Tongue Brunt Remedies: వేడి వేడి పదార్థాలు తిని నాలుక కాలిందా.. ఇలా చేస్తే సెట్!
సాధారణంగా వేడి వేడిగా ఆహారం తీసుకుంటూ ఉంటారు. ఒక్కోసారి పనుల మీద బయటకు వెళ్లే కంగారులో గాబరాగా వేడి ఆహారం తినడం, టీలు వంటివి తాగుతూ ఉంటారు. ఈ క్రమంలో అప్పుడప్పుడు నాలుక కాలిపోతూ ఉంటుంది. దీని వల్ల అసౌకర్యంగా ఉంటుంది. శరీరంలోనే అతి సున్నితమైన భాగాల్లో నాలుక కూడా ఒకటి. ఫుడ్ టేస్టీగా ఉంటుందని వేడిగా తింటాం కానీ.. నాలుక కాలితే వచ్చే నొప్పి మాత్రం రెండు, మూడు రోజుల వరకూ ఉంటుంది. చాలా మంది ఈ ఇబ్బందిని ఫేస్ చేసే ఉంటారు. అయితే ఈ సారి ఇలా జరిగితే..
సాధారణంగా వేడి వేడిగా ఆహారం తీసుకుంటూ ఉంటారు. ఒక్కోసారి పనుల మీద బయటకు వెళ్లే కంగారులో గాబరాగా వేడి ఆహారం తినడం, టీలు వంటివి తాగుతూ ఉంటారు. ఈ క్రమంలో అప్పుడప్పుడు నాలుక కాలిపోతూ ఉంటుంది. దీని వల్ల అసౌకర్యంగా ఉంటుంది. శరీరంలోనే అతి సున్నితమైన భాగాల్లో నాలుక కూడా ఒకటి. ఫుడ్ టేస్టీగా ఉంటుందని వేడిగా తింటాం కానీ.. నాలుక కాలితే వచ్చే నొప్పి మాత్రం రెండు, మూడు రోజుల వరకూ ఉంటుంది. చాలా మంది ఈ ఇబ్బందిని ఫేస్ చేసే ఉంటారు. అయితే ఈ సారి ఇలా జరిగితే.. ఈ చిట్కాలు మీకు బాగా హెల్ప్ చేస్తాయి.
పెరుగు:
సాధారణంగా ఎవరి ఇంట్లో అయినా పెరుగు కామన్ గా ఉంటుంది. నాలుక కాలినప్పుడు పెరుగును తింటే సరిపోతుంది. పెరుగు చల్లగా ఉండటమే కాకుండా మంటను కూడా తగ్గిస్తుంది. నోట్లో పెరుగును కాసేపు అలా ఉంచుకుంటే మంట, నొప్పి రెండూ తగ్గుతాయి. పెరుగు ఆరోగ్యం కూడా.
చక్కెర:
నాలుక కాలినప్పుడు ఉపశమనం కలిగించడంలో చక్కెర కూడా ఎఫెక్టీవ్‌గా పని చేస్తుంది. వేడి వేడిది తిన్నప్పుడు నోరు మంటల ఉంటే.. పంచదారను నోట్లో వేసుకుని కాసేపు అలానే ఉంచుకోండి. ఇలా తింటే నొప్పి, మంట వంటివి తగ్గుతాయి.
తేనె:
నాలుక మంట, నొప్పిని తగ్గించడంలో తేనె కూడా బాగా పని చేస్తుంది. ఈ సమయంలో తేనెను నాకడం వల్ల మంచి ఫలితం ఉంటుంది. తేనెలో యాంటీ బ్యాక్టీరియల్ సెప్టిక్ ఉండటం వల్ల ఇది తింటే ఆరోగ్యానికి కూడా మంచిదే.
ఐస్ క్యూబ్:
ఒక్కోసారి వేడిది తిన్నప్పుడే కాకుండా.. తినే కంగారులో నాలుక కూడా కరుచుకుంటూ ఉంటారు. ఇలాంటప్పుడు చాలా నొప్పిగా, మంటగా, అసౌకర్యంగా ఉంటుంది. ఇలాంటప్పుడు ఐస్ క్యూబ్ నోట్లో పెట్టుకోవడం వల్ల ఆ మంట, నొప్పి నుంచి రిలీఫ్ వస్తుంది.
సాధారణమైన ఆహారం తీసుకోవాలి:
నాలుక కాలినప్పుడు వీలైనంతగా సాధారణమైన, చల్లగా ఉన్న ఆహారాన్ని తీసుకోవాలి. స్పైసీ ఫుడ్ కి దూరంగా ఉంటే బెటర్. దీని వల్ల మీ నాలుక చల్లబడి.. నొప్పి, మంట తగ్గుతాయి. ఇలా ఇంట్లో ఉండే ఆహార పదార్థాలతో.. నాలుక మంట, నొప్పికి చెక్ పెట్టొచ్చు.
మరిన్ని హెల్త్ వార్తల కోసం ఇక్కడ క్లిక్ చేయండి
గమనిక: ఇది నిపుణులు, అధ్యయనాల నుంచి సేకరించిన సమాచారం. అవగాహన కోసం మాత్రమే ఈ కథనం. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడం మేలు.