Stay Young Longer: ఎక్కువ కాలం యంగ్‌గా ఉండాలా.. ఇలా చేయండి..
అందంగా, ఆరోగ్యంగా కనిపించాలని అందరూ అనుకుంటారు. 50, 60 పదుల వయసులో యంగ్‌గా కనిపించాలని అనుకునే వారు చాలా మంది ఉన్నారు. అలా చాలా మందిని చూసి ఉంటారు. కానీ ఇప్పుడున్న కాలంలో.. చిన్న వయసులోనే చాలా మంది వివిధ అనారోగ్య సమస్యలతో సతమతమవుతున్నారు. ఇందుకు మీరు తీసుకునే ఆహారం కూడా ఒక కారణం. మన చేతితో తినే ఆహారాలతోనే మనం ఆరోగ్యంగా ఉండొచ్చు. మీరు ఎలాంటి ఆహారం తింటున్నారో..
అందంగా, ఆరోగ్యంగా కనిపించాలని అందరూ అనుకుంటారు. 50, 60 పదుల వయసులో యంగ్‌గా కనిపించాలని అనుకునే వారు చాలా మంది ఉన్నారు. అలా చాలా మందిని చూసి ఉంటారు. కానీ ఇప్పుడున్న కాలంలో.. చిన్న వయసులోనే చాలా మంది వివిధ అనారోగ్య సమస్యలతో సతమతమవుతున్నారు. ఇందుకు మీరు తీసుకునే ఆహారం కూడా ఒక కారణం. మన చేతితో తినే ఆహారాలతోనే మనం ఆరోగ్యంగా ఉండొచ్చు. మీరు ఎలాంటి ఆహారం తింటున్నారో ఒక్కసారి ఆలోచించుకోండి. జంక్ ఫుడ్స్, ఫాస్ట్ ఫుడ్స్, ప్రాసెస్డ్ ఫుడ్స్ ఎక్కువగా తినడం వల్ల అనారోగ్య సమస్యలతో పాటు చిన్న వయసులోనే వృద్ధాప్య ఛాయలు కూడా వస్తాయి. మరి ఎక్కువ కాలం పాటు నిత్య యవ్వనంగా, ఆరోగ్యంగా ఉండాలంటే ఏం చేయాలో ఇప్పుడు తెలుసుకుందాం.
వ్యాయామం – వాకింగ్:
వ్యాయామం అనేది శరీరానికి చాలా అవసరం. ప్రతి రోజూ వ్యాయామం లేదా వాకింగ్ చేయడం వల్ల చాలా రకాల ఆరోగ్య ప్రయోజనాలు పొందవచ్చు. మీ శరీరం మొత్తం రక్త ప్రసరణ చురుకుగా ఉంటుంది. శరీర భాగాలు కూడా ఆరోగ్యంగా ఉంటాయి. మీ ముఖంలో ఒక కొత్త కాంతి వస్తుంది.
పండ్లు – కూరగాయలు:
ఎక్కువ కాలం ఆరోగ్యంగా, యవ్వనంగా కనిపించాలంటే మీ డైట్‌లో పండ్లు, కాయకూరలు చేర్చుకోండి. అన్ని రకాలు తినడం వల్ల అన్ని రకాల పోషకాలు అందుతాయి. మీ శరీరంలో ఉండే మలినాలను, విష పదార్థాలను బయటకు పంపుతాయి. అదే విధంగా ఆకు కూరలు తీసుకోవడం కూడా చాలా మంచిది.
ప్రేగుల ఆరోగ్యం:
ప్రేగుల ఆరోగ్యం కూడా చాలా ముఖ్యం. ప్రేగుల్లో గుడ్ అండ్ బ్యాడ్ బ్యాక్టీరియాలు ఉంటాయి. ప్రేగులు ఆరోగ్యంగా ఉండాలంటే ఫైబర్ ఉండే ఆహారాలు ఎక్కువగా తీసుకోవాలి. మల విసర్జన సరిగా జరిగేలా చూసుకోవాలి. బలవంతంగా మల విసర్జన చేయకూడదు.
డ్రై ఫ్రూట్స్:
మిమ్మల్ని యవ్వనంగా ఉంచడంలో డ్రై ఫ్రూట్స్ కూడా సహాయ పడతాయి. వీటిని తినడం వల్ల గుండె జబ్బులు, డయాబెటీస్, క్యాన్సర్, శ్వాస కోశ సమస్యలు, ఇన్ ఫెక్షన్లు, బ్రెయిన్ స్ట్రోక్స్ రాకుండా ఉంటాయి. చర్మ ఆరోగ్యం కూడా పెరుగుతుంది.
ఉపవాసం ఉండాలి:
వారంలో ఒకటి లేదా రెండు రోజులు ఉపవాసం ఉండటం వల్ల శరీరంలోని భాగాలకు, చర్మానికి చాలా మంచిది. ఉపవాసం ఉండటం వల్ల శరీర భాగాలకు కాస్త రెస్ట్ దొరుకుతుంది. ఇతర అనారోగ్య సమస్యలు కూడా రాకుండా ఉంటాయి. అదే విధంగా నిద్ర కూడా చక్కగా ఉండేలా చూసుకోండి.
(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
మరిన్ని లైఫ్ స్టైల్ వార్తల కోసం క్లిక్ చేయండి..