కర్ర లేకుండా ఆరోగ్యకరమైన చపాతీ చేసుకోవడం ఎలా? సాఫ్ట్ చపాతీ సీక్రెట్ ఇదే !
చపాతీ ఆరోగ్యకరమైన, రుచికరమైన ఆహారం. గోధుమ పిండి విటమిన్లు, ఖనిజాలు, సోడియంతో నిండుంది. మధుమేహ రోగులకు చక్కటి ఆహారం. చపాతీలు మృదువుగా రావడం కొన్నిసార్లు కష్టతరం. అయితే గోధుమ పిండి, నూనె లేదా నెయ్యి, నీటితో పిండిని కలిపి చిన్న ముద్దలుగా చేసుకోవాలి. వీటిని ప్లాస్టిక్ కవర్ మధ్య ఉంచి ప్రెస్ చేస్తే చపాతీలు సులభంగా తయారవుతాయి. ఆ తర్వాత టావా మీద వేసి రెండు వైపులా చక్కగా కాల్చండి. వీటిని కూరలతో కలిపి తింటే రుచికరంగా ఉంటాయి.
మన కిచెన్ లో సాధారణంగా ఉపయోగించే ఆహారాల్లో ఒకటి చపాతీ. గోధుమ పిండి విటమిన్ B1, B2, B6, B9 వంటి పోషకాలతో పాటు కాల్షియం, పొటాషియం, ఐరన్, ఫాస్ఫరస్ వంటి ఖనిజాలతో సమృద్ధిగా ఉంటుంది. 120 గ్రాముల గోధుమ పిండిలో సుమారు 190 మిల్లిగ్రాముల సోడియం ఉంటుంది. చపాతీ మధుమేహ రోగులకు చాలా మంచిది. ఎందుకంటే ఇది రక్తంలో చక్కెర స్థాయిని నియంత్రించడంలో సహాయపడుతుంది.
మృదువైన చపాతీలు చాలా మందికి ఇష్టమైనవి, ముఖ్యంగా పెద్దవారికి. వీటిని కూరగాయల లేదా మాంసాహార కర్రీలతో కలిపి తింటే మరింత రుచిగా ఉంటాయి. అయితే చపాతీలు మృదువుగా రావడం కొన్నిసార్లు కష్టమవుతుంది. కానీ ఈ సులభమైన పద్ధతిలో మీకు కావలసిన మృదువైన చపాతీలు తయారుచేయవచ్చు. అది ఎలానో ఇప్పుడు తెలుసుకుందాం.
కావలసిన పదార్థాలు
గోధుమ పిండి – 1 కప్పు
నీరు – ½ కప్పు
ఉప్పు – ¼ టీస్పూన్
చక్కెర – ½ టీస్పూన్
నూనె లేదా నెయ్యి – 1 స్పూన్
తయారీ విధానం
ఒక కప్పు గోధుమ పిండి, అర కప్పు నీరు తీసుకోని బాగా కలపండి. ఒక స్పూన్ నూనె లేదా నెయ్యి, చిటికెడు ఉప్పు, చక్కెర వేసి కలపండి. ఆ తర్వాత నీటిని మెల్లిగా కలిపి మృదువైన పిండి తయారు చేయండి. పిండిని ముద్దలుగా చేసుకుని పక్కకు పెట్టండి. ఇప్పుడు ఒక ప్లాస్టిక్ కవర్ లేదా గోధుమ పిండి కవర్ నే తీసుకుని రెండు ముక్కలుగా కట్ చేయండి. కవర్ ను శుభ్రంగా తుడిచి మధ్యలో ఒక పిండి ముద్దను ఉంచండి. దాని మీద మరొక పక్క కవర్ ఉంచి ఒక గిన్నెతో ప్రెస్ చేయండి. అన్ని ఇలానే చేసి పక్కకు పెట్టండి. ఆ తర్వాత చపాతీని టావా మీద వేసి రెండు వైపులా చక్కగా కాల్చండి.
పై చెప్పిన విధంగా మీరు చపాతీ కర్రను లేకుండా చపాతీలు సులభంగా తయారుచేయవచ్చు. ఇవి సాఫ్ట్ గా వస్తాయి. మీకు ఇష్టమైన కర్రీతో వీటిని తింటే రుచి అద్భుతంగా ఉంటుంది.