ఐఫోన్ ధరకు ఫ్యామిలీతో విదేశీ ట్రిప్! అతి తక్కువ ఖర్చుతో చుట్టిరాగల 5 అందమైన దేశాలు ఇవే..
విదేశీ ప్రయాణాలు అనగానే రూ. లక్షలు ఖర్చవుతాయని అనుకుంటాం. కానీ, ఒక కొత్త ఐఫోన్ కొనే బడ్జెట్తోనే కుటుంబంతో కలిసి విదేశాలకు హ్యాపీగా వెళ్లొచ్చని నిపుణులు చెబుతున్నారు. భారత్ నుండి అత్యంత తక్కువ ఖర్చుతో ప్రయాణించగలిగే ఐదు అందమైన దేశాలు అనేకం ఉన్నాయి. అతి తక్కువ బడ్జెట్లో విదేశీ పర్యటన అనుభూతిని పొందడానికి ఈ దేశాలు ఉత్తమ ఎంపిక. అలాంటి విదేశీ పర్యటనకు సంబంధించిన పూర్తి డిటెల్స్ ఇక్కడ చూద్దాం..
Updated on: Sep 17, 2026 | 9:10 PM
సాధారణంగా విదేశీ ప్రయాణం అనగానే రూ. లక్షల్లో ఖర్చవుతుందని, అది తమ బడ్జెట్కు మించిన విషయమని చాలామంది భావిస్తుంటారు. కానీ, మన దేశంలో ఒక ప్రీమియం ఐఫోన్ కొనుగోలు చేసే ధరకు అంటే సుమారు రూ. 80,000 నుండి రూ. 1,20,000) మీ కుటుంబంతో కలిసి ఒక అద్భుతమైన విదేశీ పర్యటనను ప్లాన్ చేసుకోవచ్చని మీకు తెలుసా? భారతదేశానికి సమీపంలో ఉంటూ, అత్యంత తక్కువ ఖర్చుతో సందర్శించగల 5 అందమైన దేశాల వివరాలు ఇక్కడ చూద్దాం.
థాయిలాండ్-
భారతీయ పర్యాటకులకు అత్యంత ఇష్టమైన బడ్జెట్ డెస్టినేషన్ థాయిలాండ్. ఇక్కడి సుందరమైన బీచ్లు, రాత్రిపూట మార్కెట్లు, ప్రాచీన ఆలయాలు పర్యాటకులను బాగా ఆకట్టుకుంటాయి. భారతీయులకు వీసా మినహాయింపు లేదా ఆన్-అరైవల్ వీసా అందుబాటులో ఉండటం వల్ల ప్రక్రియ చాలా సులభం. విమాన టికెట్లు మరియు బస ఖర్చులు కూడా చాలా తక్కువగా ఉంటాయి.
వియత్నాం-
ప్రకృతి అందాలు, సంస్కృతి, రుచికరమైన వీధి ఆహారానికి వియత్నాం పేరుగాంచింది. ఇక్కడ భారతీయ రూపాయి విలువ ఎక్కువగా ఉండటం వల్ల ఆహారం, రవాణా, హోటల్ రూమ్లు అత్యంత చౌకగా లభిస్తాయి. హా లాంగ్ బే వంటి అందమైన ప్రదేశాలు ఫ్యామిలీ ట్రిప్కు అనువుగా ఉంటాయి. ఇ-వీసా ద్వారా చాలా సులభంగా అనుమతి పొందవచ్చు.
నేపాల్ –
భారతీయులకు వీసా అవసరం లేని పవిత్రమైన మరియు అందమైన దేశం నేపాల్. హిమాలయ పర్వత శ్రేణులు, ప్రాచీన దేవాలయాలు మరియు అడ్వెంచర్ స్పోర్ట్స్కు ఇది నిలయం. కాట్మండు, పోఖరా వంటి నగరాలను రోడ్డు లేదా విమాన మార్గం ద్వారా తక్కువ ఖర్చులోనే సందర్శించవచ్చు.
మలేషియా-
ఆధునిక నగరాలు, మైమరిపించే ద్వీపాలు, సహజసిద్ధమైన అడవుల కలయికే మలేషియా. కౌలాలంపూర్లోని పెట్రోనాస్ ట్విన్ టవర్స్ మరియు బాటు కేవ్స్ ప్రధాన ఆకర్షణలు. భారతీయులకు వీసా రహిత ప్రవేశం సదుపాయం ఉండటంతో ప్రయాణ ఖర్చులు గణనీయంగా తగ్గుతాయి.
శ్రీలంక –
మన పొరుగున ఉన్న శ్రీలంక అందమైన బీచ్లు, రామాయణ అనుబంధ ప్రదేశాలు, టీ తోటలకు ప్రసిద్ధి. భారతీయులకు ఉచిత వీసా సదుపాయంతో పాటు, తక్కువ విమాన ఛార్జీలు ఉండటం వల్ల కుటుంబంతో కలిసి పర్యటించడానికి ఇది ఒక బడ్జెట్ ఫ్రెండ్లీ ఎంపిక.
ముందుగానే విమాన టికెట్లు, హోటళ్లు బుక్ చేసుకోవడం ద్వారా ఐఫోన్ కొనే ఖర్చులోనే ఒక చిరస్మరణీయమైన అంతర్జాతీయ ప్రయాణ అనుభవాన్ని సొంతం చేసుకోవచ్చు!
