Share Market News Today : దేశీయ మార్కెట్లలో సరికొత్త రికార్డ్స్.. మెటల్స్ మెరుపులు.. ఆటో రంగాల దూకుడు..
దేశీయ మార్కెట్లలో దూకుడు కొనసాగుతోంది. వరుసగా తొమ్మిదో రోజూ లాభాల్లో ముగిసింది. కోవిడ్‌ను అంతమొందించేందుకు ఉద్దేశించిన రెండు వ్యాక్సిన్లకు రూట్ క్లీయర్ అవడంతో మంజూరైన నేపథ్యంలో సూచీలు భారీ లాభాల్లోకి దూసుకెళ్లాయి...
Share Market News Today : దేశీయ మార్కెట్లలో దూకుడు కొనసాగుతోంది. వరుసగా తొమ్మిదో రోజూ లాభాల్లో ముగిసింది. కోవిడ్‌ను అంతమొందించేందుకు ఉద్దేశించిన రెండు వ్యాక్సిన్లకు రూట్ క్లీయర్ అవడంతో మంజూరైన నేపథ్యంలో సూచీలు భారీ లాభాల్లోకి దూసుకెళ్లాయి. అంతర్జాతీయ మార్కెట్లు సైతం సానుకూలంగా కదలాడడం కలిసొచ్చింది. దీంతో సూచీలు సరికొత్త గరిష్ఠాలను నమోదు చేశాయి. సెన్సెక్స్‌ తొలిసారి 48వేల మార్కు దాటగా.. నిఫ్టీ 14,100పైన నిలిచిపోయింది.
వారం ప్రారంభంలోనే మార్కెట్లు దూకుడుతో మొదలై.. మధ్యలో కొద్దిగా ఒడుదొడుకులకు గురైంది. సోమవారం ఉదయం 48,123 పాయింట్ల వద్ద ప్రారంభమైన సెన్సెక్స్‌ మధ్యలో కాస్త జోరు తగ్గింది. చివరికి 307.82 పాయింట్ల లాభంతో 48,176.80 వద్ద ముగిసింది. నిఫ్టీ సైతం 114.40 పాయింట్ల లాభంతో 14,132.90 వద్ద స్థిరపడింది.
మెటల్ మార్కెట్లు కూడా దూకుడును ప్రదర్శించాయి. చోళమండలం, జిందాల్‌ స్టీల్‌, సెయిల్‌, నాల్కో, వేదాంతా, ఎన్‌ఎండీసీ, ఐడియా, కమిన్స్‌, అశోక్‌ లేలాండ్, భెల్‌ 7-5 శాతం మధ్య జోష్ చూపించాయి.
