Onion: వంటింట్లో అతిపెద్ద సమస్యకు చెక్! ఉల్లిపాయలు కోసేటప్పుడు ఇక కన్నీళ్లు అస్సలు రావు
Onion Cutting Tips: వంటింట్లో అతిపెద్ద సమస్య ఉల్లిపాయలు కోసేటప్పుడు కన్నీళ్లు రావడం. ఇది పెద్ద సమస్యగా మారుతుంది. అయితే కొన్ని చిన్నపాటి చిట్కాలను పాటించడం ద్వారా కన్నీళ్లు అస్సలు రావు. ఈ చిట్కాలతో మీ వంటపనిని సులభంగా, హాయిగా మార్చుకోవచ్చు. దీనివల్ల సమయం ఆదా అవ్వడమే కాకుండా, కన్నీళ్లు పెట్టుకోకుండా ఇష్టమైన వంటకాలను తయారు చేసుకోవచ్చు..
Updated on: Apr 06, 2026 | 8:30 PM
Onion Cutting Tips: వంటగదిలో ఉల్లిపాయ వాడకం లేని రోజంటూ ఉండదు. ప్రతి కూరలోనూ రుచిని పెంచడానికి ఇది కీలకం. అయితే ఉల్లిపాయను కోయడం ప్రారంభించగానే కళ్లలో మంట, కన్నీళ్లు రావడం అందరికీ ఎదురయ్యే అతిపెద్ద సమస్య. ఈ ఇబ్బంది వల్ల చాలామంది ఉల్లిపాయలు కోయడానికి భయపడుతుంటారు లేదా హడావిడిగా ఆ పనిని ముగించేస్తుంటారు. దీని నుండి ఉపశమనం పొందడానికి కొన్ని చిట్కాలు పాటిస్తే ఉల్లిపాయలు కోయడం చాలా సులభం అవుతుంది.
ఇది కూడా చదవండి: Petrol, Diesel Price: పెట్రోల్, డీజిల్ ధరల బాదుడు.. ఒక్కసారిగా రూ. 25 పెరిగిన డీజిల్ ధర.. పెట్రోల్పై రూ.7.41..!
సరైన చాకు.. సరైన పద్ధతి
ఉల్లిపాయలు కోసేటప్పుడు వాడే చాకు (Knife) చాలా పదునుగా ఉండాలి. మొద్దుబారిన చాకుతో కోస్తే ఉల్లిపాయ నలిగిపోయి, దాని నుండి ఎక్కువ గ్యాస్ విడుదలవుతుంది. దీనివల్ల కళ్లలో మంట పెరుగుతుంది. అలాగే ఉల్లిపాయను మధ్యలోకి రెండు ముక్కలుగా కోసి పొట్టు తీయడం వల్ల లోపల ఉండే పొరలు త్వరగా విడిపోయి కోయడం సులభం అవుతుంది.
ఇది కూడా చదవండి: Multibagger: రూ.1 లక్ష రూ.4 కోట్లుగా మార్చింది.. తక్కువ సమయంలోనే ఇన్వెస్టర్లకు కాసుల వర్షం!
క్రొవ్వొత్తి చిట్కా :
ఇది చాలా పాతకాలం నాటి చిట్కా అయినప్పటికీ బాగా పనిచేస్తుంది. ఉల్లిపాయలు కోసే ప్రదేశానికి దగ్గరగా ఒక వెలుగుతున్న కొవ్వొత్తిని ఉంచండి. కొవ్వొత్తి మంట ఉల్లిపాయ నుండి వచ్చే గ్యాస్ను తనవైపుకు లాక్కుంటుంది. దీనివల్ల కళ్లకు ఆ గ్యాస్ తగలకుండా మంట తగ్గుతుంది.
అసలు కళ్లలో నీళ్లు ఎందుకు వస్తాయి?
ఉల్లిపాయలో ఉండే సల్ఫర్ గ్యాస్ గాలిలోకి విడుదలైనప్పుడు, అది మన కళ్లలోని తేమతో కలిసి ఇబ్బంది కలిగిస్తుంది. దీనివల్ల కళ్లు మండటం, కన్నీళ్లు రావడం జరుగుతుంది. ఫ్రిజ్లో పెట్టడం వంటి చిట్కాలు పాటిస్తారు కానీ, అవి ప్రతిసారీ పూర్తిగా పనిచేయకపోవచ్చు.
చల్లని నీటితో ఉపశమనం
ఉల్లిపాయ కోయడానికి కొన్ని నిమిషాల ముందు దానిని చల్లని నీటిలో ఉంచండి. ఇలా చేయడం వల్ల అందులోని ఘాటైన గ్యాస్ తక్కువగా విడుదలవుతుంది. ఇది కళ్ల మంటను తగ్గించడమే కాకుండా, పొట్టు తీయడాన్ని కూడా సులభతరం చేస్తుంది. ముఖ్యంగా వేసవి కాలంలో ఈ చిట్కా బాగా ఉపయోగపడుతుంది. ఈ చిన్న చిన్న చిట్కాలను పాటించడం ద్వారా మీ వంటపనిని సులభంగా, హాయిగా మార్చుకోవచ్చు. దీనివల్ల సమయం ఆదా అవ్వడమే కాకుండా, కన్నీళ్లు పెట్టుకోకుండా ఇష్టమైన వంటకాలను తయారు చేసుకోవచ్చు.
ఇది కూడా చదవండి: Gold Price: శుభవార్త.. బంగారం ధర రూ. 41,000, వెండి రూ. 1.52 లక్షలు తగ్గింది..!
ఇది కూడా చదవండి: SBI: ఎస్బీఐలో రూ. 4 లక్షల డిపాజిట్ చేస్తే 5 ఏళ్ల తర్వాత మీ చేతికి ఎంత వస్తుంది?
మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి
