Cleaning Tips: కిచెన్, ఇంట్లోని వస్తువుల్ని ఇలా క్లీన్ చేస్తే.. అద్దాల్లా మెరిసిపోతాయి అంతే!
కొంత మంది ఇంటిని తరచూ క్లీన్ చేస్తూ ఉంటారు. మరికొందరు అప్పుడప్పుడూ శుభ్ర పరుస్తారు. ఇంటిని క్లీన్ చేయడంలో కూడా ఒక కళ ఉంటుంది. ఏదో చేశాము అంటే చేశాము అనే దాని కంటే.. ఈ సారి ఇలా చేయండి. మీ ఇల్లు మొత్తం మెరిసి పోతూ ఉంటుంది. అందులోనూ ఇంట్లో చిన్న పిల్లలు ఉన్నారంటే.. ఆ ఇల్లు ఎప్పుడూ గందర గోళంగానే ఉంటుంది. పెట్టిన వస్తువు పెట్టిన చోట ఉండదు. అలాంటి వారికి ఈ టిప్స్ బాగా ఉపయోగ పడతాయి. ఇందుకోసం బయట నుంచి ఏమీ కొనాల్సిన పని లేదు. ఇంట్లోని వస్తువులు..
కొంత మంది ఇంటిని తరచూ క్లీన్ చేస్తూ ఉంటారు. మరికొందరు అప్పుడప్పుడూ శుభ్ర పరుస్తారు. ఇంటిని క్లీన్ చేయడంలో కూడా ఒక కళ ఉంటుంది. ఏదో చేశాము అంటే చేశాము అనే దాని కంటే.. ఈ సారి ఇలా చేయండి. మీ ఇల్లు మొత్తం మెరిసి పోతూ ఉంటుంది. అందులోనూ ఇంట్లో చిన్న పిల్లలు ఉన్నారంటే.. ఆ ఇల్లు ఎప్పుడూ గందర గోళంగానే ఉంటుంది. పెట్టిన వస్తువు పెట్టిన చోట ఉండదు. అలాంటి వారికి ఈ టిప్స్ బాగా ఉపయోగ పడతాయి. ఇందుకోసం బయట నుంచి ఏమీ కొనాల్సిన పని లేదు. ఇంట్లోని వస్తువులు చాలు. మరి అవేంటో తెలుసుకుందాం.
సింక్ క్లీనింగ్:
ప్రతి ఇంట్లో కిచెన్ చాలా ముఖ్యం. అందులో మనం రోజూ వాడే సింక్ కూడా ఒకటి. ఈ సింక్ బాగా మెరిసి, దానిలో ఉండే బ్యాక్టీరియా పోవాలంటే.. అందులో కొద్దిగా బేకింగ్ సోడా వేసి ఓ పది నిమిషాల తర్వాత క్లీన్ చేయండి. అంతే వాసన రాకుండా కొత్తదానిలా మెరిసి పోతుంది సింక్.
అద్దాలు క్లీనింగ్:
ఇంట్లో అద్దాలు బాగా మసక బారి పోయినట్లు ఉంటే.. ఈసారి అద్దాలను టీ డికాషన్ చల్లి.. ఓ వన్ మినిట్ ఉంచి క్లీన్ చేయండి. అద్దాలు చక్కగా మెరుస్తాయి. అలాగే గ్రీజు మరకలు పోవాలంటే.. బేకింగ్ సోడా, మినరల్ ఆయిల్ ని కలిపి మరకలపై చల్లండి. ఆ తర్వాత క్లాత్ పెట్టి తుడిచేస్తే మరకలు పోతాయి.
ఓవెన్ క్లీనింగ్:
నిమ్మ కాయతో మైక్రోవేవ్ ని ఈజీగా క్లీన్ చేసుకోవచ్చు. ఓ చిన్న గిన్నెలో నిమ్మ కాయ రసం పిండి.. దీన్ని ఓ ఐదు నిమిషాలు మైక్రో వేవ్ లో అలానే ఉంచేయండి. దీంతో ఓవెన్ మొత్తం శుభ్ర పడుతుంది. బ్యాక్టీరియా ఏమైనా ఉన్నా పోతుంది.
ఇంటి ఫ్లోర్ క్లీనింగ్:
చిన్న పిల్లలు ఉన్న ఇల్లు ఫ్లోర్ ఎప్పుడూ క్లీనింగ్ గా ఉండదు. కింద పడిన వస్తువులు కూడా వాళ్లు తెలియకుండా నోట్లో పెట్టుకుంటారు. బ్యాక్టీరియా, క్రిములు చేరకుండా ఫ్లోర్ శుభ్రంగా ఉండాలంటే.. గోరు వెచ్చటి నీళ్లు తీసుకోవాలి. ఇందులో వైట్ వెనిగర్ కలపాలి. ఈ నీటితో ఫ్లోర్ మొత్తం క్లీన్ చేస్తే.. బ్యాక్టీరియా, మరకలు మాయం అవుతాయి. వెనిగర్ స్మెల్ నచ్చని వాళ్లు నిమ్మ కాయ రసాన్ని పిండండి. ఇలా అయితే మంచి సువాసన కూడా వస్తుంది.