పింక్ టెస్ట్ మ్యాచ్‌కు మద్దతుగా నిలిచిన లిటిల్‌ మాస్టర్‌.. భారత టెస్టు జెర్సీని మెక్‌గ్రాత్‌కు అందించిన సచిన్

టీమిండియా- ఆస్ట్రేలియా మధ్య సిడ్నీ వేదికగా జరిగే పింక్ టెస్ట్ మ్యాచ్‌కు మద్దతు పెరుగుతోంది. రొమ్ము క్యాన్సర్‌ బాధితులకు సహాయం చేస్తున్న మెక్‌గ్రాత్‌ ఫౌండేషన్‌కు లిటిల్‌ మాస్టర్‌ సచిన్‌ టెండూల్కర్‌..

Updated on: Jan 06, 2021 | 7:11 PM

Sachin Tendulkar : టీమిండియా- ఆస్ట్రేలియా మధ్య సిడ్నీ వేదికగా జరిగే పింక్ టెస్ట్ మ్యాచ్‌కు మద్దతు పెరుగుతోంది. రొమ్ము క్యాన్సర్‌ బాధితులకు సహాయం చేస్తున్న మెక్‌గ్రాత్‌ ఫౌండేషన్‌కు లిటిల్‌ మాస్టర్‌ సచిన్‌ టెండూల్కర్‌ తన మద్దతును ప్రకటించారు. ఈ సందర్భంగా ఓ ట్వీట్‌ను పోస్ట్ చేశారు. రొమ్ముక్యాన్సర్‌తో బాధపడుతున్న రోగులకు సహాయపడటానికి మెక్‌గ్రాత్‌ చేపట్టిన గొప్ప కార్యక్రమానికి మద్దతునిస్తున్నందుకు చాలా సంతోషంగా ఉందని పేర్కొన్నారు. విరాళం కోసం భారత టెస్టు జెర్సీని మెక్‌గ్రాత్‌కు సచిన్ అందజేశాడు‌. పింక్‌ టెస్టు ద్వారా అతడు చేస్తున్న ఈ ప్రయత్నం చాలా గొప్పదని.. చాలా రోజుల తర్వాత మెక్‌గ్రాత్‌ను కలుసుకోవడం చాలా అద్భుతంగా ఉందని రాసుకొచ్చారు. ఈ కార్యక్రమానకిి పూర్తి మద్దతుగా నిలుస్తున్న నర్సులను సచిన్ ప్రత్యేకంగా అభినందించారు.

Happy to lend my support to @McGrathFdn‘s noble efforts during the #PinkTest to help patients dealing with breast cancer.

It was wonderful meeting Glenn McGrath after long. My best wishes to him, his team & especially the nurses who are the backbone of this initiative.#AUSvIND pic.twitter.com/hv40utCC3I

— Sachin Tendulkar (@sachin_rt) January 6, 2021

అయితే.. టీమిండియా‌, ఆస్ట్రేలియా మధ్య గురువారం నుంచి సిడ్నీ క్రికెట్‌ మైదానం (NCG)లో జరిగే మూడో టెస్టును పింక్‌ టెస్టుగా పేర్కొంటున్న విషయం తెలిసిందే. ఇది కేవలం పింక్‌ టెస్టు మాత్రమే. ఈ మ్యాచ్‌లో గులాబీ బంతిని ఉపయోగించరు. ఆస్ట్రేలియా మాజీ పేసర్‌ గ్లెన్‌ మెక్‌గ్రాత్‌ ఫౌండేషన్‌తో ఎస్‌సీజీ.. టెస్టు భాగస్వామితో నిర్వహిస్తున్నారు. ఈ టెస్టు మ్యాచ్‌ టిక్కెట్ల ద్వారా వచ్చిన నగదు మొత్తాన్ని బ్రెస్ట్‌ క్యాన్సర్‌ రోగుల చికిత్స కోసం విరాళంగా ఇస్తారు. దీంతో పాటు టెస్టు మ్యాచ్‌లో ఆసీస్‌ క్రికెటర్లు తమ బ్యాగీ గ్రీన్‌ టోపీ స్థానంలో బ్యాగీ పింక్‌ టోపీలను పెట్టుకుంటారు.