Salute to Hyderabad traffic police: అపద్బంవులైన హైదరాబాద్ ట్రాఫిక్ పోలీసులు.. కేవలం 32 నిమిషాల్లో ఉపిరితిత్తుల తరలింపు

హైదరాబాద్ ట్రాఫిక్ పోలీసులు మరోసారి తమ నిబద్ధతను చాటుకున్నారు. రాజీవ్ గాంధీ ఎయిర్ పోర్టు నుంచి ఉపిరితిత్తులను కిమ్స్ హస్పిటల్‏కు

Updated on: Jan 08, 2021 | 8:20 PM

Hyderabad traffic police: హైదరాబాద్ ట్రాఫిక్ పోలీసులు మరోసారి తమ నిబద్ధతను చాటుకున్నారు. రాజీవ్ గాంధీ ఎయిర్ పోర్టు నుంచి ఉపిరితిత్తులను కిమ్స్ హస్పిటల్‏కు కేవలం 32 నిమిషాల్లోనే చేర్చారు. ఈ విషయాన్ని హైదరాబాద్ సిటీ పోలీస్ తన ట్విట్టర్‏లో షేర్ చేసింది.

జనవరి 8న అహ్మదాబాద్ నుంచి ప్రత్యేక విమానంలో లైవ్ ఆర్గాన్స్ ఉపిరితిత్తులను హైదరాబాద్ తరలించారు. శంషాబాద్ విమానాశ్రయానికి ఆ ఉపిరితిత్తులు చేరిన సమయం సాయంత్రం 5 గంటల 11 నిమిషాలు. ఇక అక్కడి నుంచి వాటిని ఓ అంబులెన్స్‏లో ట్రాఫిక్‏ను క్లియర్ చేస్తూ బేగంపేట్‏లోని కిమ్స్ హాస్పిటల్‏కు సాయంత్రం 5 గంటల 43 నిమిషాలలోపు ఉపిరితిత్తులను చేర్చారు. రాజీవ్ గాంధీ ఎయిర్ పోర్ట్ నుంచి బేగంపేట్ కిమ్స్ హాస్పిటల్‏కుగల దూరం 36.8 కిలోమీటర్లు. అంతటి దూరాన్ని ట్రాఫిక్ క్లియర్ చేస్తూ కేవలం 32 నిమిషాల్లోనే అందేలా చేశారు. 2021 సంవత్సరంలో ట్రాఫిక్ పోలీసులు లైవ్ ఆర్గాన్స్‏ను ఇంత తక్కువ టైంలో హస్పిటలకు తీసుకురావడం ఇది మొదటిసారి. కాగా గతేడాది ట్రాఫిక్‏ను దాటుకొని కేవలం 20 నిమిషాల్లోనే లైవ్ ఆర్గాన్స్‏ను తరలించామని పేర్కోన్నారు.