Garlic Fried Rice: నోరు చప్పగా ఉందా? ఈ ఘాటైన గార్లిక్ ఫ్రైడ్ రైస్ తింటే ఆహా అనాల్సిందే!

వంట గదిలో ఉండే కనీస పదార్థాలతో అద్భుతమైన రుచిని సృష్టించవచ్చు అని చెప్పడానికి గార్లిక్ ఫ్రైడ్ రైస్ ఒక ఉదాహరణ. వెల్లుల్లి ఘాటు, మిరియాల పొడి కలయిక నోటిలోని చేదును పోగొట్టి ఆకలిని పెంచుతుంది. బ్యాచిలర్స్ కూడా ఎంతో సులభంగా చేసుకునే ఈ స్పైసీ రైస్ తయారీ విధానం మరియు దానికి కావలసిన పదార్థాల వివరాలు మీకోసం ఈ కథనంలో..

కావలసిన పదార్థాలు: ఉడికించిన అన్నం: 2 కప్పులు (పొడిపొడిగా ఉండాలి)

వెల్లుల్లి రెబ్బలు: 10-15 (చాలా సన్నగా తరిగినవి)

పచ్చిమిర్చి: 3-4 (చీలికలు)

ఉల్లిపాయ: 1 చిన్నది (ముక్కలు)

మిరియాల పొడి: 1 టీస్పూన్

సోయా సాస్: 1 టీస్పూన్ (ఆప్షనల్)

వెనిగర్: అర టీస్పూన్

నూనె లేదా వెన్న: 2 టేబుల్ స్పూన్లు

ఉప్పు: రుచికి సరిపడా

కొత్తిమీర లేదా స్ప్రింగ్ ఆనియన్స్: తగినంత

తయారీ విధానం: 1. వెల్లుల్లిని వేయించడం: ముందుగా పాన్ పెట్టుకుని నూనె లేదా వెన్న వేయాలి. నూనె వేడెక్కాక సన్నగా తరిగిన వెల్లుల్లి ముక్కలను వేసి గోల్డెన్ బ్రౌన్ రంగు వచ్చే వరకు వేయించాలి. వెల్లుల్లి ఎంత బాగా వేగితే అన్నానికి అంత మంచి వాసన, రుచి వస్తుంది.

2. తాలింపు: ఇప్పుడు అందులోనే పచ్చిమిర్చి, ఉల్లిపాయ ముక్కలు వేసి కాసేపు వేయించాలి. మీకు కావాలంటే క్యారెట్, బీన్స్ ముక్కలు కూడా వేసుకోవచ్చు. కానీ గార్లిక్ రైస్‌లో వెల్లుల్లి ఎక్కువగా ఉంటేనే రుచి.

3. మసాలాలు కలపడం: ఉల్లిపాయలు వేగాక అందులో సోయా సాస్, వెనిగర్, మిరియాల పొడి మరియు రుచికి సరిపడా ఉప్పు వేసి బాగా కలపాలి.

4. రైస్ మిక్సింగ్: ఇప్పుడు ముందుగా ఉడికించి పెట్టుకున్న అన్నాన్ని వేసి, మంటను పెద్దదిగా (High Flame) ఉంచి 2-3 నిమిషాల పాటు బాగా టాస్ చేయాలి. ఇలా హై ఫ్లేమ్‌లో వేయించడం వల్ల అన్నానికి స్మోకీ ఫ్లేవర్ వస్తుంది.

5. సర్వింగ్: చివరగా సన్నగా తరిగిన కొత్తిమీర లేదా ఉల్లికాడలు చల్లుకుని వేడివేడిగా సర్వ్ చేయండి. AC నోటికి రుచి తెలియనప్పుడు ఈ గార్లిక్ ఫ్రైడ్ రైస్ తింటే చాలా రిలీఫ్‌గా ఉంటుంది. మంచూరియా లేదా ఏదైనా గ్రేవీ కర్రీతో ఇది అద్భుతమైన కాంబినేషన్.