Detox Drinks for Thyroid: థైరాయిడ్ సమస్యతో బాధపడుతున్నారా..? ఐతే ఈ డ్రింక్స్ తరచుగా తాగండి…
మీ రోజువారీ ఆహారంలో ఈ రెండు మూలికలతో చేసిన టీని చేర్చుకోవటం మంచిది. కావాలంటే మీరు గ్రీన్ టీ కూడా తాగవచ్చు. మీరు ఖాళీ కడుపుతో హెర్బల్ టీ తాగితే మీరు మరిన్ని ప్రయోజనాలను పొందుతారు. ఇంట్లోనే తయారు చేసుకునే ఇలాంటి పానీయాలు థైరాయిడ్ బాధితులకు ఎలాంటి సైడ్ ఎఫెక్ట్స్ లేకుండా గొప్ప ఉపశమనం కలిగిస్తాయి.
Updated on: Oct 24, 2023 | 2:53 PM
ప్రపంచంలో 15 శాతం మంది థైరాయిడ్ సమస్యలతో బాధపడుతున్నారు. థైరాయిడ్ హార్మోన్ అసమతుల్యత రోగనిరోధక శక్తిని తగ్గిస్తుంది. మందులతో పాటు థైరాయిడ్ సమస్యలతో బాధపడేవారు కొన్ని ఇంటి చిట్కాలు కూడా పాటిస్తే అద్భుత ప్రయోజనం ఉంటుంది. ఇంట్లోనే తయారు చేసుకునే ఇలాంటి పానీయాలు థైరాయిడ్ బాధితులకు గొప్ప ఉపశమనం కలిగిస్తాయి.
వేడి పాలలో చిటికెడు పసుపు కలుపుకుని తాగాలి. ఈ మిశ్రమంలో యాంటీ ఇన్ఫ్లమేటరీ పదార్థాలు ఉన్నాయి. అంతేకాకుండా, పసుపులో ఉండే కర్కుమిన్ సమ్మేళనం ఈ డ్రింక్‌ పోషక విలువలను పెంచుతుంది. థైరాయిడ్ సమస్యలకు పసుపు పాలు చాలా ఉపయోగపడుతుంది.
ఒక గ్లాసు నీటిలో 1 టీస్పూన్ యాపిల్ సైడర్ వెనిగర్ మిక్స్ చేసి తాగాలి. ఆల్కలీన్ స్వభావం కలిగిన ఈ పానీయం రక్తంలో చక్కెర స్థాయిలను నియంత్రిస్తుంది. అలాగే మిమ్మల్ని ఎక్కువసేపు కడుపు నిండుగా ఉంచడంలో సహాయపడుతుంది. ఇది థైరాయిడ్ హార్మోన్ స్రావాన్ని కూడా నియంత్రిస్తుంది.
రోజువారీ ఆహారంలో మజ్జిగను తప్పని సరిగా చేర్చుకోండి. మజ్జిగ గట్ ఆరోగ్యాన్ని కాపాడుతుంది. హైపోథైరాయిడిజంలో మంటను తగ్గిస్తుంది. ఎందుకంటే ఈ పానీయంలో ప్రోబయోటిక్స్ ఉంటాయి.
బాదం పాలు శరీరంలో మంటను తగ్గించడంలో కూడా ప్రభావవంతంగా పనిచేస్తాయి. పాలు లేదా పాల ఉత్పత్తులకు అలెర్జీ ఉన్నవారు బాదం పాలు తాగవచ్చు. స్మూతీస్ కాకుండా, మీరు టీ, కాఫీ, బాదం పాలను తాగవచ్చు.
క్యారెట్, బీట్‌రూట్ జ్యూస్ తాగండి. ఈ పానీయం ఫైటోన్యూట్రియెంట్స్, లైకోపీన్ గొప్ప మూలం. ఇది శరీరంలో యాంటీఆక్సిడెంట్‌గా పనిచేస్తుంది. అలాగే ఈ డ్రింక్‌లో ఫైబర్ పుష్కలంగా ఉంటుంది. థైరాయిడ్ చికిత్స కోసం తాజా క్యారెట్, బీట్‌రూట్ జ్యూస్ తయారు చేసుకుని తాగొచ్చు.
బచ్చలికూర, గరంమసాలా, కొత్తిమీర, పుదీనా ఆకులు వంటి ఆకుపచ్చ కూరగాయలతో చేసిన జ్యూస్‌లను తాగండి. పచ్చి రసంలో వైద్యం చేసే గుణాలు ఉన్నాయి. మీరు దోసకాయ లేదా నిమ్మరసం కూడా తాగొచ్చు.
అశ్వగంధ, శతావరి థైరాయిడ్ పనితీరును మెరుగుపరచడంలో సహాయపడతాయి. మీ రోజువారీ ఆహారంలో ఈ రెండు మూలికలతో చేసిన టీని చేర్చుకోవటం మంచిది. కావాలంటే మీరు గ్రీన్ టీ కూడా తాగవచ్చు. మీరు ఖాళీ కడుపుతో హెర్బల్ టీ తాగితే మీరు మరిన్ని ప్రయోజనాలను పొందుతారు.
మందులతో పాటు థైరాయిడ్ సమస్యలతో బాధపడేవారు ఇలాంటి ఇంటి చిట్కాలను కూడా పాటిస్తే అద్భుత ప్రయోజనాలు కలుగుతాయని ఆరోగ్య నిపుణులు చెబుతున్నారు. ఇంట్లోనే తయారు చేసుకునే ఇలాంటి పానీయాలు థైరాయిడ్ బాధితులకు ఎలాంటి సైడ్ ఎఫెక్ట్స్ లేకుండా గొప్ప ఉపశమనం కలిగిస్తాయి.
మరిన్ని లైఫ్ స్టైల్ న్యూస్ కోసం క్లిక్ చేయండి..
