హోటల్ రూమ్లో సీక్రెట్ కెమెరా..భయంలేదు..! మొబైల్ ఫోన్తో ఇలా పట్టేయండి..
హోటల్ గదుల గురించి తరచుగా వినే ఒక విషయం ఏమిటంటే మీ గోప్యతను బయటపెట్టడానికి అక్కడ కొన్ని రకాల రహస్య కెమెరాలు ఏర్పాటు చేసి ఉంటాయని మనం వింటూ ఉంటాం. అయితే, మీకు కూడా అలాంటి సందేహం ఉందా..? మీరు వెళ్లిన హోటల్లో సీక్రెట్ కెమెరాలు ఉన్నాయనే అనుమానం ఉంటే..ఇక్కడ కొన్ని చిట్కాలు ఉన్నాయి. వీటిని ఉపయోగించి మీరు హోటల్ గదిలో కెమెరా ఉందో లేదో చెక్ చేయవచ్చు. అదేలాగో తెలుసుకుందాం?
Updated on: Aug 19, 2025 | 12:20 PM
హోటల్ గదిలో సీక్రెట్ కమెరా ఉందా..? లేదో తెలుసుకోవాలంటే ముందుగా గదిలోని అన్ని లైట్లను ఆపివేసి, గదిని పూర్తిగా చీకటిగా చేయండి. ఈ పద్ధతి ఇన్ఫ్రారెడ్ కెమెరాలను కనుగొనడంలో సహాయపడుతుంది. దీని తర్వాత, మీ ఫోన్ కెమెరాను ఆన్ చేసి గది చుట్టూ తిప్పండి. దాచిన కెమెరా ఉంటే మీరు స్క్రీన్పై ఒక చుక్క లేదా కాంతిని చూస్తారు. మొబైల్ ఫ్లాష్ లైట్కు ఇలాంటి చిన్న మెరుపు లాంటిది కనిపించినా, అనుమానాస్పదంగా ఉన్నా ఆ ప్రాంతాన్ని మరింత దగ్గరగా పరిశీలించండి. అలాగే,గదిలో ఉన్న అద్దాలు నిజమో కాదో తెలుసుకోవడానికి, మీ వేలును అద్దంపై ఉంచండి. మీ వేలికి, అద్దం ప్రతిబింబానికి మధ్య ఖాళీ లేకపోతే అది సీక్రెట్ కెమెరా కావచ్చు.
కొన్ని కెమెరాలు రాత్రిపూట పనిచేయడానికి చిన్న లైట్లు లేదా LED లను ఉపయోగిస్తాయి. రాత్రిపూట గదిని చీకటిగా చేయడం ద్వారా ఈ లైట్లను గుర్తించడం ఈజీ అవుతుంది. చిన్న కెమెరాలను స్పీకర్లు, అలారం గడియారాలు, దీపాలు లేదా ఎయిర్ కండిషనర్లలో కూడా దాచవచ్చు. వాటి లోపల చిన్న రంధ్రాలు లేదా లెన్స్లు ఉన్నాయా అని చెక్ చేయండి. కెమెరాను దాచగలిగే ప్రదేశాలైన పొగ డిటెక్టర్లు, దీపాలు, టీవీ వెనుక లేదా పుస్తకాల అర వంటి వాటిపై మీరు ప్రత్యేక శ్రద్ధ వహించాలి.
గోడల నుండి వేలాడుతున్న వైర్లు, లేదా వింతగా ఉంచిన ఏర్పాటు చేసిన వైర్లను కూడా జాగ్రత్తగా చూడండి. ఇది సీక్రెట్ కెమెరాకు సంకేతం కావచ్చు. ఎందుకంటే దీనికి శక్తి, డేటా అవసరం. మీ ఫోన్లోని వైఫై నెట్వర్క్ల లిస్ట్ చెక్ చేసుకోండి.. పేరు తెలియని వింత నెట్వర్క్ మీకు కనిపిస్తే, అది హిడెన్ కెమెరాకు కనెక్ట్ అయి ఉండవచ్చు. బ్లూటూత్ పరికరాన్ని ఆన్ చేసి, చుట్టుపక్కల పరికరాలను స్కాన్ చేయండి. మీకు వింతగా కనిపించే పరికరం కనిపిస్తే, దాన్ని చెక్ చేయండి.
మరిన్ని హ్యుమన్ ఇంట్రెస్ట్ వార్తల కోసం క్లిక్ చేయండి..
