Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 22 వేల 771 మంది వైరస్​ సోకింది. మరో 442 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,48,315. ప్ర‌స్తుతం యాక్టీవ్ కేసులు 2,35,433. వ్యాధి బారి నుంచి కోలుకున్న‌వారు 3,94,227. క‌రోనాతో మొత్తం ప్రాణాలు విడిచినవారి సంఖ్య 18,655.
  • చెన్నై నగరంలో మరికొన్ని ఆంక్షల సడలింపు. ఉ. 6.00 నుంచి రాత్రి 9.00 వరకు హోటళ్లు (పార్సిల్ సర్వీసు మాత్రమే). రాత్రి 9.00 వరకు మాత్రమే హోం డెలివరీ ఉ. 6.00 నుంచి సా. 6.00 వరకు టీ స్టాళ్లకు అనుమతి. కిరాణా షాపులు, కూరగాయల దుకాణాలు ఉ. 6 నుంచి సా. 6 వరకు. మాల్స్ మినహా మిగతా దుకాణాలు ఉ. 10 నుంచి సా. 6 వరకు. సడలింపులు జులై 6 నుంచి అమలు.
  • విశాఖ: కేజీహెచ్ సూపరెంటెండెంట్ డాక్టర్ అర్జున. క్లినకల్ ట్రయల్స్ కు కేజీహెచ్ ను ఎంపిక చేసునట్టు ఐసీఎంఆర్ నుంచి మెయిల్ వచ్చింది. క్లినికల్ ట్రయల్స్ కోసం ప్రభుత్వ అనుమతి కోరాం. డ్రగ్ కంట్రోల్ జనరల్ ఆఫ్ ఇండియా - డీసీజీఐ క్లియరెన్స్ రావాల్సి ఉంది. ఎథిక్స్ కమిటీ విధివిధానాలు తరువాత కార్యకలాపాలు ప్రారంభిస్తాం. అన్ని క్లియరెన్స్ లు పూర్తయ్యేందుకు 3 రోజుల సమయం పట్టే అవకాశముంది. ఆ తరువాత కేజీహెచ్ లో క్లినికల్ ట్రయల్స్ ప్రారంభిస్తాం.
  • కరోనా భయాన్ని క్యాష్ చేసుకుంటున్న వ్యాపారులు.. ఐసోలేషన్ సెంటర్లుగా మారిన బ్యూటీ పార్లర్లు. నిబంధనలను తుంగలో తొక్కి కోవిడ్ రోగులకు గదులు అద్దెకు ఇస్తున్న వైనం. ఎలాంటి జాగ్రత్తలు లేకుండా పాజిటివ్ వచ్చిన వ్యక్తులకు గదులు అద్దెకు. జూబ్లీహిల్స్ రోడ్ నెంబర్ 5లోని colours బ్యూటీ స్టూడియోలో కరోనా పాజిటివ్ వ్యక్తులకు అశ్రయం. రోజుకు రూ.10వేల ఫీజు.. వసూలు..గుట్టు చప్పుడు కాకుండా అక్రమ దందా.
  • REC, ఫైనాన్స్ కార్పొరేషన్ ల నుంచి 12600 కోట్ల రూపాయలు అప్పు తీసుకునేందుకు రాష్ట్ర విద్యుత్ సంస్థలకు గ్యారెంటీ ఇచ్చిన తెలంగాణ రాష్ట్ర సర్కార్. అప్పుల్లో కూరుకుపోయిన డిస్కమ్ లకు ప్రభుత్వ అనుమతితో ఊరట.
  • టీవీ9 తో సిసిఎంబి డైరెక్టర్ రాకేష్ మిశ్రా. తెలంగాణలో వైరస్ సమూల మార్పుని చోటుచేసుకుంటున్నాయి . ఇప్పటి వరకు తెలంగాణలో సింటమ్స్ కనిపించే a3i (ఏత్రీఐ) వైరస్ ఉండేది. ఇప్పుడు ఎలాంటి లక్షణాలు కనిపించని a2a (ఏటుఏ) వైర్ 90శాతం విస్తరించింది. కరోనా మృత దేహాల నుంచి వైరస్ వ్యాప్తి విషయంలో ఆందోళన వద్దు. డెడ్ బాడీస్ నుంచి వచ్చే వైరస్ వ్యాప్తి చెందే అవకాశాలు చాలా తక్కువ. కరోనా వైరస్ ప్రభావం కేవలం ఊపిరితిత్తుల మీదేకాదు మిగిలిన అవయవాల పైనా ఉంది. చేస్తున్న టెస్టులకు పది రెట్లు అధికంగా చేయాల్సిన అవసరం ఉంది. ఆర్ టి పి సి ఆర్ టెస్ట్ ల విధానం సిసిఎంబీలో అభివ`ద్ధి చేశాం. ఆర్ టి పి సి ఆర్ టెస్ట్ ల పద్ధతి లో టెస్టింగ్ సమయంలో సగం ఆదా అవుతుంది. ఈ పద్దతిలో రోజుకి 500 టస్ట్లు చేసే చోట 1500 నుంచి 2000 వరకు చేయవచ్చు.
  • హైదరాబాద్ హిమాయత్ నగర్ లో కరోనా కలకలం. డైమండ్ వ్యాపారి పుట్టిన రోజు వేడుకల్లో వ్యాపించిన కరోనా. వేడుకల్లో పాల్గొన్న 20 మందికి కరోనా పాజిటివ్ . బర్త్ డే వేడుకల్లో పాల్గొన్న సుమారు 150 మంది వ్యాపారులు , రాజకీయ నాయకులు . ఫంక్షన్ లో పాల్గొన్న ఒకరు చనిపోవడంతో మరింత ఆందోళనలు . ఈ వేడుకల్లో పాల్గొన్న ఇద్దరు రాజకీయ నాయకులకు సైతం సోకిన కరోనా

మోదీజీ… దక్షిణాదిపై చిన్న చూపా? ఇదే నిదర్శనం!

PM Modi Ignores South Film Stars, మోదీజీ… దక్షిణాదిపై చిన్న చూపా? ఇదే నిదర్శనం!

మహాత్మాగాంధీ 150 జయంతి సందర్భంగా ప్రధానమంత్రి నరేంద్రమోదీ ఢిల్లీలో పలువురు ప్రముఖులు, సెలబ్రెటీలను విందుకు ఆహ్వానించిన సంగతి తెలిసిందే. మహాత్ముడి మార్గాలు, ఆశయాల గురించి వారితో అనేక విషయాలను ఈ సందర్భంగా ఆయన పంచుకున్నారు. అంతేకాక దేశ ప్రజలకు అవి చేరువయ్యేలా చూడాలని వివరించారు. ఇక బాలీవుడ్ సెలబ్రిటీలు కొందరు ప్రధాని మోదీతో దిగిన ఫోటోలను సోషల్ మీడియాలో పోస్ట్ చేయగా.. దక్షిణాది ఫ్యాన్స్ తీవ్ర విమర్శలు చేశారు. ముఖ్యంగా రామ్ చరణ్ సతీమణి ట్విట్టర్ వేదికగా తన అసహనాన్ని వ్యక్తం చేసింది. బాలీవుడ్ సెలబ్రిటీలతో పోలిస్తే.. దక్షిణాది ప్రముఖులను అంతగా పట్టించుకోని వైనం దాదాపు దుమారం రేపింది. హిందీ ఆర్టిస్టులను మాత్రమే హైలైట్ చేస్తూ.. సౌత్ దిగ్గజాలను నిర్లక్ష్యం చేశారని.. టాలీవుడ్ పరిశ్రమను చెందిన అనేక మంది ప్రముఖులను పూర్తిగా పట్టించుకోలేదని.. ఇది ఎంతో బాధాకరమని ఆమె ట్వీట్ చేసింది.

ఇలా ఆమె పోస్ట్ చేసిన వెంటనే.. నెటిజన్లు కూడా ప్రధాని మోదీ తీరును తీవ్రంగా విమర్శించారు. నెట్టింట్లో ఇదొక హాట్ టాపిక్‌గా మారితే.. చివరికి పీఎంఓ దీనిపై క్లారిటీ ఇచ్చింది. దక్షిణాది నుంచి పలువురు ప్రముఖులను ఈ మీటింగ్‌కు పిలవడం జరిగిందని.. రకుల్ ప్రీత్ సింగ్, సాలూరి వాసూరావు, ఎస్.పి.బాలసుబ్రహ్మణ్యం, దిల్ రాజు, ఈనాడు ఎండీ కిరణ్, ఈటీవి సీఈఓ బాపినీడు తదితరులు హాజరయ్యారని తెలిపింది.

అయితే వీరందరూ మోదీతో దిగిన ఫోటోలు బయటికి రాకపోవడంతో నెట్టింట్లో రచ్చ జరిగింది. ఇక తాజాగా బాలీవుడ్ హీరోయిన్ తీసిన ఓ ఫొటోలో వీళ్ళందరూ ఉండటం విశేషం. మరోవైపు బాహుబలి టీమ్ రాజమౌళి, రానా దగ్గుబాటి, ప్రభాస్‌లకు కూడా ఆహ్వానం ఇచ్చినట్లుగా తెలుస్తోంది. కానీ వారు లండన్‌లో ‘బాహుబలి’ ప్రీమియర్ షోకు వెళ్లడంతో ఈ మీటింగ్‌కు హాజరు కాలేదని తెలుస్తోంది.
సౌత్ నుంచి పలువురు ఈ కార్యక్రమానికి హాజరైనా.. మోదీ దక్షిణాది మీద చిన్న చూపు చూస్తున్నారన్న మాట వాస్తవమే. ఆయన ఏర్పాటు చేసిన ఫంక్షన్ ఏదైనా అందులో ముఖ్యంగా బాలీవుడ్ ప్రముఖులు ఉంటారు తప్ప.. దక్షిణాది నుంచి దిగ్గజాలెవరికి కూడా ప్లేస్ ఉండదు. మోదీ-షా ద్వయం ఇప్పటికే తెలుగు రాష్ట్రాల్లో బీజేపీ జెండాను ఎగరేయాలనే పనిలో పడ్డారు. ఇప్పటికైనా ఆయన దృష్టి సారించి.. దక్షిణాది సినీ దిగ్గజాలతో మీట్ ఏర్పాటు చేస్తే.. తెలుగువారి ఓట్లు కూడా పడడం ఖాయమే.

Related Tags