారణం ఏంటి.? ఈ సమస్య నుంచి బయట పడాంటే ఎలాంటి చిట్కాలు పాటించాలో ఇప్పుడు తెలుసుకుందాం..
ముఖం ఉబ్బడానికి చాలా కారణాలు ఉంటాయి. వీటిలో ప్రధానమైనవి రాత్రుళ్లు నిద్రలేకపోవడం, ఎక్కువ స్మార్ట్ ఫోన్లతో కుస్తీలు పడడం వంటివి దీనికి కారణంగా చెప్పొచ్చు. వీటితో పాటు రాత్రిపూట స్వీట్స్ ఎక్కువగా తినడం, ఉప్పు ఎక్కువగా తీసుకోవడం కూడా ముఖం ఉబ్బడానికి కారణమని నిపుణులు చెబుతున్నారు. ఈ సమస్య నుంచి బయటపడాలంటే ఎలాంటి చిట్కాలు పాటించాలో ఇప్పుడు తెలుసుకుందాం..
తీసుకునే ఆహారంలో మార్పులు చేసుకోవాలి. ముఖ్యంగా ఉప్పును తీసుకోవడం తగ్గించాలి. అలాగే తీసుకునే ఆహారంలో ఫైబర్ కంటెంట్ ఎక్కువగా ఉండేలా చూసుకోవాలి. విటమిన్ సి, బీటా కెరోటిన్, యాంటీఆక్సిడెంట్లు ఎక్కువగా ఉండే బొప్పాయిన తీసుకోవాలి. ఇక ఉదయం లేవగానే ముఖం ఉబ్బినట్లు కనిపిస్తే మాయిశ్చరైజర్ లేదా ఆయిల్తో మీ ముఖాన్ని సరిగ్గా మసాజ్ చేసుకోవాలి. దీనివల్ల ఈ సమస్య నుంచి త్వరగా ఉపశమనం లభిస్తుంది.
ఇక ఈ సమస్యకు ఐస్తో కూడా చెక్ పెట్టొచ్చు. ఐస్ ముక్కలతో ముఖంపై మసాజ్ చేయడం వల్ల కూడా వాపు సమస్య తగ్గుతుంది. ఈ టెక్నిక్ చాలా త్వరగా మార్పును చూపిస్తుంది. అంతేకాకుండా చర్మం ఎర్రబడినా, కందిపోయినా ఐస్ క్యూబ్స్తో మసాజ్ చేయడం వల్ల అన్ని సమస్యలకు చెక్ పెట్టొచ్చు.
నోట్: పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.
మరిన్ని లైఫ్ స్టైల్ వార్తల కోసం క్లిక్ చేయండి..