Crime : కోడి గురించి గొడవ.. కొడుకును చంపిన తండ్రి..
విజయనగరం జిల్లా బొద్దిడిలో దారుణ ఘటన జరిగింది. కోడి గురించి జరిగిన చిన్న ఘర్షణ..తండ్రి చేతిలోనే కొడుకు హత్యకు దారితీసింది. గ్రామంలో నివశించే అడ్డాకుల మద్దేశ్వరరావు (22) అనే యువకుడికి కోడ్లు అంటే చాలా ఇష్టం.
Crime : విజయనగరం జిల్లా బొద్దిడిలో దారుణ ఘటన జరిగింది. కోడి గురించి జరిగిన చిన్న ఘర్షణ..తండ్రి చేతిలోనే కొడుకు హత్యకు దారితీసింది. గ్రామంలో నివశించే అడ్డాకుల మద్దేశ్వరరావు (22) అనే యువకుడికి కోడ్లు అంటే చాలా ఇష్టం. దీంతో ఇంటి పెరట్లో తనకిష్టమైన ఓ జాతి కోడిని పెంచుకుంటున్నాడు. అయితే అతడి తండ్రి కాంతారావు..సదరు కోడిని తీసుకెళ్లి గ్రామ శివారులోని చెరువులో ముంచండంతో అది ఊపిరాడక మృత్యువాతపడింది. కొద్దిసేపటి తర్వాత ఇంటికొచ్చిన మద్దేశ్వరావుకి కోడి కనిపించకపోవడంతో ఆందోళన చెందాడు. వాకబు చేయగా..ప్రమాదవశాత్తూ మృతి చెందినట్టు తండ్రి సమాధానం ఇచ్చాడు. దీంతో ఇద్దరి మధ్య ఘర్షణ చెలరేగింది. కోపాన్ని కంట్రోల్ చేసుకోలేకపోయిన తండ్రి..పక్కనే ఉన్న కత్తితో కొడుకుపై దాడి చేశాడు. దీంతో అతడికి ఛాతిపై గాయాలై..అక్కడిక్కడే కూలిపోయాడు.
దీంతో కుంటుబ సభ్యులు వెంటనే మద్దేశ్వరరావును ఆస్పత్రికి తరలిస్తుండగా, అతడు మార్గమధ్యములో తనువు చాలించాడు. కొడుకు మరణవార్త తెలుసుకున్న కాంతారావు ఊర్లో నుంచి పరారయ్యాడు. కేసు నమోదు చేసుకున్న పోలీసులు విచారణ ప్రారంభించారు.
ఇది కూడా చదవండి : భార్య ప్రసవం కోసం ఆస్పత్రిలో..భర్త గుండెపోటుతో మృతి…
