bike racing in Uppal: హైదరాబాద్ నగర శివారుల్లో బైక్ రేసర్లు రెచ్చిపోయారు. రోడ్లపై బైక్లతో విన్యాసాలు చేస్తూ జనాలను బేంబేలెత్తించారు. నగరంలోని ఉప్పల్ భగాయత్ పరిధిలోని జీహెచ్ఎంసీ లే అవుట్లో ఆదివారం ఉదయం కొందరు యువకులు బైక్ రేస్లతో విరంగం సృష్టించారు. దీంతో సమాచారం అందుకున్న ఉప్పల్ పోలీసులు వెంటనే ఘటనా స్థలానికి చేరుకున్నారు. బైక్ రేసింగ్లో పాల్గొన్న ముగ్గురు యువకులను అరెస్ట్ చేయడంతో పాటు, వారి బైక్లను స్వాధీనం చేసుకున్నారు. ఈ నేపథ్యంలో నగరంలో బైక్ రేసింగ్లకు పాల్పడే వారిపై కఠిన చర్యలు తీసుకుంటామని పోలీసులు హెచ్చరించారు.
ఇదిలా ఉంటే ఉప్పల్ ప్రాంతంలో ఇటీవలి కాలంలో బైక్ రేసింగ్లు బాగా పెరిగిపోయాయి. భగాయత్ పరిధిలోని జీహెచ్ఎంసీ లే అవుట్లో తరుచు బైక్ రేసింగ్లు జరుగుతున్నాయి. దీంతో ఆ రోడ్లపై వెళుతోన్న జనాలు భయాందోళనలకు గురవుతున్నారు.