తెలంగాణ క‌రోనా హెల్త్ బులిటెన్‌.. గ‌డిచిన 24 గంట‌ల్లో 627 పాజిటివ్ కేసులు, న‌లుగురు మృతి

తెలంగాణలో కరోనా వ్యాప్తి కొనసాగుతోంది. గడిచిన 24 గంటల్లో 627 పాజిటివ్ కేసులు నమోదు కాగా, నలుగురు మృతి చెందారు. ఇప్పటి వరకూ రాష్ట్రంలో 2,80,822 పాజిటివ్ కేసులు నమోదు కాగా, మొత్తం 1,510 మంది మృతి చెందినట్లు రాష్ట్ర వైద్య ఆరోగ్యశాఖ హెల్త్ బులిటెన్ తెలిపింది. తాజాగా కరోనా నుంచి 721 మంది కోలుకోగా, ఇప్పటి వరకు రాష్ట్రంలో కోలుకున్నవారి సంఖ్య 2,72,370కి చేరింది. అలాగే మొత్తం యాక్టివ్ కేసుల సంఖ్య 6,942 ఉండగా, హోంఐసోలేషన్లో 4,814 మంది చికిత్స పొందుతున్నారు. ఇక రాష్ట్రంలో మరణాల రేటు 0.53 శాతం ఉండగా, దేశంలో 1.5 శాతం ఉంది. అలాగే రాష్ట్రంలో రికవరీ రేటు 96.99 శాతం ఉండగా, దేశంలో 95.5 శాతం ఉన్నట్లు వైద్య ఆరోగ్యశాఖ తెలిపింది.

తాజాగా అత్యధికంగా జీహెచ్ఎంసీలో 123 పాజిటివ్ కేసులు నమోదయ్యాయి. అలాగే ఆదిలాబాద్ 8, భద్రాద్రి కొత్తగూడెం 26, జగిత్యాల 14, జనగామ 11, భూపాలపల్లి 9, గద్వాల 1, కామారెడ్డి 3, కరీంనగర్ 32, ఖమ్మం 32, కొమురంభీం ఆసిఫాబాద్ 8, మహబూబ్ నగర్ 11, మహబూబాబాద్ 9, మంచిర్యాల 25, మెదక్ 6, మేడ్చల్ మల్కాజిగిరి 48, ములుగు 8, నాగర్ కర్నూలు 15, నల్గొండ 26, నిర్మల్ 5, నిజామాబాద్ 13, పెద్దపల్లి 15, రాజన్న సిరిసిల్ల 9, రంగారెడ్డి 52, సంగారెడ్డి 20, సిద్దిపేట 21, సూర్యాపేట 14, వికారాబాద్ 7, వనపర్తి 7, వరంగల్ రూరల్ 11, వరంగల్ అర్బన్ 29, యాదాద్రి భువనగిరి 9 చొప్పున పాజిటివ్ కేసులు నమోదయ్యాయి.